الدراسة فى كلية الطب

كل ما تحتاج معرفته عن سنة الامتياز للأطباء

اولا مبروك التخرج و انتهاء فترة الدراسة الاكاديمية ومرحبا بك على أول طريق الحياة العملية

سنة الامتياز تعتبر اول طريقك كطبيب متدرب بعد التخرج، المفروض انك هتبدأ فيها تتدرب بشكل عملى اكتر على دراستك السابقة  و تؤهلك للعمل كطبيب ممارس عام لفترة لحين التخصص.

نظام سنة الإمتياز

نظام سنة الامتياز ممكن يختلف من جامعة لتانية فى بعض الامور البسيطة جداً، مثل التشديد على الحضور و الغياب و الاهتمام بوجود لوج بوك و لا لا !!

لكن هاتكلم عن النظام العام لسنة الامتياز ..

سنة الامتياز تعتبر اول طريقك كطبيب متدرب بعد التخرج، المفروض انك هتبدأ فيها تتدرب بشكل عملى اكتر على دراستك السابقة 

 مدة فترة الامتياز هى سنة ( 12 شهر ) مقسمة على مرورك على 6 تخصصات كبيرة ( أقسام ) علشان تقضى فى كل تخصص شهرين، وهم :

  • الباطنة العامة
  • الجراحة العامة
  • الأطفال
  • النسا و الولادة
  • الطوارىء و التخدير ( شهر و شهر )
  • الأقسام الباطنة الخاصة ( تخصصين شهر و شهر )

الدفعة بتتقسم مجموعات و لكل مجموعة جدول Rotation بحيث تعدى على الـ 6 أقسام كلهم طول السنة.

هتاخد مكافأة اخر كل شهر 265 جنيه  ” ممكن يزيدوا او يقلوا حسب الجامعة ” .. 

سنة الامتياز عموماً مفيدة جداً لو انت حابب تستفاد وتنزل باستمرار و تكون نشيط
لان فى السنة دى محدش بيفرض عليك حاجة معينة، انت اللى ممكن تفرض على نفسك انك تتعلم و تتدرب و لا لا !!


خطوات بداية سنة الامتياز و الأوراق المطلوبة

بعد انتهاء الامتحانات و ظهور النتيجة بالنجاح الحمد لله هتبدأ فى بعض الإجراءات الورقية الروتينية، و اللى بتبدأ بإخلاء طرفك من الكلية تماماً. # إعرف أكتر عن : خطوات بداية سنة الامتياز و الأوراق المطلوبة

كتب طبية مهمة هتفيدك خلال سنة الإمتياز و ما بعدها : 

وفـ النهاية متنساش تتابع قسم Intern Doctor-سنة الإمتياز ع المنتدى و اللى هتلاقى عليه حاجات كتير جدا و خبرات هتفيدك جدا خلال سنة الامتياز.

اترك تعليقاً

زر الذهاب إلى الأعلى
إغلاق