تمت الاجابة USMLE

Ahmed osama

New member
شكرا لردك واهتمامك
كنت عاوز أستفسر عن الزمالة البريطانية....بتديني فرصة للعمل في أماكن تانية غير انجلترا ولا لأ؟؟
وهل في الخليج الشهادة دي ليها اولوية ومطلوبة بقوة زي زمان ولا لأ لإني سمعت انها بقت هناك زي الماستر العادي...
وشكرا جزيلا لحضرتك
 



قد يهمك ايضاً !

Sarah Abo ziad

Moderator
طاقم الإدارة
Team Member
هل المعادله الامريكيه ليها وقت محدد لكل مرحله ولا لأ
 

Ahmed Sa3ed id

New member
من وجه نظري ابدا بعد ثلاثه علشان هتحتاج ال فات ف step 1 ولو عايز اكتر اقرأ ده البوست فيه الخلاصة . اقرأه لاخره و ارحم نفسك من الاسئلة
#المعادلة_الامريكية_usmle
المعادلة الامريكية ..
اولا : ايه هي المعادلة : هي عبارة عن رخصة لمزاولة الطب في امريكا يعني بتعادل بكالريوسك ببكالريوس الطب هناك بس كده .. اي حد لازم ياخدها قبل ما يخط ايده علي عيان هناك حتي الامريكان بيخادوها هاقولك اه ولو مخدوهاش يبلوا البكالريوس ويشربوا ميته
اسمها بالانجليزي USMLE يعني ايه :
United State Medical Licensing Examination
وهي بتتكون من اربع امتحانات بتاخدهم في ثلاث خطوات بس كدة
والنظام هناك بيشترط اننا ناخدها عشان يقيمونا هل اننا فعلا ينفع نبقي اطباء وطبعا التقدير العام في الكلية فستك بس لو انت من اول 10% في الدفعة دا حاجة حلوة في CV .... هما ملهمش دعوة بتقدير ولا نيلة هما عاوزين خريج طب بيفهم ......
ثانيا : ايه النظام هقولك زي ما قولت هي 3 ستيب ( خطوات ) :
Step 1 - Step 2:clinical knowledge - Step 2:clinical skills - Step 3 ***********************************************
اول واحدة اللي هيا step 1 ودي بقي عبارة عن امتحان بيقيموا بيه long – term memory يعني معرفتك بالعلوم الاساسية اللي هيا مواد اولي وتانية وتالتة الي جانب بعض العلوم الاخري ( الخاصة بالنظام عندهم بس ) وبعض النواحي الاكلينيكة يعني بيشوفوا انت كدكتور هتعمل اية بالي انت درسته في المرحلة دي ... والمواد دي طبعا كالاتي :
1- anatomy و بيضم ( histology epithelia + embryology )
2- biochemistry ودي بتضم ( molecular biology + genetics )
3- pathology و ما يندرج تحته
4- pharmacology
5- physiology
6- microbiology + immunology + parasitology
7- behavioral sciences
( خاصة بالنظام الطبي الامريكي بس ) ودي بقي اللي بيقولو عليها عقدة المصريين لان احنا طبعا مش بندرسها فالتعرض الاول بيكون بيكون وقت المذاكرة و بتاخد و قت كبير من فترة التحضير ...
امتحان (step 1) بيكون في مركز الاميدست في الدقي في الجيزة .
//// وبعدها step 2 ودي بتنقسم الي امتحانيين :
1- (step 2 : clinical knowledge )
ودا بيقيمك في المواد بتاعت (4 - 5 - 6 ), بيكون برضو في مركز الاميدست بالجيزة .
2- step 2 : clinical skills
ودا بقي يعتبر عنق الوجاجة لانك لازم تسافر امريكا عشان تاخده هناك و بيكون في خمس ولايات بس وهنا تكمن الصعوبة المالية لانك هتتحمل مصاريف سفر و امتحان والامتحان ده عبارة عن تقييم للمهارات الاكلينية : ( يعتبرامتحان تمثيلي .. بتمر علي 12 عيان مدربين كل واحد في حدود ربع ساعة عشان تقيم الحالة و تكتب conclusion عن الحالة )
-- الهدف من الامتحان ده انهم يعرفوا ازاي تتعامل مع المريض + ( اختبار communication skills دا طبعا بيقيم اللغة )
##### لو عديت المراحل السابقة يبقي انت معاك شهادة USMLE و يبقي انت ECFMG certified
بعد كده بتقدم علي الماتش ( النيابات ) و دي عاوزه cv قوي و انت في الماتش بتنافس ما يقرب من 14000 طالب اجنبي اغلبيتهم هنود و من جنوب امريكا و حوالي 23000 من اولاد البلد مبينقبلش غير 7000 من الطلبة الاجانب و لو ربنا وفقك و خدت النيابة لازم هتحضر :
(step 3 )
خلال السنة الاولي من النيابة ... و دا بيختبر كل
حاجة ( مطلق يعني ) .. بس بيركز اكتر علي النسا و الباطنه و الرعايه الطبيه و الاطفال . و بيكون عباره عن يومين متتابعي ....
ثالثا : الامتحان بيبقي في اي يوم من ايام السنة ماعدا اول اسبوعين في يناير ( عشان اعياد الميلاد ) و يوم 4/7 عشان العيد بتاعهم وانت بتحدد معاهم 3 شهور ورا بعض من السنة لازم تخش الامتحان في يوم منهم .
ولو سقطت ليك تعيد الامتحان 6 مرات .
رابعا : الامتحان عبارة عن 7 مجموعات من الاسئلة او بلوكات كل بلوك فية ما لايزيد علي 40 سؤال وزمن كل بلوك ساعة واحده بس يعني المجموع 280 سؤال تقريبا مدتهم 7 ساعات و ليك ساعه راحة ممكن تقسمها زي ما انت عاوز بين البلوكات وبعضها . وطبعا الناس دي بيختبروا برضو قوة التحمل والتركيز اكتر من المعلومات نفسها .. والامتحان عبارة عن اسئلة MCQ clinical cases
و في اسئلة AUDIO , و الاسئلة فيها صور و منحنيات كتير و قوانين رياضية و بعض الاسئلة بتبقي مركبة بحيث تختار X and Y صيغة السؤال the best answer . والامتحان بتبقي اسئلته عشوائية يعني كل ممتحن ليه اسئلة مختلفة عن التاني والامتحان نظامة بيتغير سنة عن سنة ممكن يبقي 308 سوال او 315 و ممكن يوصل 350 سؤال .
في اسئلة مهما ذاكرت مش هتعرف تحلها او من الضغط اللي هيبقي عليك وانت بتمتحن و تبقي اسمها mastery ( اسئلة البراعة ) و دي بيعنوها لامتحانات السنة اللي بعد كده عشان يجربوها في الممتحنين و غالبا صعبه جدا
خامسا : السكور او نتيجة الامتحان بتظهر خلال 4 اسابيع غالبا يوم الاربعاء وبيبعتهالك علي الايميل فيها كل حاجة وال score دا عبارة عن 3 ارقام .. و رقمين في نفس الوقت يعني مثلا 257 / 99----- يعني انت تقديرك 257 وانت جبت اكتر من 99 % من الناس اللي امتحنت في نفس الوقت اللي حضرتك امتحنت فيه و من كل انحاء العالم و طبعا كل الناس بقت بتجيب في الحدود دي لان التنافس بقي اشد من الاول بكتير و الفرص قلت عن الاول . فاعمل حسابك متجبش اقل من 99 عشان متضيعش وقتك و فلوسك علي الفاضي ..
سادسا : اهمية الscore دا كبيرة جدا وخصوصا اقل من 240 لا قدر اللة مش هيلحق نيابة في امريكا خالص ولو حتي في اضعف التخصصات هناك اللي هيا النفسية و دي معظم المصريين بياخدها .... ممكن بقي يكون السكور علي اده و ال cv قوي اكيد يعوض ... واللي يجيب اقل من 230 فيها مش هيعرف يعمل بيها حاجة ولا حتي يشتغل في دول الخليج مثلا في مؤسسة حمد في قطر وموسسة خليفة و دبي هيلث كير في الامارات ... اللي هيا اصلا مبتبقلش غير الحاصلين علي المعادلة دي .. عشان كدة متضيعش وقتك ومالك واستعد كويس خصوصا وانك لازم تعرف ان مفيش حد بيحسن النتيجة بتاعته لو نجح هي مرة واحدة وللابد
و الحد الادني للنجاح هو 192 نقطه .. و اعلي سكور مُسجل هو 283 .. فاعمل حسابك انك تعدي بـ 255 علي الاقل غير كده متتعبش نفسك و تذاكر اصلا . سكور STEP1 هو اهم حاجة لانهم بيحطوا فلتر و يستبعدو اللي جايب اقل من سكور معين هما محددينه .
سابعا : فرص العمل : فرص العمل كثيرة جدا للحاصل علي المعادلة خصوصا ان البورد الامريكي اعلي شهادة طبية في العالم .
1 - امريكا : ممكن لو ربنا وفقك و اخدت usmle و معاك cv قوي تخش الماتش
( شهر 3 , 9 من كل سنة ) و تاخد النيابة بحيث تاخد step 3 في اول سنة من النيابة اللي ممكن تتراوح ما بين 3 الي 5 سنوات حسب التخصص و تخلصها و تدخل بقي علي followship ( الزمالة) و دي برضو بتاخد من 3-5 سنوات حسب التخصص برضو و بعد ما تخلص كل ده يبقي انت خلاص بقيت استشاري و تاخد شهادة البورد الامريكي و دا يعتبر نهاية التطور المهني هناك . والعائد المادي هناك في اول سنة عمل (بعد النيابة) 200 الف دولار في اي مستشفي هتشتغل فيها باذن اللة ’ و كله برضو حسب التخصص دا غير المستوي العلمي المتميز الاقوي في العالم .
2 - قطر : خيار قوي برضة خصوصا وان فية فرص في الجيش و الحكومة و مؤسسة حمد الخاصة ودي ممكن تاخد نيابتك فيها حوالي 3 سنين وممكن تكمل فيها المعادلة خصوصا لو عرفت انها هتبقي معتمدة من البورد الامريكي وفي نهاية النيابة بيدوك شهادة انك معاك البورد العربي وفي نفس الوقت بيجهزوك للبورد الامريكي فضلا عن العائد المادي 32000 ج للنائب في اول شهر و المستوي العلمي المتميز والطاقة البشرية والمعدات الهائلة .. بس لازم تقدم عليها بدري في خلال 3 سنين من الامتياز وعاوزة سكور عالي في امتحانات المعادلة 230 فما فوق وكل ما زاد السكور زادت فرصك هناك و يكون عندك حد هناك تعرفه يعملك استضافة مش اكتر بس الموضوع ده تنافسي بشكل رهيب ..... لان في نهاية النيابه عدد قليل جدا اللي بيكمل هناك . فيه طريق تاني لحمد عن طريق امتحان IFOM مقدم برضه من NBME و دا ارخص من امتحان usmle اكيد بس مينصحش بيه ... من ابرز متطلبات حمد step 1 and CK and toefl
***** نيوزيلاند هي الدولة الوحيدة في العالم اللي ممكن تشتغل فيها بالمعادلة + امتحان osce صغير , و مش عاوزه خبره و لا حاجة و طبعا كلنا المستوي المعيشي هناك . مع مراعاة صعوبه العثور علي فرص عمل هناك .
5- الامارات : طبعا بتقبل المعادلة بس مش بشكل رسمي و الامر مقصور علي الشغل البرايفت بشكل اكبر من الحكومي ليهم امتحانات تانية خاصة بالنيابات و كده
بس لو معاك المعادلة ( step 1 + ck +cs ) هيمتحنوك oral بس ... اما لو معاك البورد الامريكي كامل هتشتغل من غير اي حاجة علي درجة ممارس عام و طبعا الامارات فيها شغل برايفت زي مؤسسة خليفة و Dubai Healthcare City دول محتاجين ( خبرة خمس سنين في مصر + step 1 ,ck , cs , 3 ) و دول بيديو اعلي مرتبات في الكوكب و الامريكان و الانجليز و الهنود و الباكستانيين عاملين اغراق هناك .
6- ممكن لبنان شغل برايفت تبع الجامعة الامريكية هناك ..
7- في مصر هنا برضو ممكن تبقي ليك امتيازات لو سكورك عالي تشتغل شغل برايفت في دار الفؤاد او المركز الطبي العالمي بمرتب محترم . لكن في وزارة الصحة دلوقتي لاتعادل اي شئ....
^^^^ كندا مش بتعترف بال ECFMG certified بس ليهم اماكن هناك للخاصلين علي البورد الامريكي كامل . بعض الاماكن للحاصلين علي سكور عالي في usmle بس كندا تعتبر اصعب طريق بالنسبة ليك لانها بتشترط الهجرة و الاقامه الدائمه هناك و مبلغ معين من المال في حسابك البنكي زي استراليا .....
$$$$$$ ازاي تقوي ال cv بقي ..
1- اتقان اللغه كويس جدا و خاصه الفونتكس و الامريكان اكسينت .....
2- حاول تتعلم اي لغه زيادة و خاصه اسباني او ايطالي لان فيه غالبيه هناك بتتكلم بيها و انت مش ضامن هتاخد النيابه فين
3 - حاول تشترك في ايفنتات البحث العلمي و تاخد منهم شهادات و تشترك مع جروب حلو و تنشروا كام ورقه علي pubmed .. دا شي اجابي
4- نوعا ما اشتراكك في انشطه خيرية زي رساله ممكن يخدمك جامد . و كذالك الانشطه الطلابيه الخيرية زي amsa و غيره
5- اهم شي تاخد USCE يعني تسافر هناك مده شهر او اكتر تتدرب في المستشفيات هناك و بكدا تعرف بيها النظام بتاعهم و تاخد علي الجو هناك .. و دي ممكن تعملها من كذا طريق و فيه منها elective ودي افضلهم و اكترهم تكلفه 😂😂 و غالبا بتشترط يكون معاك step 1 و بتعملها و انت في سنه 6 او الامتياز .... تاني حاجه observership و دي اقل درجه من elective و اقل تكلفه بكتير و دا انك تراسل دكتور هناك في للتخصص اللي بتحبه و هو يديك الاوكي و تروح هناك تلازمه زي ظله و تتعلم منه اكيد و كلا الطريقين في الاخر بتاخد خطابات توصيه من الدكاترة هناك LORs تفيد انك تدربت هناك و بيعددوا فيها مميزاتك و عيوبك 😉😉 و طبعا دا نقطه ذهبية في ال cv اثناء الماتش ..
6- السكور السكور و دا اهم شيء بغض النظر عن راي اي حد د السكور العالي ببوفر عليك جامد فلوس لانك اثناء الماتش هتقدم في 3 برامج تضمن يجيلك interview في واحد منهم بدل ما يكون سكورك قليل و تقدم في 30 برنامج مثلا و دا طبعا بيزود التكلفه جامد و ممكم مش يجيلك interview حتي لو ال cv قوي ....
ثامنا : المعادلة و الزماله البريطانية . عيوب و مميزات .. امريكا بتدي الجنسية الامريكية بعد 5 سنين هناك او بعد سنتين خدمة اجتماعية وتبقي مواطن امريكي ليك كامل الحقوق ..... بس بريطانيا ممكن تشتغل اي تخصص انت عاوزه بخلاف امريكا اللي فيها تنافس رهيب بالنسبة للاجانب علي نيابات ( مخ و اعصاب - باطنه ( المعظم ) - نفسية - طب اسرة - مسالك بولية . الخ ) غير ( التجميل - العظام - الاشعة - الرمد ) اللي بتحتاج غير التنافس سن كبير ...
الزماله زي المعادله لو هتشتغل في الخليج و بالذات في السعودية و الفرق بينهم بيسط جدا

اخيرا : ممكن تخش الامتحان بتاع STEP 1 وانت طالب يعني لما تكون في رابعة او خامسة وبحيث تكون اكتسبت شوية خبرة اكلنيكي يساعدوك بشكل ما في حل اسئلة الـــ CASES بتاعت STEP 1 و دا الخيار الافضل والامثل للمعادلة خصوصاً ان معظم الامريكان بيعملوا كده و الكل بينصح بيها و اعلي درجات مسجلة بالطريقة دي بحيث تكون قريب العهد بالعلوم الاساسية اللي انت هتمتحن فيها اصلا ..
و لو حضرت و انت طالب خطة المذاكرة متنحسبش بالاشهر بل تنحسب بالاجازات و اوقات الفراغ بحيث انك تذاكر للمعادلة بجانب دراستك للكلية و اهم شئ الاجتهاد في سنة تالته لان هيا حجر الاساس في STEP 1 لان 90 % من اسئلة STEP 1 باثولوجي و فارما و ميكرو
المصريين كلهم بياخدوها بعد سنة 6 تحديدا في الامتياز ( في فترة اعداد حوالي من 9 اشهر الي سنة وقد تمتد الي 2.5 سنة ) و كل ما طالت فترة الاعداد تجيب سكور اعلي طبعا . و المدة متفاوته حسب قدرة كل واحد و يعني ممكن واحد يخلص الاعداد في 6 شهور وواحد في سنتين عادي خالص كله حسب مستواك في BASIC SCIENCE ...
******* لازم تخلص المعادلة كلها في ظرف زمني 7 سنوات واللي بينجح في امتحان ويسقط في التاني عادي خالص . بتخش فية تاني ودرجة الاول زي ما هوا ... بس طبعا السقوط بيقتل فرصك في امريكا
ملحوظة 1 / مش لازم تاخد الامتحانات بالترتيب ممكن تاخد امتحان step 1 قبل step 2 او ستيب 2 قبل 1 . عادي خالص بس اهم حاجة انك تعرف ان معظم اسئلة ستيب 1 بتيجي في ستيب 2 ......... ولو اخدت ستيب 2 الاول برضو مش هيخدمك زي ما تاخد ستيب 1 الاول .........
ملحوظة 2 / اجتهادك في الكلية و فهمك لكل صغيرة وكبيرة هيساعدك جدا بس دا لو مزجت بين كتبك و كتب المعادلة زي الهنود و العملية سهلة جدا . لان معظم الحاجات اللي بناخدها مش مطلوبة في امتحان المعادلة .. فيه حاجات معينة بيركزو عليها لان العملية مش حشو و خلاص
خاتمة //// لازم تعرف ان مش اقل من 100 طالب مصري بينجحوا في امتحانات المعادلة كل سنة في حين ان الهنود و الباكستانيين بينجح منهم حوالي 20 ضعف العدد ده .... هما مش ازكي منا ولا حاجة هما بس بيتقنوا اللغات و مهارات التواصل و كتبهم تحتوي علي منهج المعادلة زي كتب الوزارة و هما واخدين فكرة تصدير الدكاترة للخارج هدف قومي .
$$$$$$ الانجليزي مهم قبل ما تعمل اي حاجة وياريت لو اتعلمت لغة تانية ويفضل انها تكون اسباني لانها اللغة التانية في امريكا دا هيقوي ال CV بتاعك جدا جدا لما تقدم علي المااتش ..
---- لو هدفك فلوس : المعادلة هو اكثر طريق هيكلفك فلوس و جهد و تعب و نتيجته غير مضمونه اطلاقا و تخصصات علي كف عفريت . في حين ان فيه طرق تانية كتير مضمونة و تخصصات زي ما انت عاوز و مش هتكلفك ربع المعادلة و هتعمل منها فلوس ( بس مش علم ) اكتر من امريكا زي :
( انجلترا - ايرلندا - المانيا - السعودية - اسبانيا - فنلندا - استراليا - قطر موسسة حمد عن طريق امتحان IFOM ) فياريت تقرا عن الطرق التانية قبل تفكر في كل كلمة اتقالت في البوست ده عشان متضيعش عمرك في حاجة مش هتستفاد منها لمجرد انك حابب الفكرة او بتمشي مع التيار ....
**** السنادي المعادلة امتحانات و سفر بس تكلف حوالي 8000 دولار . دا غير كتب و فلوس هتندفع اونلاين في حدود 400 دولار و لو عاوز تاخد كورس برضو في حدود 4000 - 7000 جنية .....
#لو_حلمك_تسافر_بره
:) تحياتي
 
أعلى