TPP

Aser Aktham

New member
سقف الطموحات بقى عالى فاهاضطر اكتب احيانا تجارب عشتها واحيانا حالات قراتها او سمعتها بس من مصادر موثوقة ودا للامانة العلمية. :).
الواضح ان الطريقة دى فى التعلم كويسة بالتشويق بس مع اسس علمية سليمة وبعد عن اى تخيلات او اوهام ممكن تضرب ثوابت عند طالب صغير او طبيب امتياز او تكليف فى بداية حياته عشان كدا احيانا هامزج الدراما بالطب بس وعد تبقي حالات كلها حصلت ان شاء الله وسليمة علميا لان دا الهدف.;)

-الحالة دى بيحكيها استاذ كبير من اطباء الغدد اتشرفت انى سمعت شرحه او اتعلمت منه ولو معلومة.
-حصلت فى السعودية لما سافر بعد ماخلص ماجستيره وكان باطنة عامة ولكنه كان عاشق لتخصص الغدد والسكر وشاغل كل تفكيره.


-جو رتيب يسوده الملل ..اوقات بيقضيها بعيد عن اهله واحبابه.
-قاعد هو ونايب زميله فى الاستقبال دخلت عليهم حالة متشالة .
-ولد ملامحه اسيوية مش قادر يمشى وزمايله جايين شايلينه.
-الواد فايق وماعلهوش اى علامات مرض.
-قام بسرعة هو وزميله مع التمريض حطوا المريض على مونيتور .
-سحبوله التحاليل الاعتيادية صورة دم وسكر واملاح دم وغازات بالدم ووظائف كبد وكلى.
-سالوا زمايله واحد فيهم بيتكلم عربى مكسر.
-ايه اللى حصل .
-هو رجع من الشغل وهو بيشتغل شغل بدنى مرهق شيال فى محل.
-اكل معانا اكلة دسمة مليانة نشويات .
-بعد ساعة ونص لقوه بيصرخ على الارض .
-بيزحف مش قادر يقف على رجله.
-هو بيقول انه حس بالم فى عضلاته وتيبس فيها وبالتدريج حاسس انه مش قادر يتحرك ولا يمشى خطوة ووقع على الارض.
-طيب هو بيتعالج من شئ او ماشى على اى ادوية .
-هو بيتعالج من فرط افراز غدة درقية وماشى على نوعين اقراص وكانوا جايبينها معاهم neomercazole 5mg اقراص غدة واندرال indral اقراص لتنظيم ضربات القلب.
-هو بياخدها باانتظام .
-اه بس بقاله 3 او اربع ايام بياخد جرعة قليلة منها وعند اللزوم.
-جاه فى دماغى thyrotoxic crisis:unsure: او انتكاسة غدة مفاجئة بس دى هتعمل درجة حرارة مرتفعة وضربات قلب سريعة والعيان هيبقى مضطرب بشدة وعصبى ..دا حتى مافيش جحوظ فى عينه زى المعتاد فى مرضى الغدة وحجم الغدة عادى.
-النبض 90 بس غير منتظم عنده AF مش عارف اعد الضربات كويس بس رسم القلب طلع كويس.
-سكره 80 هو طبيعى بس قليل على حالة فرط افراز غدة درقية مفروض العكس يبقى عالى.
-درجة حرارته عادية ووعيه كويس ومافيش اى جفاف.
-بفحص الاعصاب لقى عضلاته واعصابه سايبة وباجراء الاختبارات المعتادة لقى ال tendon reflex عادى او ضعيف حاجة بسيطة.
-دى حالة شلل حاد مؤثر على الطرفين فى نفس الوقت.
-ممكن يبقى guillane barre syndrome:sneaky: دى متلازمة بتحصل فى الاطفال غالبا وصعب تحصل فى الكبار بيحصلل خلل فى جهاز المناعة بيعمل اجسام مضادة بتكسر الغشاء المحيط بالعصب وفى العضلات وبتعمل شلل تصاعدى ممكن فى خلال 24 ساعة يؤثر على التنفس ويتحط على تنفس صناعى وعلاجه IV ig او اجسام مناعية مضادة او فصل بلازما.
-هو مستبعد عشان سن المريض بس سالهم اخر اسبوعين كان عنده دور برد او اى مرض كان الاجابة لا.
-التهاب حاد فى الحبل الشوكى بسبب فيروس او خلل مناعى.
-جايز دا فعلا بيسبب شلل فى الجزء السفلى وممكن يعمل شلل رباعى بس على شرط يكون موثر فوق الفقرة العنقية الخامسة C5.
-نشوف اختبار الاحساس لانه بيفقد فى الحالات دى .
-لا بااختبار الشك العادى العيان حاسس بكل شئ وكمان العيان ماعندوش اى AUTONOMIC DISTURBANCE يعنى مابيسيسبش على نفسه بول ولا ضغطه طالع نازل ولا فى شئ فى الحرارة.
-هو اتخبط النهاردة فى الشغل او شال حاجة تقيلة.
-احتمال يكون اصابة بالعمود الفقري traumatic spinal cord compression.
-لا ابدا عادى.
-طيب مافيش حاجة عضته الا يكون rabies هو احيانا بيعمل كدا بس مش هيبقى هادى.
-لا برضه.
-التحاليل كلها ظهرت .
-سكره بالوريد كان 75 والبوتاسيوم قليل هو دا اللى مش طبيعى فيهم.
-اخر حاجة سالها زميل الدكتور لو كان فى حالة مماثلة فى العيلة اب او ام.
-من حسن الحظ ابن عمه كان فى الموجودين ونفى اى شئ.
-دا كان اخر احتمال يفكروا فيه familia periodic paralysis:sneaky:.
-دا خلل وراثى فى احد الاباء بيورثه لابنه وفيه بيبقى الجين المتحكم فى القنوات الناقلة للبوتاسيوم معيب .
-ودا بيجى معاه زيادة بوتاسيوم واحيانا نقص بوتاسيوم.
-حتى دا لا .:rolleyes:
-فجاة ابتسم دكتورنا العزيز عاشق الغدد:) مع ان حالة الشب الاسيوى كانت بتسوء.
-عاوز لتر محلول ملح على ساعتين عليه 40meq بوتاسيوم.
-يعنى 2 امبول بوتاسيوم على كل 500سم وبعدين هنتكلم بعدها.
-لو جاب نتيجة واللى فى دماغى حصل هاقولكم التفسير.
-بعد ساعتين المحلول خلص.
-تحسن رهيب فى حالة الولد لدرجة انه قام يمشى وفاق خالص.
-الموضوع دا حصلك قبل كدا صح.
-اه من شهر بس اتحاملت على نفسى وبعد ساعتين بقيت كويس.
-المرة دى كان اعنف وكنت حاسس انى مش هاقف على رجلى تانى.
-اللى حصل كالاتى TPP.
:unsure:-سمعت عنه قبل كدا.

:cool:-Thyrotoxic Periodic Paralysis.TPP:cool:
شلل رخوى متكرر بسبب اختلالات الغدة.
-اللى بيحصل انه مع فرط افراز هرمونات الغدة بتعمل تنشيط للقنوات المسئولة عن التعامل مع البوتاسيوم Na/K ATAPASE channel ودى بتدخل البوتاسيوم جوا الخلايا فيقل بسرعة فى الدم .
-التاثير دا بيحصل بطريقتين طريقة مباشرة علطول وطريقة من خلال استثارات مستقبلات بيتا B receptors over stimulation اللى بتنشط القنوات دى كمان وبتقلل البوتاسيوم.
-اللى اظهر الموضوع اكتر انه اكل اكلة فيها نشويات كتييير ودا زود افراز الانسولين عنده للتعامل معاها hyperinsulinaemia ودا نيل الدنيا اكتر لانه معروف برضه انه الانسولين بيدخل البوتاسيوم جوا الخلايا.
-ودا ظهر من انخفاض سكر المريض.
-العلاج بيبقى بوتاسيوم على المحاليل 40meq/L ونستمر بعدها على اقراص بوتاسيوم GEO POTA 8meq او شراب بوتاسيوم عادى.
-نرجعه على neomercazole من 20 الى 40 مجم باليوم.
-ندى indral على جرعة 3 مجم لكل كيلو لان دا بيقفل تاثير خلايا بيتا قرص 40 مجم من 3 الى 4 مرات يوميا.
-بعد كدا سحبوله وظائف غدة درقية لقوها فعلا مش مظبوطة ال TSH فى الارض قليل مش متقاس والهرمونات الاخرى T3 وT4 عاليين .

-دا اثبت صحة كلامه.

-وبعد الحالة دى اتشهر الدكتور جداا فى المستشفى وكمان زودوا مرتبه والحياة بقت زبادى خلاط ودا يثبت ان العلم احيانا بيبقى مفيد ههههه.:D

DR. AMR OMAR
 



قد يهمك ايضاً !

أعلى