HYPOTHYROIDISM

Aser Aktham

New member
  1. لو عندك مريض كسل غدة درقية HYPOTHYROIDISM ماشي علي هرمون الغدة الدرقية التعويضي من فترة واتفاجات ان وظائف الغدة ملخبطة عكس بعض يعني ال TSH بعد ماكان رجع للطبيعي بدا يعلي تاني عن 5MU/ML علي الرغم من ان ال FT4 في الطبيعي
  2. لازم تراجع ساعتها مع مريضك مواعيد الاقراص وتشوف بياخدها كل يوم ولا بيفوت جرعات
  3. عدم التزام المريض بالدوا هو السبب الرئيسي لدا NON COMPLIANCE لانك لو ما انتبهتش وزودت الجرعة بدون وعي ممكن تدخله في العكس زياده في هرمونات الغدة الدرقية بكل مشاكله من لخبطة في كهربا القلب وهشاشة العظام ونزول الوزن وغيره
  4. كمان لازم تشدد علي المريض انه لازم ياخد الدوا علي الريق بعيد عن الفطار ب 30-60 دقيقة ولو نسي وفطر يبقي بعد اخر وجبة في اليوم ب 3 ساعات
  5. لازم يبقي في فاصل زمني 4 ساعات ع الاقل عن الادوية اللي بتقلل امتصاص الالتروكسين الهرمون التعويضي للغدة زي منتجات الحديد والكالسيوم والفيتامينات وادوية الحموضة
  6. هناك بعد الادوية اللي بتزود تكسير الهرمون التعويضي زي ادوية التشنجات ( PHYNYTOIN-PHENOBARBITAL-CARBAMAZEPINE) والدوا المضاد للدرن الشهير RIFAMPICIN عشان كدا اسال مريضك لو بياخد حاجه فيهم زود الجرعة
  7. كمان حبوب منع الحمل اللي بتحتوي علي الاستروجسن في الستات بتقلل الصيغة النشطة من الهرمون لانها بتمسك فيه
  8. الهرمون التعويضي التروكسينى بيزود حساسية بعض الادوية زي الدوا الشهير بتاع السيولة MAREVAN المنتمي لمجموعة ال WARFARIN وادوية الاكتئاب زي ال AMITRIPTYLINE من مجموعة ال TCA وعشان كدا لازم ناخد بالنا ونقلل جرعة الادوية دي والا ممكن يحصل منها مشاكل لا قدر الله ويان تاثيرها مضاعف
  9. العكس بيقلل من نشاط دوا ال PRORANOLOL اللي هوا مشهور جدا عندنا INDERAL وبالتالي محتاج ازود الجرعة
مهم جدا تراجع مع مريضك كل المعلومات دي​
  • Dr.Amr Omar​
  • Endocrinologist specialist Doctor​
 



قد يهمك ايضاً !

أعلى