Endocrinology Hyperglycemic Hyperosmolar state

الحالة دى مش معتادة فى الاطفال خالص ممكن تبقى معتادة فى الباطنة بس وجب التنويه لان التوصيات العالمية فى سكر الاطفال والمراهقين اول مرة تقولها نصا..

-طفل 12 سنة وزنه اعلى من الطبيعى بكتير بيعانى من سمنة وطريقة اكله غلط ومش بيعمل مجهود بدنى اتفاجئوا بيه عنده تبول لا ارادى ثانوى ونشفان ريق رهيب وشرب مياه بكثرة.

-عملوا تحليل بول طلع سكر فى البول.

-جروا بيه على المستشفى وقاسوا سكره كان 250 مجم عشوائى مع وجود اعراض فاتشخص سكر وقاسوا الاسيتون وكان سلبى والواد كان شكله عادى جدا وماعلهوش اعراض مرض.

-النايب كان متردد جدا يبدا انسولين لانه متعود على الارقام العالية كلم الاخصائى قاله انه ممكن يكون نوع اول عادى بس بيبقى فيه جزء من خلايا بيتا المفرزة للانسولين شغال واحيانا بتبقى الارقام مش عالية.

-اديلوه انسولين على 0.5 وحدة لكل كيلو فى اليوم واعمله تراكمى.

-التراكمى طلع 7.6 ودا ماشى مع السكر.

-بس الواد بدا يدخل فى هبوطات على الانسولين .

-بداوا ينزلوا بالجرعات لجرعات لا تزكر وحد اقترح انه فى شهر عسل ويوقفوا الانسولين.

-السكر بدا يعلى بدون علاج بس عمره ماجاب 300 كله فى ال 200.

-حد ناصح بص على رقبة الولد لقى بطش بنى محببة لها ملمس السجاد وكمان فى منها تحت الابط وفى العانة acanthosis nigricans ودى علامة معاوقة انسولين insulin resistance وسال عن تاريخ مرضى للسكر وجده قوى جدا فى العائلة.

-طلب وظائف بنكرياس طلعت كويسة.

-قرروا انه نوع تانى ومشوه على ميتفورمين مع تنظيم نمظ الحياة والاكل والمجهود .

-علوا الجرعة بالتريج من نص قرص مع الوجبة الرئيسية الغدا 250 مجم جلوكوفاج لحد ماوصلوا فى خلال اسبوعين للجرعة القصوى فى الاطفال اجرام مرتين يوميا واتظبط عليها.(وزي ماقولنا قبل كده علي الهادي يا زبادي لو فاكرين);)

-وطلبوا منه يخس وينظم اكله.

-فى الاول الطفل والاهل كانوا متحمسين وبعد كدا بدا يهمل ووقف العلاج خالص ووزنه زاد اكتر.

-فى يوم الواد جاله حرقان بول وقال لمامته اللى كسلت تكشف عليه وقالتله يشرب مياه ولو ماتحسنش لحد بكره هتكشف عليه.

-الولد نام وبيصحوه لقوه بيخطرف بكلام غريب وشبه فاقد الوعى وشفايفه ناشفة جدااامن الجفاف وكان تعبان جداا.

-افتكروه فى هبوط سكرقاسوا السكرطلع HI يعنى اكتر من 600مجم لان دا حد الجهاز الاقصى.

-راح المستشفى شكوا فى اسيتون طلع اثار خفيفة.

-قاسوا السكر وريدى طلع 850 مجم.

-سحبوا غازات دم طلع النسب طبيعية ph والبيكارب HCO3.

-عملوا تحليل وظائف كلى BUN و CREAT وعملوا ratio طلع 25 ودا معناه prerenal affection من الجفاف .

-بس موضوع اضطراب الوعى دا خوفهم اوى بعد ماكانوا ناويين يدوا محاليل بكثرة.

-واحد من الاطباءخوفهم من ارتشاح المخ brain edema.

-وبدا يبصوا على ملامحها ضغط ونبض ودرجة وعى وال tone و reflexes ودرجة الثاثير على ال cranial nerves .

-من ملامحها اللى بنسميه cushing reflex triad اللى هى نقص ضربات القلب bradycardia وارتفاع ضغط الدم وخصوصا diastolic hypertension واضطراب التنفس irregular breathing.

-ماكنش فيه حاجة مهمة فيهم.

-بدا الطفل فى حركات لا ارادية شبيهة بالتشنجات .

-على الرغم من كل العلامات اللى بتسبعد ارتشاح المخ حطوها فى دماغهم وقللوا معدل المحاليل.

-حد اقترح انهم يسحبوا عينة من سائل المخ CSF احسن يكون التهاب سحائى او التهاب اغشية المخ encephallitis او meningitis.

-طيب ندى انسولين ياشباب السكر بيعلى .

-انسولين ممكن ينزل السكربسرعة ويزود فرص ارتشاح المخ نستنى نتيجة عينة CSF .

-هتاخد وقت كبير العينة والحالة بتسوء.

-هنا بقى زى برنامج الصدمة وجب التدخل.

-الحالة دى typical حالة يعرفها دكاترة الباطنة كويس اسمها hyperglycemic hyperosmolar state او قديما hyperosmolar non ketotic coma .يعنى نوع من انواع غيبوبة السكر بتيجى فى النوع الثانى ووجود الانسولين بكمية معقولة بيمنع تكوين الاسيتون بدرجة كبيرة بس بيبقى فيه جفاف شديد واضطراب وعى وسكر مرتفع ممكن يوصل ل 1000 مجم واكتر.

-لها خصائص تشخيص:

-السكر اعلى من 600مجم.

-الاسيتون اثار او نسبة قليلة بول ومش موجود بالدم تقريبا.

-ال PH اكتر من 7.3 والبيكارب اكتر من 15.

-وفيه ال osmolarity بتبقى عالية وهنا لازم نشوف الصوديوم والجلوكوز ووظائف الكلى BUN :

osmolarity=2(Na)+glucose/18+BUN/2.8.

(الطبيعى من 285 الى 295 mosmol per kg water.)

-ناخد بالنا فيه حاجة اسمها effective osmolarity بتتحسب :

effective osmolarity=2(Na)+glucose/18.

-طلعت ال osmolarity 315 ودى عالية اوى ولازم الحزر من ال brain edema ونحطها فى دماغنا.​

-بداوا يصلحوا الجفاف لان المحاليل اهم شئ بالعلاج وهنا زودا الحساب ل 120 فى المية من ال maintenace .

-وبداوا يحسبوا deficit مع ال maintenace المعدل ل 120 المية وقسموا على 24 ساعة بحيث يطلع المعدل بالساعة.

deficit =120 ml per kg.

maintenance =100 ml per kg for the first 10 kg then 50 ml per kg between 11-20kg then 20 ml per kg for weight more than 20 kg.

-يعنى لو 30 كيلو يبقى ال maintenace هيبقى 10*100+10*50+10*20=1700 ملى فى اليوم.

-لو السكر نزل بمعدل اقل من 50 مجم بالساعة .

-بيدوا انسولين بجرعة 0.025 الى 0.05 لكل كيلو بالساعة لتنزيل السكر المرتفع.

-الحالة اتحسنت بعدها واتعملها تحليل بول ومزرعة واخدت علاج مناسب ل UTI او التهاب مجرى البول ورجعت لعلاجها ومتابعتها تانى.

DR.AMR OMAR