اهلا بيك فـ EgyMD

فـ EgyMD هتلاقى كل اللى ممكن تحتاجه اثناء دراستك فى كلية الطب و كمان بعد تخرجك !

انضم الينا الآن!

Drmanar ManOora

New member
إنضم
15 ديسمبر 2018
المشاركات
24
دكاترة لو سمحتم انا امتياز وعايزة تخصص جلدية لكن لصعوبة التسجيل قررت انى اعمل ال MRCP وبعده دبلومة الDerma ،لكن عندى اسئلة كتيرة ، هل الخطوة دى صح ولا انا كده بضيع وقت وفلوس فى الباطنة يعني هستفاد بيها ايه؟وهفترض انى خلصتها بالفعل التدريب هيكون فين بعمل فيزتور فى اى جامعة؟ و الجامعة هتقبلنى وانا مش معايا نيابة جلدية ولا مسجلة ماستر من مصر؟ لان التسجيل مطلوب فيه تقدير معين ،وهبقى على درجة ايه اخصائي ؟ ولا محتاجة رسالة الاول؟واقدر افتح عيادة ومعترف بيها فى الخليج ولالا؟وتكاليف امتحانات الباطنة والجلدية كلها كام تقريبا؟ وازاى اسافر بريطانيا ؟ قرأت انها بتخليني اشتغل هناك ٥ سنين بس وبعدها بعمل regesrtration فى ال GMC معلش ايه الحجات دى عايزة افهم تفاصيل ولازم اخد كورس من مركز سكور ولا ممكن اذاكر مع نفسي؟ ياريت حد ينصحنى عشان اعرف ابدأ فيها ولا أمشى فى الطريق التقليدي واخد اى تخصص هيجيلى انا ونصيبي؟!!
 

MaHmOuD MyStErO

Administrator
طاقم الإدارة
إنضم
27 ديسمبر 2017
المشاركات
1,485

Drmanar ManOora

New member
إنضم
15 ديسمبر 2018
المشاركات
24
شكرا يا دكتور لردك،انا عايزة اعرف ايه الطريقة الى احضر بيها جلدية لان تقديري ميجبهاش،بالنسبة للزمالة البريطانية صعوبتها ان لازم باطنة عامة ،فكنت بسأل اعمل دبلومة الجلدية بس؟ لكن قالوا ملهاش اى قيمة،طيب اعادلها بماستر او زمالة مصرية؟يعني ده متاح ولا بردو التقدير هيكون عائق؟ولو بقيت طبيب حر اقدر اخدها ولا مستحيل ؟ حتى لو برسوم إضافية؟؟
 

MaHmOuD MyStErO

Administrator
طاقم الإدارة
إنضم
27 ديسمبر 2017
المشاركات
1,485
شكرا يا دكتور لردك،انا عايزة اعرف ايه الطريقة الى احضر بيها جلدية لان تقديري ميجبهاش،بالنسبة للزمالة البريطانية صعوبتها ان لازم باطنة عامة ،فكنت بسأل اعمل دبلومة الجلدية بس؟ لكن قالوا ملهاش اى قيمة،طيب اعادلها بماستر او زمالة مصرية؟يعني ده متاح ولا بردو التقدير هيكون عائق؟ولو بقيت طبيب حر اقدر اخدها ولا مستحيل ؟ حتى لو برسوم إضافية؟؟

فكرة الماستر دايما بتعتمد ع الجامعة في التحضير
لكن للاسف معروف ان الجلدية من التخصصات اللي عليهاتنافس كبير ، لكن ممكن يبقي فيه فرص مناحة و مفيش اي ضرر من المحاولة للتقديم

فكرة الدبلومة ف اي جامعة مش سيئة ابدا و بتتيح لحضرتك الترقي لمساعد اخصائي و ممكن بعدها يكون فيه فرصة كويسة للتقديم للماجستير
وخصوصا ان الدبلومة مش بتحتاج وقت و مجهود كبير

فكرة الطبيب الحر ان دة ممكن يتيح لحضرتك التقديم بترشيح وزاري استثنائي في مواعيد مختلفة مش اكتر لكن التقديم نفسه بيعتمد ع الجامعة
اتمني اكون قدرت افيد حضرتك
 

Drmanar ManOora

New member
إنضم
15 ديسمبر 2018
المشاركات
24
شكرا جدا سؤال كمان الدبلومة اقدر افتح بيها عيادة؟؟
وسؤال أخير هو غريب شوية ، هو ممكن تخصص اكاديمي لحد مش من الاوائل ؟ وزارة الصحة يعني؟
 

MaHmOuD MyStErO

Administrator
طاقم الإدارة
إنضم
27 ديسمبر 2017
المشاركات
1,485
شكرا جدا سؤال كمان الدبلومة اقدر افتح بيها عيادة؟؟
وسؤال أخير هو غريب شوية ، هو ممكن تخصص اكاديمي لحد مش من الاوائل ؟ وزارة الصحة يعني؟

الدبلومة ممكن طبعا تساعد حضرتك تفتحي عيادة باذن الله

التخصصات الاكاديمية داخل الجامعة فقط لانه المكان التعليمي التدريسي الاول
 

قد يهمك ايضاً !

تريند علي EgyMD

أعلى