تمت الاجابة يعني ايه دبلومة و امتي افكر فيها

[Drmanar ManOora]

يعنى ايه دبلومة؟ وامتى أفكر فيها ؟ يعنى ايه الميزة الى بتديهانى ، هل بتقبل تقدير اقل مثلا وتسجيلها اسهل من الماستر؟؟؟؟
وايه درجة الطبيب الحاصل عليها يعنى بيبقى اخصائي ولا اسمه ايه؟
وهل أقدر افتح بيها عيادة ؟
وهل أقدر اشتغل بيها فى الخليج ؟
مع العلم انى عايزة جلدية وصعب أعمل ماستر.
شكرا

 

[MaHmOuD MyStErO]

الدبلومة تعتبر دراسات عليا بعد البكالوريوس
و طبعا القبول و التحضير فيها اسهل بكتير من الماجستير
و امتحاناتها اقل و اسهل بكتير

الدبلومة بترقي بيها مساعد اخصائي ،، وممكن حضرتك تفتحي و ترخصي عيادة بالدبلومة ان شاء الله

يتم ترقية الطبيب المقيم إلى مساعد أخصائى بعد حصوله على المؤهل العلمى ( دبلومة – ماجستير ) بشرط قضاء فترة 4 سنوات على الأقل كطبيب مقيم ، كما يشترط للرجال قضاء فترة المناطق النائية 6 أشهر
- يتم ترقية مساعد الأخصائى إلى أخصائى بعد مرور 5 سنوات خبرة فعلية فى درجة مساعد الأخصائى .

لكن للاسف شهادة ضعيفة للسفر بيها

بالتوفيق

 

[Drmanar ManOora]

طيب وبعد كام سنة اترقى اخصائي؟
ولازم تجيلى نيابة فى الصحة الاول وبعدين اعمل دبلومة فى نفس التخصص ولا ممكن أعملها وانا فى التكليف ؟

 

[MaHmOuD MyStErO]

طيب وبعد كام سنة اترقى اخصائي؟
ولازم تجيلى نيابة فى الصحة الاول وبعدين اعمل دبلومة فى نفس التخصص ولا ممكن أعملها وانا فى التكليف ؟

- يتم ترقية الطبيب المقيم إلى مساعد أخصائى بعد حصوله على المؤهل العلمى ( دبلومة – ماجستير ) بشرط قضاء فترة 4 سنوات على الأقل كطبيب مقيم ، كما يشترط للرجال قضاء فترة المناطق النائية 6 أشهر
- يتم ترقية مساعد الأخصائى إلى أخصائى بعد مرور 5 سنوات خبرة فعلية فى درجة مساعد الأخصائى .

 

[Drmanar ManOora]

وامتى التقدم للدبلومة ، لازم بعد نيابة الصحة ولا ممكن فى التكليف

 

[MaHmOuD MyStErO]

وامتى التقدم للدبلومة ، لازم بعد نيابة الصحة ولا ممكن فى التكليف

الدبلومة زيها زى اى دراسات عليا
التقدم لها مع فتح باب التقدم للترشيح الوزارى حسب قواعد كل اعلان لمن ينطبق عليه الشروط

 

[ياسر ابوزيد]

الدبلومة حاليا ليس لها اى فرصة للسفر فى الخارج .. ابعد عنها تماما و لا تفكر تاخدها ابدا .. دلوقتى احسن حاجة زمالة مصرية