السلام عليكم ،
كنت فى مواضيع سابقة اتكلمت عن مفهوم نيابات الجامعة ( نيابات الأوائل ) و كمان نيابات الصحة ( اماكن النيابات مميزات و عيوب ) ...
فى التوبيك دة هاتكلم عن النائب الزائر ( الـ Visitor ) فى الجامعة، يعنى ايه نائب زائر ايه المميزات و العيوب و ازاى تقدم عليه !!؟
معناها انك تكون نائب منتدب فى تخصص ما لاحد المستشفيات الجامعية لفترة مؤقتة.. ( سنة او سنتين بحد أقصى ) بهدف انك تتعلم فى التخصص بتاعك بشكل افضل من الصحة بكتير
و دة طبعا معروف فى الجامعة لسببين اساسيين ( الـ Staff فى الجامعة افضل و خبرة احسن و كمان Rate الجامعة اعلى من الصحة بكتير )..
و دى قد تكون الميزة الرئيسية للنايب الزائر انها فرصة محترمة جدا للتعلم، و بتديك فرصة و اولية كمان للتسجيل للدراسات العليا فى الجامعة.
كمان بعض الجامعات ممكن تعطيك شهادة خبرة بعد انقضاء المدة و دى ممكن تكون مفيدة ليك، دة غير السمعة الإضافية اللى ممكن تكتسبها من عملك فى الجامعة و انت و شطارتك
لكن، فى مقابل الفرصة دى حضرتك هتدفع فلوس للجامعة " و الحمد لله انها حاجات رمزية " بتختلف من جامعة للتانية لكن فى المتوسط بتكون من 500 - 600 جنيه كل شهر.
طيب ازاى تقدم كنائب زائر فى احد الجامعات!؟
اول خطوة حضرتك بتروح ع القسم فى الجامعة اللى عايز تقدم فيها و بتقدم طلبك هناك، بيطلبوا منك بعض الأوراق الإضافية زى شهادات التخرج و الامتياز و بتنتظر لحين عرض طلبك فى اجتماع مجلس القسم، لو القسم محتاج و انت مستوفى الشروط بيكلموك لاستكمال الإجراءات باذن الله ..
بس فيه بعض الأقسام فى بعض الجامعات بيكون ليها شروط معينة زى مثلا التقدير او تقدير المادة فالأفضل طبعاً انك تسأل قبل ما تقدم.
بعد قبولك باذن الله اول خطوة هتعملها انك تجيب موافقة جهة عملك الحالية و انها ليس لديها مانع للانتداب للجامعة " فـ الغالب هيوافقوا باذن الله و انت بالود كدة تجيب الموافقة ويارب محدش يقولك "" لحاجة العمل ""
* طبعاً حضرتك لو طبيب حر فانت مش محتاج غير موافقة الجامعة الحمد لله.
زى ما ذكرت قبل كدة انك كنائب زائر حضرتك اللى بتدفع للجامعة، دة + ان لو انتدابك من وزارة الصحة انتداب كلى مش هتقبض مليم واحد لانك فى الحالة دى لازم تعمل اجازة بدون مرتب. " فانت ابقى خليك ناصح و اعمل انتداب جزئى يعنى 3 هنا و 3 فى الجامعة لو مناسب معاك و اهو تستفاد على الأقل من نص المرتب ،، او الانصح باة انك تقدم ع الـ Visitor لو انت محتاجها فعلاً فى اجازة تفرغ الماجستير لو انت كنت بدأته بالفعل فى الصحة "
طيب شوية اسئلة كدة سريعة توضح بعض الأمور برده:
س1: بالنسبة للشباب، هل فى فرصة انى استغل النائب الزائر دى فى التجنيد!؟
ج: للأسف مش هتفيد بحاجة يعنى مش بتستفيد منها زى نايب الجامعة انك تاخد سنة واحدة بس. لانك منتدب و جهة عملك الأصلية هى وزارة الصحة و انت ونصيبك.
س2: هل السنة دى هتفيدنى فى الإعفاء من الرسوم المرتفعة للماجستير!؟
ج: برده للأسف لا، هى ممكن تقلل حاجات بسيطة جداً لكن برده مش زى نايب الجامعة.
س3: هل السنة دى بتتحسب من سنين النيابة!؟
ج: على حسب لو انت انتداب كلى فانت واخد اجازة بدون مرتب فبالتالى مش هتتحسب اما لو انت انتداب جزئى فالايام اللى هتحضرها فـ الصحة هتتحسبلك,
دى كانت معلومات سريعة عن النائب الزائر فى الجامعة ياريت لو فيه عندك اى معلومات اضافية او عندك سؤال او استفسار سيبه فـ كومنت
بالتوفيق ،،
كنت فى مواضيع سابقة اتكلمت عن مفهوم نيابات الجامعة ( نيابات الأوائل ) و كمان نيابات الصحة ( اماكن النيابات مميزات و عيوب ) ...
فى التوبيك دة هاتكلم عن النائب الزائر ( الـ Visitor ) فى الجامعة، يعنى ايه نائب زائر ايه المميزات و العيوب و ازاى تقدم عليه !!؟
معناها انك تكون نائب منتدب فى تخصص ما لاحد المستشفيات الجامعية لفترة مؤقتة.. ( سنة او سنتين بحد أقصى ) بهدف انك تتعلم فى التخصص بتاعك بشكل افضل من الصحة بكتير
و دة طبعا معروف فى الجامعة لسببين اساسيين ( الـ Staff فى الجامعة افضل و خبرة احسن و كمان Rate الجامعة اعلى من الصحة بكتير )..
و دى قد تكون الميزة الرئيسية للنايب الزائر انها فرصة محترمة جدا للتعلم، و بتديك فرصة و اولية كمان للتسجيل للدراسات العليا فى الجامعة.
كمان بعض الجامعات ممكن تعطيك شهادة خبرة بعد انقضاء المدة و دى ممكن تكون مفيدة ليك، دة غير السمعة الإضافية اللى ممكن تكتسبها من عملك فى الجامعة و انت و شطارتك
لكن، فى مقابل الفرصة دى حضرتك هتدفع فلوس للجامعة " و الحمد لله انها حاجات رمزية " بتختلف من جامعة للتانية لكن فى المتوسط بتكون من 500 - 600 جنيه كل شهر.
طيب ازاى تقدم كنائب زائر فى احد الجامعات!؟
اول خطوة حضرتك بتروح ع القسم فى الجامعة اللى عايز تقدم فيها و بتقدم طلبك هناك، بيطلبوا منك بعض الأوراق الإضافية زى شهادات التخرج و الامتياز و بتنتظر لحين عرض طلبك فى اجتماع مجلس القسم، لو القسم محتاج و انت مستوفى الشروط بيكلموك لاستكمال الإجراءات باذن الله ..
بس فيه بعض الأقسام فى بعض الجامعات بيكون ليها شروط معينة زى مثلا التقدير او تقدير المادة فالأفضل طبعاً انك تسأل قبل ما تقدم.
بعد قبولك باذن الله اول خطوة هتعملها انك تجيب موافقة جهة عملك الحالية و انها ليس لديها مانع للانتداب للجامعة " فـ الغالب هيوافقوا باذن الله و انت بالود كدة تجيب الموافقة ويارب محدش يقولك "" لحاجة العمل ""
* طبعاً حضرتك لو طبيب حر فانت مش محتاج غير موافقة الجامعة الحمد لله.
زى ما ذكرت قبل كدة انك كنائب زائر حضرتك اللى بتدفع للجامعة، دة + ان لو انتدابك من وزارة الصحة انتداب كلى مش هتقبض مليم واحد لانك فى الحالة دى لازم تعمل اجازة بدون مرتب. " فانت ابقى خليك ناصح و اعمل انتداب جزئى يعنى 3 هنا و 3 فى الجامعة لو مناسب معاك و اهو تستفاد على الأقل من نص المرتب ،، او الانصح باة انك تقدم ع الـ Visitor لو انت محتاجها فعلاً فى اجازة تفرغ الماجستير لو انت كنت بدأته بالفعل فى الصحة "
طيب شوية اسئلة كدة سريعة توضح بعض الأمور برده:
س1: بالنسبة للشباب، هل فى فرصة انى استغل النائب الزائر دى فى التجنيد!؟
ج: للأسف مش هتفيد بحاجة يعنى مش بتستفيد منها زى نايب الجامعة انك تاخد سنة واحدة بس. لانك منتدب و جهة عملك الأصلية هى وزارة الصحة و انت ونصيبك.
س2: هل السنة دى هتفيدنى فى الإعفاء من الرسوم المرتفعة للماجستير!؟
ج: برده للأسف لا، هى ممكن تقلل حاجات بسيطة جداً لكن برده مش زى نايب الجامعة.
س3: هل السنة دى بتتحسب من سنين النيابة!؟
ج: على حسب لو انت انتداب كلى فانت واخد اجازة بدون مرتب فبالتالى مش هتتحسب اما لو انت انتداب جزئى فالايام اللى هتحضرها فـ الصحة هتتحسبلك,
دى كانت معلومات سريعة عن النائب الزائر فى الجامعة ياريت لو فيه عندك اى معلومات اضافية او عندك سؤال او استفسار سيبه فـ كومنت
بالتوفيق ،،
التعديل الأخير:
