Endocrinology هبوط السكري في غير السكريين موضوع محير جداا وحيوي ومهم في الاطفال والبالغين

اهم حاجه في موضوع هبوط السكر توثيقه بمعني مايبقاش راي شخصي عشان كدا اعتمدوا مايسمي ب Whipple triad للتشخيص ودا فيه ثلاث اركان :_
1- المريض بيكون عنده اعراض هبوط السكر زي العرق الغزير والرعشة وضربات القلب السريعة وبهتان الشفايف والصداع والشعور بالجوع وقلة التركيز
2- قياس سكر المريض وقت نوبة الهبوط يبقي اقل من 45 ل 50 مجم
3-المريض بيتحسن جدا لما بياخد مصدر للسكريات وتختفي الاعراض

احنا كده شخصنا الهبوط فاضل نعرف سبب الهبوط ودا الاهم​

بيحتاج مننا فهم وامكانيات لعمل مايسمي بالعينة الحرجه او critical sample اللي بتحتوي علي اهم مسببات هبوط السكر وانا هتناولها في الاطفال ونفس الحال ينطبق علي البالغين ... هو تحليل بيتعمل في الاطفال غير critical samples المصابين بهبوط السكر لمعرفة سبب الهبوط وتحليل مهم جداا لازم نركز فيه ونفهمه كويس اووي
اولا : بيتعمل لما السكر يبقي اقل من 40 مجم ودا رقم مخيف في طفل ماعندوش سكر عشان كدا اماكن كتير بترفض تعمله وغالبا بيتعمل والمريض محجوز بعد ما الطفل بيصوم حسب عمره ودا ابسط جدول لمدد الصيام علي النحو الاتي :-

1. الطفل اقل من 6 شهور يتوقف عن الرضاعة 8 ساعات
2. من 6 شهور الي 8 شهور يتوقف عن الرضاعة 12 ساعة
3. من 8 شهور الي سنة يتوقف عن الرضاعة 16 ساعة
4. من سنة الي سنتين يصوم 18 ساعة
5. من سنتين الي 7 سنوات صيام 20 ساعة
6. اكتر من 7 سنوات صيام 24 ساعة
7. السؤال اللي كان محيرني طب لو حصل وبعد الصيام دا كله الطفل مانزلش السكر عن 40مجم ساعتها بنبقي قايسين سكره عند دخول المستشفي وبنقبل نسحب العينات لو الطفل سكره قل 50% من البداية بتاعه سكره اول ما اتحجز​
8. العينات فيها جزء عينات دم وعينات بول​

اولا : عينات الدم بندور فيها علي ايه :-
Glucose -
Insulin level -
C-peptide-
Growth hormone level-
Cortisol level-
Free T4 and TSH-
3beta hydroxy buturate levels-
Free fatty acids level-
LACTATE-
Branched chain amino acids-
ثانيا : عينات البول بندور فيها علي ايه :-
Acetone
Reducing substances
Organic acids
الخطوة المهمة اووي هيا نسبة الاسيتون في البول اللي بتخليني افرق بين حاجتين

"Non Ketotic Hypoglycemia- Ketotic Hypoglycemia

يعني ايه " Non-ketotic Hypoglycemia" ​

يعني من الاول كده ان الطبيعي بتاعنا اننا لما بندخل في هبوط سكر بيتعوض من خلال تكسير الدهون lipolysis وبيطلع احماض منها الاسيتون....ولو مالقناش الاسيتون ده هندخل ساعتها في تفسير مختلف اللي هوا ايه اللي يمنع تكوين الاسيتون يا تري؟؟
-يا اما نسبة الانسولين عالية اللي هوا بنسميه Hyperinsulinism طب نتاكد ازاي ؟ بطريقتين هنلاقي نسبة ال 3betahydroxybuturate level قليلة وخد بالك هوا ده عباره عن اسيتون الدم او الاقي نسبة ال serum insulin &c-peptide الاتنين عاليين وساعتها هدور علي سبب علو الانسولين هل هوا مجرد persistant fatal hyperinsulinism ولا هوا insulinoma ولا اخطر واخطر اللي هوا nesidioblastoma او diffuse beta cell hyperplasia
- الحدث التاني اللي يمنع تكوين الاسيتون هوا مشكلة استخدام ال free fatty acids او مايسمي ب Fatty Acids Oxidation Defect

" Ketotic Hypoglycemia يعني ايه
معناها لو لقينا اسيتون في البول او لقينا كمان نسبة الاسيتون في الدم عالية اللي هوا 3betahydroxybuturate​

-نبص بعدها علي ال lactate لو لقيناه عالي ساعتها هيبقي في مشكلة غالبا في تكسير ال جلوكوز او الجليكوجين اللي هوا بنسميه glucogenolytic defect او glycogenolytic defect
-لو لقينا ال lactate طبيعي هنبص ساعتها علي ال Growth hormone ونسبة ال cortisol level عشان نشخص :

isolated growth hormone defieciency
isolated cortisol defeciency
Both of them indicating hypopituitarism

في ملحوظة مهمة جدا في الموضوع ده وهي :
​

1- ممكن نلاقي معدل ال c-peptide منخفض والعكس مستوي الانسولين عالي دا بيحصل في حالات خطيرة زي Factious hypoglycemia يعني المريض بتاعك بيحقن نفسه بالانسولين ودا اخطر شيء...

2-احيانا بنلاقي المريض عنده reducing substance in urine ومعاه مشاكل اخري زي مياه بيضا علي العين وان العيان يدخل في تسمم دموي sepsis with E.COLI اللي هيا Galactosemia​

3- ممكن يكون الطفل بالع شيء يعني حالة سموم زي ال aspirin and paracetamol

4-ممكن يكون الطفل اخد دوا سكر بالغلط sulphonyl urea زي الاماريل والدايماكرون وساعتها لو ماستجبش لمحلول الجلوكوز هنحتاج ندي sandostatin

5- ممكن الاقي ان ال organic acids in urine موجودة وساعتها هدخل في سكة ال organic acidaemia

6-احيانا بنلاقي الطفل عنده تضخم بالكبد وارتفاع في نسبة ال uric acid وصفايح دموية ممكن تقل شوية ودا بيحصل مثلا في glycogen storage disease type1 او ما يسمي ب Von Gierk disease
​

7- احيانا بيقيسو نسبة ال IGF1 في عينة الدم لانه معروف ان هبوط السكر بيعليه بس لو لقيناه طبيعي او قليل دا دليل اخر علي ارتفاع الانسولين بالدم

8- بره مصر بيقيسو نسبة ال ACYL CARNITINE وال FREE CARNITINE قبل ما يصومو العيان علشان يستبعدو ما يسمي ب

medium chaIn acyl co A dehydrogenase deficiency
​

ماتنساش وظائف الكلي والكبد لان الفشل الحاد فيهم ممكن يجي بهبوط سكري وعمري ماهنسي حالة acute hepatic failure كان مدخل التشخيص فيها هبوط السكر فالموضوع مهم فعلا

DR.AMR OMAR
​

Earn money with EgyMD