نيابات الصحة ( اماكن النيابات مميزات و عيوب )

MaHmOuD MyStErO

Administrator
طاقم الإدارة
Team Member
فترة النيابة او الـ Residency، هى الفترة ما بعد إنهائك للتكليف و انهاء فترة عملك كممارس عام بعد التكليف اللي هتختلف مدته، و حسب طريقك تأتي النيابات

النيابات سواء في الجامعة أو الصحة هي بداية طريق التخصص. كل قسم فيه استشاريين وأخصائيين ومعاهم نواب من 4 أو 5 دفعات متتالية. انت مثلا هتبقى نائب جراحة عامة في مستشفى ما أو نائب باطنة في نفس المستشفى، أو نائب أطفال في الجامعة أو نائبة نسا في مستشفى اخرى وهكذا. انت لسة رسميا مش أخصائي لكن هنا بتبدأ تتعلم التخصص اللي عايزه وتحضر الماجستير فيه


زى ما ذكرت قبل كدا ان فترة النيابة Residency فى مصر ليها طريقين : الطريق الأول هو نيابات الجامعة، و دة اتكلمنا عنه فى توبيك منفصل.. و الطريق التانى اللى هنتكلم عنه فـ التوبيك دة هو نيابات الصحة.

نيابات-الصحة.png


النيابات و شغلك كطبيب مقيم فى وزارة الصحة ممكن يكون فى 10 اماكن، هاتكلم عنهم و هاتكلم عن مميزات و عيوب كل مكان.
  1. مديريات الصحة
  2. هيئة التأمين الصحي
  3. المستشفيات التعليمية
  4. المؤسسة العلاجية
  5. الأمانة العامة للصحة النفسي
  6. المراكز الطبية المتخصصة
  7. المراكز الإقليمية لبنوك الدم
  8. التجميل والحروق
  9. طب المسنين
  10. الحجرالصحى
مديريات الصحــــــــــة
المميــــــــــزات
  • القبول بيكون من مجموع قليل مش زي التعليمي ولا أي مكان تاني يعني أصحاب المجاميع العادية ممكن يلاقوا التخصص اللي بيحبوا يتخصصوا في مديريات الصحة والمديريات هي المكان الأكثر قبولا للنواب علي مستوي باقي هيئات وزارة الصحة وبيقبل أعداد كبيرة
  • فيه مديريات فيها مستشفيات كويسة وفيها تعليم كويس زي مثلا مستشفي أم المصريين بالجيزة لكن فيه مديريات كتير فيها مفيهاش أي نوع من أنواع التعليم خصوصا في بعض التخصصات
  • يعني ممكن تاخد راحتك في الشغل شويه خصوصا في الجراحات يعني تقدر وأنت من أول سنة نيابة تعمل عمليات كتير بايدك بس المهم تلاقي حد يعلمك كويس
  • حافز الطبيب ال 300 % بيصرف لنواب مديريات الصحة ومش موجود في أماكن تانية
  • لو اتشهرت في المستشفي اللي بتشتغل فيها ده هايساعدك لما تفتح عيادة في نفس المدينة أو المنطقة اللي فيها المستشفي
العيـــــــــــوب
  • بسهولة جدا ممكن تاخد النيابة من أولها لاخرها من غير ماتتعلم شئ يعني قصة التعليم في مديريات الصحة بصراحة مش مضمونة إطلاقا
  • ماديا مش حلوة يعني فيه جهات بتدي فلوس أكتر منها زي هيئة التأمين الصحي بتاخد فيها حوافز زيادة خاصة بالتأمين
  • ممكن تتوزع علي مستشفي بعيدة عن محل إقامتك لأنه التوزيع بيكون علي من خلال تنسيق علي مستوي الجمهورية
هيئة التأمين الصحي
ومنها مستشفي مدينة نصر – مستشفي صيدناوي – مستشفي المقطم – مستشفي 6 أكتوبر – مستشفي الفيوم – مستشفي النيل – مستشفي جمال عبدالناصر - مستشفي كرموز – مستشفي الطلبة سبورتنج – مستشفي الهلال سوهاج

المميـــــــــزات
  • ممكن في بعض المستشفيات التابعة للتأمين مش كلها يكون فيه تعليم وبعض المستشفيات بيكون مشرف عليها أساتذة من الجامعة
  • ماديا إلي حد ما كويس لأنه فيها حوافز أكتر من مديريات الصحة
  • بيقبل من مجموع متوسط يعني مش صعب انك تلاقي فهي نيابة حلوة يعني الحد الأدنى بتاع التخصصات مش كبير
العيــــــــــــــوب
  • ممكن ماتلاقيش تعليم كويس في مستشفيات كتير
  • ممكن ماتاخدشي راحتك في الشغل بايدك في الجراحات
المستشفيات والمعاهد التعليمية
وتشمل مستشفي أحمد ماهر التعليمي – مستشفي المطرية التعليمي – مستشفي الجلاء التعليمي – مستشفي الساحل التعليمي – مستشفي سوهاج التعليمي – مستشفي أسوان التعليمي – مستشفي شبين الكوم التعليمي – مستشفي بنها التعليمي – مستشفي دمنهور التعليمي - معهد جراحة القلب والصدر – معهد السكر – معهد التغذية – معهد شلل الأطفال – معهد بحوث الحشرات – معهد السمع والكلام – معهد الرمد التذكاري – معهد الأبحاث لطب المناطق الحارة – المعهد القومي للكلي والمسالك البولية

# و ممكن تطلع على كافة المستشفيات و المعاهد التعليمية على مستوى الجمهوية من خلال اللينك دة | دليل المستشفيات

المميــــــــزات
  • دي أحسن جهة بعد الجامعة ممكن تلاقي فيها تعليم كويس وتطلع منهانايب محترم علميا لأنه اللي حواليك كلهم بيكونوا واخدين دكتوراة او زمالة أجنبية وكمان أوقات كتير تلاقي أساتذة جامعة بيتشغلوا فيها ويمكن كمان تلاقي في بعض الهيئات فيها تعليم أحسن من الجامعة
  • لو معاك واسطة أو بالنصيب ممكن ينزلك درجة مالية وتثبت عندهم وتحضر دكتوراه
العيــــــــــوب
  • فيه مستشفيات فيها مش كويسة إلي حد ما بس اغلبها كويس وأهم حاجة انك تدخل الهيئة بعد كده الانتداب من مستشفي للتانية سهل مادام دخلت الهيئة التعليمية
  • المستشفيات والمعاهد التعيلمية بتقبل من مجموع عالي يعني فيه نيابات فيها بتاخد من مجموع زي نيابات الجامعة
  • ماديا زيها زي وزارة الصحة لأنك بتاخد مرتبك من وزارة الصحة لانك انتداب

المؤسسة العلاجية
أشهر مستشفي فيها هيا مستشفي هيليوبلس

المميــــــــــزات
  • ممكن تلاقي فيها تعليم لأنه بشتغل فيها أساتذة جامعة وكمان استشاريين من الجيش
  • ماديا كويسة لانك بتاخد فيها بدلات كتير زي بدل طبيعة العمل و بدل العدوي و نسبة من قيمة حصيلة رسم الخدمة شهريا و الحوافز المقررة مقابل النوبتجيات
العيـــــــــــــــوب
  • في الجراحات ممكن ما تتعلمشي كويس لأنه معظم الشغل فيها بفلوس والمريض بيدفع كتير فا مش هاتاخد راحتك في الشغل
  • فيه مستشفيات فيها مش كويسة عاوزة واسطة علشان تقدر تلتحق بمستشفي نضيفة

المراكز الطبية المتخصصة
أ‌-متعددة التخصصات وتشمل
معهد ناصر – الهرم – الهلال – العجوزة – السلام – دار الشفاء – الشيخ زايد – شرق المدينة – القباري – المواساة – المنصورة الدولي – الأقصر الدولي – أبوسمبل الدولي – شرم الشيخ الدولي

ب‌-أحادية التخصصات وتشمل
المركز القومي للرمد بروض الفرج - مركز الرمد الأزهر - مركز الصدر والحساسية بإمبابة - مركز تأهيل وعلاج المسنين بحلوان – المركز القومي لخدمات نقل الدم– مركز الإسعاف الطائر – مستشفي الأطفال التخصصي ببنها – مركز القلب بالمحلة – مركز القلب والكبد بكفر الشيخ – مركز كفر الدوار

ج – جراحات اليوم الواحد وتشمل
بمدينة نصر – البساتين – المرج – روض الفرج – الزاوية الحمراء – التبين – راس البر – وادي النطرون – سمالوط – قنا – مرسي علم – كفر الزيات – اشمون

د- مراكز الأورام وتشمل
أورام السلام – أورام معهد ناصر – أورام طنطا – أورام البحيرة – أورام دمياط – أورام المنيا – أورام سوهاج – أورام أسوان

المميــــــــــزات
  • تعليم كويس جدا في معظم المستشفيات التابعة ليها وفيها استاف جامعة واستشاريين كتير أقل واحد معاه دكتوراه
  • ممكن من خلالها تتعرف علي شخصيات ليها وضعها وممكن من خلالها تشتغل مع استاف بره
  • فيه مستشفيات فيها التردد بتاعها قليل وده مش بيديك فرصة انك تشتغل كتير
العيـــــــــــــوب
  • ممكن برده ماتاخدشي راحتك في شغل الجراحات

الوقـــــــــــائي
بمعني انك تاخد نيابتك في الهيئات الآتية
أ - الإدارة المركزية للشئون الوقائية ودي تحتوي علي الآتي
* مكافحة الأمراض المعدية

المميزات
  • إمكانية التسجيل المبكر للدراسات العليا
  • الاشتراك فى الدورات التدريبية المتخصصة
  • الحصول على بدلات التفتيش الميدانى
العيوب
  • انك هاتشتغل شغل إداري إلي حد ما في هذه الهيئات وغالبا مش كل التخصصات هاتقدر تلتحق بيه
*الحجر الصحى

المميزات
  • إمكانية التسجيل المبكر للدراسات العليا (باطنة ،قلب،المناطق الحارة،عناية مركزة، صحة عامة)
  • الاشتراك فى الدورات التدريبية المتخصصة
  • الحصول على 150%من أساسي المرتب كمكافأة شهرية من حصيلة التوكيلات الملاحية
العيوب
  • انك برده هاتشتغل شغل إداري وكمان ممكن تتحدف في أي مطار علي مستوي الجمهورية
ب - الإدارة المركزية للمعامل

المميزات
  • التدريب على أحدث الأجهزة المعملية
  • إمكانية التسجيل المبكر للدراسات العليا
ج - الإدارة المركزية لشئون البيئة
د - الإدارة المركزية للأمراض المتوطنة



دى كات معلومات سريعة اتمنى انها تساعدك فى اتخاذ القرار المناسب، لو فيه اى حاجة مش واضحة او محتاج معلومات زيادة عن اى حاجة سيب كومنت و احنا هنحاول نساعد باذن الله


بالتوفيق ،،،
 



التعديل الأخير:

قد يهمك ايضاً !

أعلى