Endocrinology من قواعد علاج الغدة الدرقية والسكر الذهبية

START LOW AND GO SLOW​

• يعني ابدا بجرعة قليلة وزودها بالتدريج من الاخر دي الترجمة المصري لها علي الهادي يا زبادي
• يعني لو هتمشي عيانك علي دوا زي سيدوفاج او جلوكوفاج سواء وحده او معاه دوا تاني ابدا بجرعة ال 500 الاول وزود بالتدريج علي اسبوعين لحد ماتوصل للجرعة المثالية 1000 مجم مرتين
• يعني بعد اسبوع قيم سكر مريضك ولو احتجت ارفع ل 850 مجم مرتين وبعد كمان اسبوع قيم تاني وارفعه ل 1000 مجم مرتين
• لو بدات بالجرعة العالية 1000 الاول مريضك ممكن مايستحملش ومعدته تقلب باسهال شديد ومغص ويبطل الدوا خالص وتبقي فقدت دواء من اهم ادوية السكر للابد لان مريضك هتجيله فوبيا يسمع اسمه تاني اصلا
• مثال تاني الانسولين ساعات يبقي سكر المريض عالي اووي وبرضه ابدا بال MINIMAL EFFECTIVE DOSE اقل جرعة مؤثرة وهي 0.5 وحده لكل كيلو يوميا والتقييم بتاعك لتعديل الجرعة بعدة 3 ايام مش يوميا .....لانك لو بدات بجرعة عالية او زودت بسرعة هتدخل المريض في اسوا انواع الهبوط وهو الهبوط النسبي ان مريضك يبقي عنده هبوط علي سكر طبيعي 150 مجم مثلا وحاسس بكل اعراض الهبوط ومحدش مصدقه
• مثال ثالت بدات بالجرعة القصوي للهرمون التعويضي للغدة الدرقية التروكسين وكان مريضي كبير السن او عنده مشاكل في القلب مش ظاهرة ممكن ساعتها لاقدر الله ادخله في ذبحة صدرية او جلطة بالقلب لان الجرعة العالية بتزود معامل حرق الجسم METABOLIC RATE مما يمثل عبء علي القلب

علشان كدا القاعدة دي علي الرغم من بساطتها .... ذهبية
DR .AMR OMAR​

Earn money with EgyMD