مفهوم نيابات الجامعة ( نيابات الأوائل )

MaHmOuD MyStErO

Administrator
طاقم الإدارة
Team Member
فترة النيابة Residency فى الجامعة و اللى بنسميها نيابات الأوائل، في أواخر الامتياز كليات الطب بالجامعات تعلن عن حاجتها الي أطباء مقيمين في الأقسام الأكاديمية والاكلنيكية والأعداد المطلوبة حسب حاجة كل قسم.

الأقسام الأكاديمية
تشريح – فسيولوجي – كيمياء حيوية – هستولوجي – باثولوجي – فارماكولوجي – ميكروبيولوجي – باراسيتالوجي.

يتم كتابة رغبات للأقسام التي تريدها وحسب احتياج القسم وحسب التقدير والرغبات يتم الاختيار
ويتم التعيين معيد بالقسم وتقوم بتحضير الماجستير وبعد الماجستير تحضر الدكتوراه وتكمل في سلك الجامعة
هذه الاقسام اكثر راحة للطبيبات
و هناك بعض الأقسام الأكاديمية يمكن بعد الدكتوراه تفتح معمل تحاليل زي قسم الفارما وقسم الميكروبيولجي او معمل باثولوجي زي قسم الباثولوجي
اذا اردت فتح عيادة في أي تخصص اخر اكلينيكي يكون بعد الحصول علي الدكتوراة في القسم الأكاديمي تسجل ماجستير في تخصص اكيلينيكي وبعد الحصول علي الماستر تستطيع ان تفتح عيادة في التخصص اللى اخدت فيه الماستر.


الأقسام الإكلينيكية
الباطنة العامة - النفسية والعصبية – الجلدية – الصدر – أمراض الدم – الغدد الصماء – الكبد والحميات – الأورام – روماتيزم - الأشعة – الاكلنيكال باثولوجي – القلب -
الأطفال – الصحة العامة – الطب الشرعي - الجراحة العامة – جراحة الأطفال – جراحة التجميل – جراحة الأوعية الدموية – جراحة صدر وقلب- جراحة المخ والأعصاب – جراحة العظام - الأنف والأذن والحنجرة – الرمد – نساء وتوليد – جراحة أورام – المسالك – التخدير

الاختيار يكون علي أساس حاجة القسم وحسب التقدير وحسب الرغبات والنيابة مدتها اربعة سنوات او خمسة
وبعد انتهاء النيابة إما
  1. ان تحصل علي الماستر بتاعك والجامعة تستغني عنك ووقتها تتعين في وزارة الصحة كمساعد أخصائي أو طبيب مقيم مؤهل لمدة سنة ثم مساعد أخصائي وتكمل حياتك المهنية في وزارة الصحة.
  2. او ان القسم يثبتك عنده وتكمل وتحضر الدكتواره وتسلك سلك الجامعة الي ان تصل الي أستاذ دكتور.

كيفية اختيار النواب ومن يتم تثبيته ؟؟
كل قسم يقوم بتحديد العدد الذي يحتاجه كل عام من الأطباء المقيمين فمثلا: قسم النسا اذا طلب خمس نواب ... أعلي خمس نواب مقدمين علي النسا سيتم اختيارهم ويحضروا الماستر وبعد الانتهاء من تحضير الماستر القسم يقوم بتحديد النواب اللي سيتم تثبيتهم عنده يمكن ان يحتاج واحد ويمكن يحتاج الي اتنين ويمكن ان يثبت الخمسة كلهم و ممكن لا يثبت احد منهم علي حسب احتياج القسم

* وطبعا طريقة التثبيت بتكون لأعلي النواب درجات في البكالوريوس
* يعني لو القسم احتاج واحد علشان يثبته يبقي هاياخد أول واحد من الخمسة النواب دول الأول في درجات البكالوريوس مش الأول في الماستر.


المميـــــــــزات
  • هاتتعلم كويس ببساطة لأنه أقل جامعة أحسن من معظم أماكن وزارة الصحة.
  • الدخل المادى أفضل بكتير فى الكتير من الجامعات عن وزارة الصحة.
  • هاتختصر وقت كبير في حياتك المهنية بمعني انك هاتاخد الماستر في تلات سنين من أول تخطي برجلك نيابتك وأوقات أربع سنين لما يكون عندك جيش
  • ممكن تتثبت وتبقي مدرس مساعد وده حسب احتياجات القسم وبعد كده تحضر دكتوراة وتبقي مدرس وهكذا لحد ما توصل أستاذ دكتور وده شئ جميل علميا واجتماعيا وأوقات كتير ماديا
  • لو كانت علاقاتك حلوة مع الاستاف بتاع القسم ومستواك كويس وحسب حاجة القسم أو عندك واسطة في القسم ممكن تتعين حاجة اسمها أخصائي تالت في القسم لو لم يتم تثبيتك ويكون ليك كل صلاحيات المدرس المساعد إلا حاجة واحدة بس اللي هيا التدريس للطلاب وتحضر الدكتوراه زيه برده بس في حالة إذا اتعينت أخصائي تالت هتضطر انك تستقيل من وزارة الصحة.

العيـــــــــوب
  • ممكن ماتاخدش التخصص اللي نفسك فيه وبتحبه ممكن تكون طالع الستين علي الدفعة وعاوز نسا مثلا لكن اللي اعلي منك هايكتبوا نسا والقسم عاوز مثلا خمسة والخمسة دول ترتيبهم التراكمي اعلي منك وقتها هتضطر انك تكتب تخصص تاني غير النسا اللي بتحبها.
# نصيحتي لو انت ليك نيابة جامعة بس النيابة اللي بتحبها مش هاتجيلك اكتب تخصص مقبول بالنسبة ليك وتكون فيه سنيور و يكون فيه فرصة للتثبيت وتكمل في الجامعة
أما لو مش هاتثبت في القسم ده وبتحب تخصص تاني مش هايجيلك فيه نيابة وانت متمسك بالتخصص اللي بتحبه يبقي اتكل علي الله وخد تكليفك في وزارة الصحة وبعدها نيابة في وزارة الصحة أما لو مش فارقة معاك تخصص يبقي خد أي تخصص في الجامعة.

  • هاتتحطن شغل أثناء النيابة يعني ممكن تقعد تشتغل 48 ساعة خصوصا في الأول لما تكون نايب جنيور وأنا شايف انه ده مش عيب بالعكس دا ميزة علشان تتعلم كويس إلا إذا كنت انت بطبيعتك مش بتحب تتعب وقتها هايكون عيب مش ميزة.
  • لو انت عاوز تسافر أثناء النيابة في الجامعة مش هاتقدر إلا إذا كنت مرافق لزوجتك في سفرها
  • لا يحق ليك فتح عيادة إلا بعد الدكتوراة لو هاتثبت وتكمل عندهم أو بعد الماستر إذا كنت هاتاخد الماستر وهتمشي من الجامعة ومالكشي تثبيت بعدها هاتروح وزارة الصحة وتشتغل أخصائي.
دى كانت معلومات و نقاط سريعة عن مفهوم نيابات الجامعة، لو عندك اى استفسار سيبه فـ كومنت ..
 



قد يهمك ايضاً !

amr samy

New member
طب انا عايز اعرف ان اول متخلص امتياز بتقدم تكليف و والنيابه الجامعه فى الغالب هستلمها قبل ما استلم التكليف ايه المفروض يتعمل ساعتها
 

MaHmOuD MyStErO

Administrator
طاقم الإدارة
Team Member
طب انا عايز اعرف ان اول متخلص امتياز بتقدم تكليف و والنيابه الجامعه فى الغالب هستلمها قبل ما استلم التكليف ايه المفروض يتعمل ساعتها
بترجع تعمل اخلاء طرف من الصحة للإنتداب للجامعة
 
أعلى