Welcome!

By registering with us, you'll be able to discuss, share and private message with other members of our community.

SignUp Now!

امتحان مزاولة المهنة للأطباء في مصر Egyptian Medical License Exam | EMLE ، امتحان موحد لخريجي كليات الطب في مصر للحصول علي ترخيص مزاولة مهنة الطب في مصر.


46F34E06-E077-4DA4-917D-AA840EB2E00A.png

قبل كدة كان النظام انك بتتخرج من الكلية و تخلص سنة الامتياز و تقدم ورقك للحصول علي ترخيص مزاولة المهنة و القيد بنقابة الاطباء مباشرة بدون اي امتحانات او حاجة تانية ،، و الحقيقة ان الكلام علي امتحان مزاولة المهنة كان من فترة كبيرة الي ان تم اقراره نهائيا بقانون رقم ١٥٣ لسنة ٢٠١٩ ، و ان تطبيقه يكون علي كل خريجي كليات الطب في مصر بداية من دفعة سبتمبر ٢٠١٩



و بالتالي الامتحان دة اجباري للحصول علي ترخيص مزاولة مهنة الطب في مصر و مجرد ما تخلص سنة الامتياز مش هتقدر تشتغل ف اي حاجة الا لما تنجح في الامتحان.


نظام امتحان مزاولة المهنة للاطباء في مصر


الامتحان هيكون امتحان موحد علي مستوي الجمهورية بنظام ال MCQ و عبارة عن 150 سؤال لمدة ٣ ساعات و علي يوم واحد ، و الامتحان دة هيكون مرتين في السنة سبتمبر و فبراير .
الامتحان للمصريين فقط سواء كنت خريج جامعة مصرية او جامعة اجنبيه خارج مصر.
و الامتحان بنظام النجاح و الرسوب مش بالتقدير .
يتم القيد لمدة 5 سنوات قابلة للتجديد لمدة مماثلة

و دة ينقلنا لسؤال مهم جدا : ايه الوضع لو منجحتش في الامتحان دة !؟
ببساطة خالص هتفضل طبيب امتياز تحت التدريب لحد ما تنجح في الامتحان للحصول علي ترخيص مزاولة المهنة ، و هيتم تأجيل تجنيدك وتفضل تحت التدريب لحد ما تنجح او توصل سن ٢٩ سنة ايهما اولا.
و حتي الان مفيش اي كلام او معلومات عن عدد المرات المسموح ليك الدخول للامتحان.

الامتحان 150 سؤال متقسمين ( 29 سؤال باطنة عامة ، 29 جراحة عامة ، 29 اطفال ، 29 نسا ، 29 طوارئ ) و الباقي اسئلة عن الصحة العامة و الانفكشن.

يتم اضافة درجات الإمتحان للمجموع التراكمي و سوف يؤخذ بعين الاعتبار عند التنسيق فى التكليف و التوزيع على هيئات و مستشفيات وزارة الصحة و السكان



Exam Content and study materials


مصادر المذاكرة لامتحان مزاولة المهنة للاطباء في مصر



دي كانت معلومات سريعة عن امتحان مزاولة المهنة للاطباء في مصر ٫ وسيتم تحديث البوست باستمرار
 
التعديل الأخير:
وبالنسبة للطبيب الاجنبي الذي سوف يتخرج من جامعه مصرية هل يمكنه الحصول على الشهادة بدون ان يكمل امتيازه في مصر يعني بعد التخرج مباشرة ؟

امتحان مزاولة المهنة للأطباء المصريين فقط ، ( الذى يحمل الجنسية المصرية )
 
اقصد بكلامى انه يتم معادلة الشهادة ،، اسف لو كانت التعليق غير واضح
لا شكرا جزيلا لحضرتك ،،، بس معلش سؤال اخير ،،، هو دلوقت الامتحان المفروض انه يكون مرتين في السنة مرة في شهر فبراير والتانية في سبتمبر ،،، بس المفروض ان التقديم للزمالة يكون في اغسطس و من الورق اللي الزمالة محتاجاه هو امتحان مزاولة المهنة ،، فبكده ازاي اقدم للزمالة في اغسطس والامتحان هيبقى في سبتمبر ...
 
لا شكرا جزيلا لحضرتك ،،، بس معلش سؤال اخير ،،، هو دلوقت الامتحان المفروض انه يكون مرتين في السنة مرة في شهر فبراير والتانية في سبتمبر ،،، بس المفروض ان التقديم للزمالة يكون في اغسطس و من الورق اللي الزمالة محتاجاه هو امتحان مزاولة المهنة ،، فبكده ازاي اقدم للزمالة في اغسطس والامتحان هيبقى في سبتمبر ...

مواعيد التقدم للزمالة للاسف بقالها فترة كبيرة غير منتظمة ،، و وقت نزول اعلان جديد و الشروط لم تنطبق ممكن للاسف تكونى مضطرة للانتظار للاعلان التالى ان لم يكن فيه استثناءات وقت الاعلان
 
مواعيد التقدم للزمالة للاسف بقالها فترة كبيرة غير منتظمة ،، و وقت نزول اعلان جديد و الشروط لم تنطبق ممكن للاسف تكونى مضطرة للانتظار للاعلان التالى ان لم يكن فيه استثناءات وقت الاعلان
شكرا جزيلا بجد لحضرتك يا دكتور 🙏🏻🙏🏻🙏🏻
 
عودة
أعلى