امتحان مزاولة المهنة للأطباء في مصر Egyptian Medical License Exam | EMLE ، امتحان موحد لخريجي كليات الطب في مصر للحصول علي ترخيص مزاولة مهنة الطب في مصر.
قبل كدة كان النظام انك بتتخرج من الكلية و تخلص سنة الامتياز و تقدم ورقك للحصول علي ترخيص مزاولة المهنة و القيد بنقابة الاطباء مباشرة بدون اي امتحانات او حاجة تانية ،، و الحقيقة ان الكلام علي امتحان مزاولة المهنة كان من فترة كبيرة الي ان تم اقراره نهائيا بقانون رقم ١٥٣ لسنة ٢٠١٩ ، و ان تطبيقه يكون علي كل خريجي كليات الطب في مصر بداية من دفعة سبتمبر ٢٠١٩
نظام امتحان مزاولة المهنة للاطباء في مصر
الامتحان هيكون امتحان موحد علي مستوي الجمهورية بنظام ال MCQ و عبارة عن 150 سؤال لمدة ٣ ساعات و علي يوم واحد ، و الامتحان دة هيكون مرتين في السنة سبتمبر و فبراير .
الامتحان للمصريين فقط سواء كنت خريج جامعة مصرية او جامعة اجنبيه خارج مصر.
و الامتحان بنظام النجاح و الرسوب مش بالتقدير .
يتم القيد لمدة 5 سنوات قابلة للتجديد لمدة مماثلة
و دة ينقلنا لسؤال مهم جدا : ايه الوضع لو منجحتش في الامتحان دة !؟
ببساطة خالص هتفضل طبيب امتياز تحت التدريب لحد ما تنجح في الامتحان للحصول علي ترخيص مزاولة المهنة ، و هيتم تأجيل تجنيدك وتفضل تحت التدريب لحد ما تنجح او توصل سن ٢٩ سنة ايهما اولا.
و حتي الان مفيش اي كلام او معلومات عن عدد المرات المسموح ليك الدخول للامتحان.
الامتحان 150 سؤال متقسمين ( 29 سؤال باطنة عامة ، 29 جراحة عامة ، 29 اطفال ، 29 نسا ، 29 طوارئ ) و الباقي اسئلة عن الصحة العامة و الانفكشن.
Exam Content and study materials
مصادر المذاكرة لامتحان مزاولة المهنة للاطباء في مصر
النماذج التجريبية لامتحان مزاولة مهنة الطب فى مصر EMLE
من المتوقع ان يكون اول امتحان للحصول على مزاولة مهنة الطب فى مصر فى فبراير 2021 ، و بداية من شهر اكتوبر 2020 كان فيه العديد من النماذج التجريبية للامتحان لو عايز تعرف اكتر عن امتحان مزاولة المهنة للاطباء فى مصر...
egymd.com
دي كانت معلومات سريعة عن امتحان مزاولة المهنة للاطباء في مصر ٫ وسيتم تحديث البوست باستمرار
التعديل الأخير:
