استفسار محتاج نصيحة بخصوص تقديرات الكلية

[mustafa mahmoud]

انا طالب ف ساته طب، كنت بجيب جيد جدا السنين اللى فاتت لغاية محصلي دروب كبير في سنة خامسة وجبت مقبول، دلوقتي الدنيا ضبابية خالص قدامي لاني غالبا كدا مليش نيابة فايه احسن حاجة اقدر اعملها من دلوقتي اختصر بيها وقت وجهد ولف ودوران لا قدر الله انه يحصل بعدين.

Earn money with EgyMD

 

[dr/ahmed sami]

اولا ربنا يوفقك و يكرمك في سنة ساتة شد حيلك و ركز انك تجيب امتياز السنة دي ان شاء الله

نصيحتي دايما بعد سنين شغل لاي حد ايا كان وضعه هو السفر
حدد اولوياتك و ابدا شهادة اجنبي من بدري و توكل علي الله

عموما متشيلش هم حاجة الطرق ادامك كتير بعد التخرج و فرص افضل بكتير من طريق الجامعة اهم حاجة تحدد طريق واحد من بدري و تتوكل علي الله فيه وتركز فيه

موفق

 

[MaHmOuD MyStErO]

لو انت ناوي علي السفر و الظروف تسمح ابدا من دلوقتي بتحضير اي شهادة اجنبيه
لو طريق السفر بالنسبة لك دلوقتي مش واضح اجتهد فس سنة ساته علي اد ما تقدر و ابدا فكر في تخصص مناسب ليك تكون فعلا حابب ان تكمل فيه و اجتهد فيه و تحاول علي اد ما تقدر تخلص شهادتك في وقت قصير

متقلقش ربنا مقدر الارزاق للجميع و الطب في مصر مش واقف نهائيا علي نيابة الجامعة
اهم حاجة بعد التخرج تحاول تختار المكان الصح اللي تتعلم فيه التخصص كويس جدا