ببساطة خالص و فى سطر واحد ، المعادلة الأمريكية USMLE هى امتحان من 3 اجزاء للحصول على رخصة طبية دولية تمكنك من العمل كطبيب فى امريكا


USMLE






اكيد انت سمعت عن المعادلة الامريكية سواء كنت طالب لسة ف اول دراستك او طبيب حديث التخرج و اكيد عندك بعض المعلومات عنها ، لكن سريعاً كدة هاتكلم عن المعادلة الأمريكية USMLE ايه هى ، و ايه هى مميزاتها، وهل تستحق فعلا انى افكر فى دراستها و اصرف فلوس كتير علشان اخرج اسافر اشتغل فى امريكا ؟

ايه هى المعادلة الامريكية USMLE ؟
USMLE هى اختصار لكلمة United States Medical Licensing Examination ، يعنى اختبار الرخصة الطبية الأمريكي ودة اختبار كل الأطباء فى امريكا لازم يجتازوه للحصول على رخصة مزاولة مهنة الطب فى امريكا و يقدروا يشتغلوا. و نتيجة لنقص اعداد الأطباء فى امريكا و احتياجهم لأطباء للعمل فى امريكا فتحوا المجال انك تعادل دراستك الطبية من اى دولة و تجتاز الاختبارات دى للحصول على الرخصة الطبية الأمريكية.
الاختبارات دى بتمر ب 3 مراحل USMLE Step 1, Step 2 CK and Step 2 CS بعد اجتياز المرحلتين دول تحصل على الرخصة و المرحلة التالتة Step 3 و دى تقدر تجتازها خلال عملك خلال 7 سنوات و الا هتكون مضطر لاجتياز الـ USMLE من اول وجديد.

و الشىء المميز فى المعادلة الأمريكية انك ممكن تبدأ تذاكرها و انت لسة طالب و تقدم عليها و تبدأ مذاكرتها، لكن مش هتاخد الرخصة الا لما تتخرج.


مميزات المعادلة الأمريكية USMLE
  • تعتبر اعلى شهادة طبية علمياً يمكن الحصول عليها.
  • اقوى من شهادة الدكتوارة المصرية 5 مرات.
  • ممكن تقدم و تمتحن و انت لسة طالب و تخلص الشهادة مع حصولك على درجة البكالوريوس وتسافر على امريكا على طول.
  • ممكن تسافر و تشتغل فى اى مكان فى العالم بشهادة المعادلة الامريكية.
  • مرتبات مرتفعة جداً و بالذات فى دول الخليج.

USMLE Step 1
عبارة عن امتحان يوم واحد و الاختبار عبارة عن 308 سؤال MCQ متقسمين 7 مجموعات و كل مجموعة فيها 44 سؤال، و ليك 60 دقيقة للاجابة على كل مجموعة (44 سؤال)، و ليك 45 دقيقة فقط راحة طول فترة الاختبار و كمان ليك 15 دقيقة فى البداية لشرح طريقة الامتحان.
الامتحان دة ممكن تمتحنه فى اى مركز بروميتريك معتمد فى دولتك زى مثلا Amideast فى مصر.
و بيكون ليك 3 شهور فترة سماح لدخول الامتحان اول ما تقدم و تقدر فى اى وقت خلال ال 3 شهور تسجل لامتحانك فى المعاد اللى تختاره من ضمن ايام كتيرة متاحة بتعرفها لما تقدم على Step 1.
رسوم دخول امتحان Step 1 هى 1045 دولار!!
عموما Step 1 سهلة و مذاكرتها سهلة جداً و هى بتقيم معرفتك العامة و الأساسية اللازمة لممارسة الطب، و هتمتحن على حاجات بسيطة جدا فى anatomy, physiology, .
biochemistry, pathology, microbiology, pharmacology, behavior sciences, biostatistics, epidemiology


USMLE Step 2 CK
نفس فكرة الـ Step 1 فى طريقة الامتحان، امتحان يوم واحد عبارة 355 سؤال MCQ متقسمين 8 مجموعات و كل مجموعة فيها تقريبا 44 سؤال و معاك 60 دقيقة للاجابة على كل مجموعة مع 45 دقيقة راحة طول فترة الاختبار و الـ 15 دقيقة اللى معاك فى البداية لشرح طريقة الامتحان .
برده نفس القصة انك ممكن خلال 3 شهور من التقديم على Step 2 CK تمتحن ف اى معاد تختاره.والاختبار دة برده فى دولتك مش محتاج تسافر اى مكان.
رسوم دخول امتحان Step 2 CK هى 1065 دولار!!
Step 2 CK بتقيم الـ clinical بتاعك اكتر و بتقيم مهاراتك الطبية و الامتحان بيكون على patient diagnosis, patient management, medicolegal issues, patient safety, biostatistics and epidemiology in all clinical specialties.

USMLE Step 2 CS
تم الغاء هذا الامتحان نهائيا بتاريخ 26 / 1 / 2021

USMLE Step 3
عبارة عن امتحان على يومين، اليوم الأول عبارة عن امتحان MCQ على 6 مجموعات كل مجموعة فيها من 42 - 43 سؤال. اليوم التانى امتحان MCQ برده عبارة عن 6 مجموعات كل مجموعة فيها 33 سؤال.
معاك 6 شهور من وقت تسجيلك لدخول الاختبار تقدر تمتحن فى اى يوم مناسب، و الاختبارات بتكون فى مراكز بروميتريك معتمدة داخل امريكا فقط.
رسوم دخول الاختبار هى 830 دولار!!
Step 3 مش لازم تجتازها للحصول على الرخصة، انت بعد Step 2 CS بتاخد شهادة المعادلة الأمريكية و الرخصة لكن لازم تجتاز Step 3 خلال 7 سنين من اول اختبار ليك دخلته و الا هتضطر تعيد الـ USMLE من اول وجديد.



إقرأ ايضا :
ايه هى مصادر مذاكرة المعادلة اﻷمريكية ؟
مصادر المذاكرة كتير جداً و متعددة و اغلبها الحمد لله سورسات مجانية موجودة اون لاين ع النت، سواء فيديوهات او كتب تقدر تحملها و تطبعها ...
هتلاقى كل المصادر المختلفة اللى ممكن تحتاجها ع الـ Forum دى
المعادلة الأمريكية USMLE

دى كانت معلومات سريعة بسيطة عن المعادلة الأمريكية USMLE و ان شاء الله الفترة اللى جاية هاتكلم عنها اكتر و ننزل كل الداتا المرتبطة بالـ USMLE

الموقع الرسمى للمعادلة الأمريكية | United States Medical Licensing Examination ®

لو عندك اى معلومات اضافية او تصحيح لمعلومة ياريت تعرفنى فى الكومنتات .

لو عندك اى سؤال عن المعادلة الامريكية USMLE اساله هنا
و ان شاء الله هتلاقى اللى يساعدك .
 
التعديل الأخير:
Dr/ Mohamed Kamal

Dr/ Mohamed Kamal

New member
27 أغسطس 2018
4
8
0
Credits
24
Status
طالب
الجامعة
المنصورة
طيب عشان اقدم عليها أعمل ايه ؟ قصدى على الاجراءات اللى المفروض اعملها بغض النظر عن المذاكرة طبعا
 
التعديل الأخير:
  • Like
التفاعلات: Israa M Ali
daliaelsherbeni

daliaelsherbeni

New member
6 سبتمبر 2018
2
0
2
Credits
0
Status
طبيب امتياز
الجامعة
المنيا
ايه فايدة المعادلة الامريكية لو مش هسافر اشتغل ف امريكا؟ يعني زي الزمالة البريطانية ممكن تتعادل بماستر في مصر؟
وهل بيشترط فيها سنوات تدريب في امريكا ولا فقط بنسافر امريكا للامتحان؟
 
MaHmOuD MyStErO

MaHmOuD MyStErO

Administrator
طاقم الإدارة
27 ديسمبر 2017
1,509
250
2,075
134
Credits
79,071
Status
طبيب مقيم
الجامعة
المنصورة
التخصص
Anaesthesiology
ايه فايدة المعادلة الامريكية لو مش هسافر اشتغل ف امريكا؟ يعني زي الزمالة البريطانية ممكن تتعادل بماستر في مصر؟
وهل بيشترط فيها سنوات تدريب في امريكا ولا فقط بنسافر امريكا للامتحان؟

حرام جدا لو حد اخد المعادلة الامريكية علشان يكمل ف مصر ،،لان المعادلة الامريكية تعتبر حاليا اقوي شهادة طبية و تقدر بيها تشتغل ف اماكن كتير برا مصر و مش شرط امريكا

و بيكون هناك فترة تدريب في امريكا
 
M

menna sam

New member
3 يوليو 2019
1
0
2
Credits
0
Status
طالب
الجامعة
الفيوم
انا 2 طب وداخلة 3 حاليا حبة اعرف هو انا ممكن أبدأ احضرها حاليا؟!
وحبة اسأل هو لازم ادفع التكاليف اول ما ابدأ ولا قبل ما اكون داخلة الامتحان ؟!
 
MaHmOuD MyStErO

MaHmOuD MyStErO

Administrator
طاقم الإدارة
27 ديسمبر 2017
1,509
250
2,075
134
Credits
79,071
Status
طبيب مقيم
الجامعة
المنصورة
التخصص
Anaesthesiology
انا 2 طب وداخلة 3 حاليا حبة اعرف هو انا ممكن أبدأ احضرها حاليا؟!
وحبة اسأل هو لازم ادفع التكاليف اول ما ابدأ ولا قبل ما اكون داخلة الامتحان ؟!

ممكن حضرتك تبداي تذاكري و تمتحني ف اي وقت
لكن يفضل بعد تالتة ان شاء الله
و التكاليف هتكون الكتب الدراسية اثناء المذاكرة
و باقي التكاليف مع الامتحانات
 
Gehad sror

Gehad sror

New member
27 يونيو 2019
3
4
5
Credits
0
Status
طالب
الجامعة
أسيوط
انا اولى طب النظام الجديد وخلصت يوم ١٥-٧ اللي فات دا وعايزة ابدأ في usmle ابدأ اذاكرلها ازاي ف الاجازة؟ازاي اقسم بين كل المواد بتاعتها؟ و في الدراسة هوفق مابين مذاكرة usmle و مذاكرة الكلية ؟ وجزء الorgan systems دا بالظبط عبارة عن ايه؟ عشان مش عارفة ايه الكتب اللي ممكن تتذاكر له هل دا من حيث الاناتومي ولا هستولوجي ولا باثولوجي ولا فسيولوجي ولا لأ ؟مع العلم ان السنة دي خدت خلفية عن كل مواد step 1 فهبقى مستوعبة ان شاء الله .