المعادلة الأسترالية AMC ما هى المعادلة الاسترالية للأطباء AMC

المعادلة الاسترالية AMC وهى اختصار لـ The Australian Medical Council و هو انك تعادل شهادتك الطبية الخاصة بدولتك بالشهادة الطبية الاسترالية ، بمعنى حصولك على شهادة ترخيص مزاولة مهنة الطب فى استراليا.. ودى رخصة لازم يحصل عليها اى طبيب يريد العمل فى استراليا و حتى طبعا لو استرالى الجنسية و واخد شهادة الطب فى استراليا.

مميزات المعادلة الاسترالية

• سهولة المذاكرة و الحصول على المعادلة.
• اقل تكلفة من المعادلة الكندية و الامريكية
• سهولة السفر للعمل فى استراليا لوجود عجز شديد فى الاطباء
• دخل مرتفع للاطباء و رواتب ممتازة جداً
• سهولة الحصول على الجنسية بعد الاقامة لمدة 4 سنوات فقط
• ممكن تسافر تشتغل GP ممارس عام لحد ما تعدى فى امتحان العملى Clinical Exam
• دة طبعا غير مميزات السفر و المعيشة فى دولة اجنبية بتحترم الفرد

، لكن خلى بالك :

• استراليا مجتمع غربى طبعاً بكل طباعه
• ظروف المعيشة و الضرائب مرتفعة الى حد ما فى استراليا

نظام امتحانات المعادلة الاسترالية
امتحان نظرى MCQ عبارة عن 150 سؤال اختيار متعدد MCQ - منهم 120 سؤال اساسى و 30 سؤال غير قياسى .. و لازم على الاقل تجاوب على 120 سؤال صح علشان تنجح فى الامتحان دة.
الاسئلة بتكون متقسمة كالاتى ( 35 سؤال باطنة ، 25 سؤال جراحة ، 15 سؤال نسا ، 15 سؤال اطفال ، 15 سؤال صحة نفسية ، 15 سؤال صحة سكان )
و طبعاً لازم تنجح فى الامتحان دة علشان تقدر تدخل امتحان العملى.
مواعيد الامتحان دة بتتحددلك بعد تقديمك مباشرة و بتقدر تمتحنها فى اى مركز معتمد داخل دولتك.
و على حد علمى وبحثى و على حسب الموقع الرسمى للمعادلة الاسترالية لا يوجد مراكز معتمدة داخل مصر للاسف
[ المراكز المعتمدة لامتحان MCQ المعادلة الاسترالية خارج استراليا ]

امتحان العملى Clinical و دة بيقيس مدى قدرتك العملية الطبية طبعاً فى التعامل مع المرضى و الوصول لتشخيص مظبوط وهو عبارة عن امتحان من 16 لجنة.
التقديم لامتحان العملى بيفتح مرة او مرتين فى السنة على حسب الاعلان اللى بينزل .. وبيفتح بمواعيد و يقفل بمواعيد ثابته
مثلا السنة دى 2018 - التقديم لامتحان العملى للمعادلة الاسترالية هيفتح يوم 26 فبراير و يقفل يوم 5 مارس
الامتحانات دى بتكون فى مركز معتمد ثابت فى استراليا فى ولاية ملبورن ( Melbourne ).


رسوم و تكاليف الحصول على المعادلة الاسترالية

• التقدم اول مرة للتسجيل 500 دولار استرالى
• تعديل اى خطأ فى بيانات التسجيل 130 دولار استرالى
• رسوم دخول امتحان الـ MCQ هى 2720 دولار استرالى
• توثيق نتيجة امتحان MCQ هى 75 دولار استرالى
• رسوم الغاء دخول امتحان MCQ هى 1360 دولار استرالى
• رسوم دخول امتحان امتحان العملى Clinical هى 3530 دولار استرالى
• رسوم دخول العملى مرة اخرى هى 2000 دولار استرالى
• رسوم استلام شهادة المعادلة الاسترالية بعد النجاح فى الامتحانات هى 300 دولار استرالى

للاطلاع على كافة الرسوم و التكاليف | Australian Medical Council » Fees and charges

​

مواعيد التقدم لامتحانات المعادلة الاسترالية 2018​

التفكير فى المعادلة الأسترالية للأطباء بيكون الهدف الرئيسيى منه هو الهجرة ثم الهجرة !!

مصادر مذاكرة المعادلة الاسترالية
المعادلة الأسترالية AMC

دى كانت معلومات بسيطة و سريعة عن شهادة المعادلة الاسترالية للاطباء ، و قريب جدا كل اللى ممكن تحتاجه هنزله.

بالتوفيق للجميع

مصادر:
Australian Medical Council » About
Australian Medical Council » AMC Examinations (standard pathway_
Australian Medical Council » AMC MCQ Examinations
Australian Medical Council » AMC Clinical Examination
Australian Medical Council » Clinical Events and Dates
Australian Medical Council » Fees and charges

 

[MaHmOuD MyStErO]

مواعيد التقدم لامتحانات المعادلة الاسترالية 2018

 

[dr.mah82]

شكرا على المجهود بس لو ممكن تحط لينك لمصادر المذاكرة

 

[waleedhassan1983]

شكرا علي مجهودك ياريت لو اسامي كتب المذاكرة

 

[ahmed mansour]

شكرا على المجهود بس لو ممكن تحط لينك لمصادر المذاكرة

شكرا علي مجهودك ياريت لو اسامي كتب المذاكرة

جاري تجهيزها و قريب هنزلها ان شاء الله

 

[Eyelid]

شكرا للتوضيح. سؤال ينفع تذاكر و انت لسه طالب و لا لازم تكون متخرج؟

 

[maximo6]

 

[melooo]

طيب هل في تكاليف اخرى لتكمله الدراسه غير رسوم الاختبار عشان ادرس الاختصاص ؟؟

 

[محمد عزب]

في الجزء التاني بيتم ارسال دعوه من المجلس الطبي هناك تساعد ع قبول الفيزا للسفر ولا بيكون انا و نصيبي؟