يمكن عدد كبير سمع قبل كدة مصطلح MTI - Medical Training Initiative او انه مصطلح مرتبط بالسفر الى انجلترا بشهادة الماجستير او الدكتوراة المصرية !!؟
لكن للاسف مكنش فيه معلومات كتير عن الموضوع دة ، علشان كدة هاحاول اتكلم بشكل مفصل ان شاء الله عن موضوع الـ MTI
نتكلم الاول سريعا و نقول يعنى ايه MTI - Medical Training Initiative : انا شخصيا احب ابسط المفهوم واقول انه عبارة عن برنامج تدريبى ( مدعوم ماديا ) او منحة بيسمح لعدد محدود من الأطباء حول العالم بالسفر للتدرب و العمل فى بريطانيا لمدة لا تقل عن 24 شهر.. و الحقيقة انه بيوفر فرصة عظيمة جدا للتدريب و التعلم فى المستشفيات و الجامعات التابعة للـ NHS- United Kingdom National Health Service .
كمان لازم تبقي عارف ان البرنامج دة مخصص للاطباء اللى معاهم شهادة دراسات عليا ( ماستر او دكتوراة ) او شهادة اجنبية تانية .
قبل ما اكمل لازم تبقى عارف ان فيه شروط معينة مرتبطة بكل تخصص و دى هتلاقيها على لينكات التخصصات فـ اخر التوبيك ، و فيه شروط عامة و هى :
اهم حاجة تتأكد انك مستوفى الشروط كلها علشان متضيعش وقتك ع الفاضى ، بعد كدة هتجهز الـ CV الجميل بتاعك و تحمل ابلكيشن التقديم الجميل دة ، وتبعتهم على الايميل | mti@rcplondon.ac.uk
و تستنى رد منهم و اللى غالبا مش هيبقى قبل 10 ايام. و ربنا يكرمك هيوصلك منهم رد بالموافقة المبدأية و باقى الاوراق و الخطوات المطلوبة و اللى هتكون عبارة عن :
و علشان تقدر تقدم فى التخصص بتاعك لازم يكون من خلال الكلية الملكية للتخصص ، و هتلاقى لينكات لكل التخصصات المتاحة .. لو التخصص بتاعك مش موجود فى القايمة دى ممكن تحاول تتواصل مع فريق الـ MTI من خلال الايميل دة mti@aomrc.org.uk
فى النهاية و خلاصة الموضوع انك لو بتدور على فرصة شغل و استقرار و استمرارية فى انجلترا فـ الـ MTI دى غير مناسبه ليك تماماً ، و تأشيرة السفر و الاقامة ببتاعتها هتجبرك انك ترجع بعد سنتين ، و بالتالى هى فرصة ممكن تكون كويسة لو انت عاوز تسافر و تخرج برا مصر لفترة تتعلم فيها كويس و تزود خبرتك العملية و العلمية فى تخصصك و كمان يكون معاك شهادة محترمة فى الـ CV بتاعك لاى خطوة سفر ممكن تحتاجها بعد كدا.
لو عندك اى سؤال او استفسار سيبه فى كومنت و هاحاول اساعدك فيه ان شاء الله .
لكن للاسف مكنش فيه معلومات كتير عن الموضوع دة ، علشان كدة هاحاول اتكلم بشكل مفصل ان شاء الله عن موضوع الـ MTI
نتكلم الاول سريعا و نقول يعنى ايه MTI - Medical Training Initiative : انا شخصيا احب ابسط المفهوم واقول انه عبارة عن برنامج تدريبى ( مدعوم ماديا ) او منحة بيسمح لعدد محدود من الأطباء حول العالم بالسفر للتدرب و العمل فى بريطانيا لمدة لا تقل عن 24 شهر.. و الحقيقة انه بيوفر فرصة عظيمة جدا للتدريب و التعلم فى المستشفيات و الجامعات التابعة للـ NHS- United Kingdom National Health Service .
كمان لازم تبقي عارف ان البرنامج دة مخصص للاطباء اللى معاهم شهادة دراسات عليا ( ماستر او دكتوراة ) او شهادة اجنبية تانية .
طيب ايه اللى ممكن استفاده من انضمامى للبرنامج التدريبي دة ( فؤائد برنامج MTI ) !؟
- طبعاً هتتعلم و تشتغل في تخصصك لمدة سنتين ع الاقل تحت اشراف استشاريين في التخصص وفى مستشفيات تابعة للـ NHS.
- انضمامك للبرنامج التدريبى دة هيمكنك انك تحضر ورش عمل و ندوات و مؤتمرات كبيرة و ضخمة جداً اكيد هتزود من قيمتك العلمية و العملية,
- في نهاية فترة التدريب هتاخد شهادة معتمدة بانك قضيت فترة 24 شهر تدريب و تعلم فى التخصص فى الممكلة المتحدة Diploma in UK Medical Practice (DipUKMP)
- دة كمان انضامك للـ MTI هيساعدك جدا فى انك تسجل فى GMC ، ودة اللى هو المجلس الطبى العام فى المملكة المتحدة من غير اى امتحانات بخلاف الزمالة MRCP او المعادلة PLAB ، و بالتالى هيسهل عليك جدا الطريق لو ناوى تكمل هناك ان شاء الله .
- دة كمان ممكن تاخد راتب شهرى محترم اثناء فترة البرنامج التدريبي.
ندخل بأة فى نقطة مهمة جدا وهى ، ايه الشروط و المؤهلات المطلوبة علشان اقدم فـ MTI !؟
قبل ما اكمل لازم تبقى عارف ان فيه شروط معينة مرتبطة بكل تخصص و دى هتلاقيها على لينكات التخصصات فـ اخر التوبيك ، و فيه شروط عامة و هى :
- انك تكون خريج احد الجامعات المعتمدة و المعترف بها من خلال GMC و معاك شهادة تخرج هيتم اعتمادها من الـ EPIC ، و الحمد لله اغلب الجامعات المصرية معتمدة.
- لازم لازم لازم يكون معاك شهادة دراسات عليا ( ماجستير او دكتوراة او اى زمالة او شهادة اجنبية ).
- قضيت على الاقل 3 سنين عمل و خبرة بعد التخرج من ضمنهم سنة ع الأقل فى التخصص بتاعك ( سنة الامتياز بتتحسب من سنين الخبرة المطلوبة ).
- شهادة IELTS او OET .
- لازم يكون عندك امكانية انك تقدم شهادة حسن سير و سلوك CGS عن اخر 5 سنين عمل قضيتهم و يكون مذكور فيها انك مسموح لك بممارسة الطب و لم يتم استبعادك او ايقافك عن ممارسة الطب لاى سبب ، وكمان هتحتاج يكون معاها فيش جنائى
مراحل التقديم فى البرنامج التدريبى MTI و الحصول على دعم كامل من Royal College of Physicians ؟
( خلى بالك كل تخصص بيفرق عن التانى ، وهتلاقى لينكات التقدم للتخصصات المختلفة تحت )اهم حاجة تتأكد انك مستوفى الشروط كلها علشان متضيعش وقتك ع الفاضى ، بعد كدة هتجهز الـ CV الجميل بتاعك و تحمل ابلكيشن التقديم الجميل دة ، وتبعتهم على الايميل | mti@rcplondon.ac.uk
و تستنى رد منهم و اللى غالبا مش هيبقى قبل 10 ايام. و ربنا يكرمك هيوصلك منهم رد بالموافقة المبدأية و باقى الاوراق و الخطوات المطلوبة و اللى هتكون عبارة عن :
1. استكمال الاوراق للتقديم Application
هتجهز كل الاوراق دى و تكملها و ترجع تبعتها تانى فى رد ع الايميل- Sponsor form او نموذج الكفيل ، و دة نموذج هيتبعتلك ع الايميل بعد الموافقة المبدأية مطلوب منك تملاها و تكمله و يمضى عليه المشرف بتاعك او رئيس القسم فى المكان اللى بتشتغل فيه.
- نماذج تانية اضافية هتلاقيها مطلوب تكمل البيانات فيها .
- نسخة من الباسبور بتاعك.
- صورة من شهادة الـ IELTS او الـ OET
- صور من شهادة التخرج بتاعتك و تكون بالانجليزي و معتمدة طبعا
- صورة من شهادة الدراسات العليا ( ماجستير او دكتوراة ) بالانجليزى معتمدة و مختومة.
- خطاب توصية من عميد كلية الطب اللى اتخرجت منها ( هيوصلك منه مثال فى الرد اللى وصلك ع الايميل )
- صورة من شهادة حسن السير و السلوك.
- و تجهز معاك فيزا فيها فلوس ع الاقل ما يعادل 100 جنيه استرلينى و دى رسوم تقديم الطلب.
2. المقابلة الشخصية Interview
خطوة المقابلة الشخصية مع الاستشارى او المشرف و اللى غالبا هتبقى اون لاين بمعاد محدد ، المفروض فى المقابلة دى هيبدأ يتعرف بيك و يعرفك النظام و يبدأ يدردش معاك فى حاجات سريعة يبدأ يقيم بيها مدى خبرتك العلمية و العملية فى المقابلة دى و بعدها هيوصلك منه اوراق مهمة جدا لازم تحتفظ بيها كويس- خطاب فيه التوصيف الوظيفي الخاص بيك و جدول المتوقع للتدريب.
- عرض مؤكد للتوظيف .
- Trust form و دة خطاب الثقة ، ورقة مهمة هتحتاجها اثناء التقديم بتتقدملك من RCP .
- خطاب لدعم الوظيفة من مدير برنامج التدريب أو مستشار التخصص الإقليمي.
- نموذج طلب خاص بتأشيرة السفر MTI Tier 5.
3. تقييم الطلب
و فى خلال الفترة دى و اللى بتاخد حوالى 10 ايام بيتم مراجعة الطلب بتاعك و مراجعة كل الأوراق و الشهادات اللى قدمتها ، و ان شاء الله بعد ما يتم قبولك فى البرنامج التدريبى هيوصلك مهم ايميل بالتأكيد و هيكون فيه كل التفاصيل عن اللى هتعمله بعد كدة و تسجيلك فى GMC .4. التسجيل فى GMC
فى الايميل اللى هيوصلك منهم بعد قبولك ان شاء الله هيكون فيه تعليمات عن ازاى تسجل فى موقع الـ GMC باقى البيانات بتاعتك و تدفع رسوم التسجيل ، بعد كدة المفروض هيوصلك منهم ايميل بنجاح التسجيل بس هيتبقى خطوة مهمة جدا و هى انك لازم تقدم اوراق التسجيل الاصلية بنفسك فى المكتب بتاعهم علشان يعتمدوا تسجيلك و الخطوة دى غالبا لازم تكملها بعد سفرك ان شاء الله -- وكمان هيوصلك منهم بيانات خاصة بتأشيرة السفر و ازاى تقدم عليها.طيب لو احنا بأة هنتكلم سريعا كدة عن مميزات و عيوب البرنامج التدريبى دة MTI من وجهة نظرى فـ كام نقطة .
مميزات البرنامج التدريبى MTI UK
- بصراحة انا اهم ميزة شايفها هى انك تقدر تسجل فى الـ GMC مباشرة من غير اى امتحانات على عكس الـ MRCP و الـ PLAB و بالتالى لو انت ناوى تكمل هناك يبقى انت خطيت كتير جدا
- دة طبعا غير انك بتتعلم و بتتدرب و بتشتغل مع ناس من بتوع بلاد برا فى اماكن محترمة مع اطباء اجانب عندهم علم و خبرات كبيرة جدا
- اما من النقطة المادية فانت حضرتك فى برنامج مدعوم ماديا بالكامل بالاضافة كمان الى راتب شهرى مساوى لراتب الطبيب اللى فـ نفس تخصصك و ترتيبك الوظيفى هناك.
- دة كمان ممكن تاخد عيلتك يعيشوا معاك هناك عادى جدا.
أما عن العيوب
- للاسف البرنامج دة غير متاح لكل التخصصات.
- التأشيرة للسفر و الاقامة اللى بتكون للبرنامج دة اقصاها 24 شهر و بالتالى مش هتقدر تقعد هناك بيها اكتر من كدة ، و مش هينفع تاخد اى تأشيرة تانية للاقامة وقتها الا لما ترجع بلدك و تقدم من برا المملكة المتحدة تانى
- فيه شوية حاجات فى الشروط و المتطلبات زى شهادات اللغة او شهادات حسن السير و السلوك و ورق التوصيات ممكن ياخد وقت و مجهود كبير.
التقديم فى الـ MTI للتخصصات المختلفة
و علشان تقدر تقدم فى التخصص بتاعك لازم يكون من خلال الكلية الملكية للتخصص ، و هتلاقى لينكات لكل التخصصات المتاحة .. لو التخصص بتاعك مش موجود فى القايمة دى ممكن تحاول تتواصل مع فريق الـ MTI من خلال الايميل دة mti@aomrc.org.uk
- Royal College of Anaesthetists
- Royal College of Physicians London
- Royal College of Obstetrics and Gynaecologists
- Royal College of Paediatrics and Child Health
- Royal College of Surgeons Edinburgh
- Faculty of Dental Surgery
- Royal College of Emergency Medicine
- Royal College of Pathologists
- Royal College of Ophthalmologists
- Royal College of Radiologists (Oncology)
- Royal College of Radiologists (Radiology)
- Royal College of Physicians and Surgeons Glasgow
- Royal College of Physicians Edinburgh
- ENT UK
- Royal College of Surgeons of England
- Royal College of Psychiatrists
فى النهاية و خلاصة الموضوع انك لو بتدور على فرصة شغل و استقرار و استمرارية فى انجلترا فـ الـ MTI دى غير مناسبه ليك تماماً ، و تأشيرة السفر و الاقامة ببتاعتها هتجبرك انك ترجع بعد سنتين ، و بالتالى هى فرصة ممكن تكون كويسة لو انت عاوز تسافر و تخرج برا مصر لفترة تتعلم فيها كويس و تزود خبرتك العملية و العلمية فى تخصصك و كمان يكون معاك شهادة محترمة فى الـ CV بتاعك لاى خطوة سفر ممكن تحتاجها بعد كدا.
لو عندك اى سؤال او استفسار سيبه فى كومنت و هاحاول اساعدك فيه ان شاء الله .
