كيفية التسجيل الالكتروني للبورد المصري

MaHmOuD MyStErO

Administrator
طاقم الإدارة
Team Member
رابط التسجيل بيتبعت علي الايميل للناس اللي قدمت الورق بتاعها في البورد
مهم جدا ..
الأبليكيشن 38 سؤال .... فيهم أسئلة مطلوبة وعليها علامة * ( نجمة حمراء ) .ودى بيانات مطلوبة لازم تتسجل وفيهم بيانات انت حر تسجلهم او لا ....وهم كالاتى

1- Full name * وده مطلوب طبعا .
2- Date of birth * وده مطلوب وهتلاقى سهم هتختار منه تاريخ ميلادك
3- Place of birth * مطلوب وهتلاقى سهم برضه هتختار
منه محل ميلادك
4- National ID No * مطلوب طبعا الرقم القومى كله الأربعة عشر رقما هتكتبهم
5- Issue Date* مطلوب تاريخ إصدار البطاقة وطبعا بيبقى مكتوب عالبطاقة شهر الإصدار فقط والسهم المطلوب فى البورد فيه اليوم فهتختار اليوم السابق لتاريخ الانتهاء
لو انت هتنتهى بطاقتك 12 فبراير يبقى تاريخ الإصدار 11 وهكذا ...
6- Expiry Date * وده مطلوب ومفيهوش مشكلة لأنك بتنزل بالسهم وتختار التاريخ .

7- Marital State* مطلوب وتختار بالسهم

8- Residence in Egypt * مطلوب وتكتب عنوانك بالتفصيل ماعدا المحافظة.

9- Governorate * مطلوب وتختار بالسهم محافظة إقامتك.

10- Mobile No1 * مطلوب وتكتب رقمك الأساسي اللى مبيتقفلش.

11- Mobile No2* مش مطلوب ...اختياري .

12- Home phone No. مش مطلوب اختياري .

13- E- mail 1* مطلوب وياريت تكتب ميلك
اللى شغال على موبايلك .

14- E- mail 2 مش مطلوب ....اختياري .

15- Syndicate N * مطلوب رقم قيدك بالنقابة وطبعا مكتوب فى الكارنيه.

16- Medical Practice License No * مطلوب رقم ترخيص مزاولة المهنة ومكتوب فى كارنية النقابة أيضا

17- Medical Practice License date * مطلوب وتاريخ المزاولة اللى هو تاريخ القيد بالنقابة .

18 - Student job if working مش مطلوب ... اختياري وتكتب فيه اذا كنت نايب او تكليف او غيره.

19- Work place مش مطلوب ...اختيارى ...وتكتب فيه مكان عملك اللى انت شغال فيه الآن بكل تفاصيله ..

20- Work place Governorate * وده مطلوب وتختار من السهم محافظة جهة العمل الأصلية ...ركز معايا محافظة جهة العمل الأصلية

21- Approving Authority For Registration * وده مطلوب وهتلاقى اختيارات مكتوب فيها أنواع جميع الجهات فاختار نوع جهة عملك الأصلية اللى وافقت لك عالتسجيل سواء وزارة صحة او تأمين صحى او جامعة او غيرها ....

22- Date of Approving Authority For Registration * مطلوب وتختار من السهم تاريخ موافقة جهة العمل

23- MB Bch certificate date * مطلوب وتختار من السهم تاريخ دفعة البكالوريوس بتاعتك واحنا عارفين ان الشهادة مكتوب فيها شهر التخرج فاختار آخر يوم فى الشهر يعنى لو انت دفعة نوفمبر 2004 مثلا بتختار 30 نوفمبر وهكذا ....

24- Issuer * مطلوب وتختار من السهم الكلية اللى انت متخرج منها ...

25- General Score * مطلوب مجموعك الكلى

26- Grade *مطلوب وبتختار من السهم تقديرك

27- Specialty Score ( if applicable) مش مطلوب ...اختياري
بتكتب درجات مادة التخصص ...

28- House Officer end of training certificate date * مطلوب وتختار من السهم تاريخ آخر يوم فى الامتياز ...

29- Other Certificates.مش مطلوب ....اختياري ..بتكتب تفاصيل اى مؤهل حصلت عليه بعد البكالوريوس .

30 - Military recruitment status. * مطلوب طبعا الموقف من التجنيد وبتختاره من السهم ..

31- Degree to be obtained/ The Egyptian Board in * مطلوب وتختار من السهم نوع التخصص اللى عايز تدرسه فى البورد.

32- Wished training Governorate (5 only) * مطلوب وهتلاقى المحافظات مترتبة بشكل أفقي ورغباتك مترقمة بشكل رأسي ....... بتختار المحافظة بترتيب رغبتك فيها ومينفعش تختار أكثر من خمسة رغبات وتقريبا مهتقلش عن كده .....وطبعا مينفعش تختار محافظتين او اكتر فى نفس رقم الرغبة....والعكس صحيح مهتعرفش تختار محافظة واحدة لكل الرغبات .....


33- Financial resource* مطلوب وتختار من السهم نوع الجهة اللى هتصرف عليك فى البورد .. عندك ثلاثة خيارات يا اما منحة يا اما على حساب الحكومة يا اما على حسابك .... منحة دى أظنها إلى الناس اللى جايين م وزارة الدفاع او الداخلية ....على حساب الحكومة اللى هم جايين من وزارة الصحة والتعليم العالى .... على حسابك دى للطبيب الحر والوافدين ....

34- Financing Authority * مطلوب وبتكتب اسم الجهة اللى هتصرف علي البورد ...مثلا وزارة الصحة او التعليم العالى وهكذا ......

35- Date of TOEFL >= 500 /IELTS >=6 مش مطلوب.......... ده اختياري ويفضل لو كنت حاصل عليه انك تختار بالسهم تاريخ حصولك عليه ...

36 - Payment Receipt NO * مطلوب وتكتب رقم إيصال البنك اللى هو تحت عاليمين ومكتوب قبله رقم الحركة ......

37- Payment Receipt Date * مطلوب وتكتب تاريخ إيصال البنك.............

38- Payment Receipt Amount
مطلوب وتكتب دفعت كام ......

وآخر حاجة هتلاقي كلمة إرسال تضغط عليها ... والموقع هيبعت لك رسالة مكتوب فيها تم تسجيل الرد ...... يبقى انت خلاص قدمت ......

# لو حاسس انك غلطت فى أى بيانات ادخل عاللينك اللى بعتوه لك تانى وسجل بياناتك من جديد مفيش مشاكل .......
منقول عن د.أيمن العوضي

جروب أطباء الزمالات العربية
 



قد يهمك ايضاً !

أعلى