كل ما تود معرفته عن المعادلة البريطانية الجديدة UKMLA بديل الـ PLAB

MaHmOuD MyStErO

Administrator
طاقم الإدارة
Team Member
بداية من عام 2022 ان شاء الله، اى طبيب حابب يشتغل فى المملكة المتحدة هيبقى لازم يمتحن امتحانات دولية جديدة اسمها UK Medical Licensing Assessment (UKMLA)

طبعا المتعارف عليه فى الوقت الحالى ان اى طبيب عايز يسافر يشتغل فى انجلترا لازم و لابد من المعادلة البريطانية PLAB اللى بعد اجتيازها بتاخد تصريح مزاولة المهنة فى المملكة المتحدة و تقدر تمارس مهنة الطب هناك.

لكن مع بداية عام 2022 الكلام دة هيتغير و هيتم استبدال الـ PLAB بالمعادلة البريطانية الجديدة UKMLA ، طيب ليه هيتغير !!؟
المجلس الطبى العام فى انجلترا اللى هو الـ GMC بيقول على حد كلامهم ان النظام الجديد دة هيتيح تقييم اعلى للأطباء و هيحسن من مستوى الخدمات الطبية ، وكمان عايزينه يكون برنامج Post-Graduate تعليمى تدريبى ،، و مش سبوبة جديدة ولا حاجة :D:D

marcelo-leal-664865-unsplash.jpg


طيب نتكلم بأة اكتر عن اللى نعرفه حاليا عن النظام الجديد UKMLA، و هحاول طريقة العرض تكون على شكل سؤال و جواب علشان تكون اوضح....

وطبعاً اول و اهم سؤال هيجى فى دماغك هو !!
س: ينفع ابدأ اذاكر معادلة بريطانية PLAB من دلوقتى عادى و امتحن حتى لو انا مقدرتش اخلص قبل 2022!؟؟
ج:
طبعا ينفع، طالما انك قدمت قبل خريف 2022 ولو حتى بيوم ... و دة التاريخ اللى هيبدأ فيه تطبيق امتحانات المعادلة البريطانية الجديدة UKMLA واى تقديم بعدها هيكون ع النظام الجديد.
The MLA will replace PLAB in 2022.

س: انا دلوقتى خلاص مسجل و معايا تصريح وشغال فى انجلترا، هل هيكون مطلوب منى امتحانات MLA !؟؟
ج: لا، طالما مسجل فى GMC انت مش محتاج اى حاجة اضافية ان شاء الله.

س: ايه نظام التقييم و الامتحانات فى UKMLA !؟؟
ج: فى النظام دة هيتم تقييمك من خلال مرحلتين، المرحلة الأولى و هى امتحان النظرى و الـ MCQ و اسمه امتحان AKT ،، و دة هيكون امتحان دولى موحد على مستوى العالم فى مراكز بروميترك معتمدة على مستوى العالم و الامتحان طبعا هيكون على الكمبيوتر ..
المرحلة التانية و هى امتحان العملى بنظام الـ OSCE ، و الامتحان اسمه ( CPSA )... لكن هما بيتكلموا عن المرحلة دى انها تبدأ من اول التدريب العملى و تنتهى بالامتحان.. و للأسف مفيش اى تفاصيل اضافية حاليا .

س: هل هيكون فيه اى تغيير فى الرسوم!؟؟
ج: طبعاً تم الاعلان عن ان الرسوم هيتم اعادة النظر فيها و مراعاة بعض الأمور زى الدولة و ظروف السفر و غيره. و ان الرسوم هتكون خاصة فقط بدخول الامتحانات و البرنامج التدريبى.

س: هل هكون مضطر انى اسافر امتحن برا مصر!؟؟
ج: لحد دلوقتى تم الاعلان ان امتحان الجزء الآول AKT هيكون فى مراكز بروميترك معتمدة حول العالم و من ضمنها مصر .. انما امتحانات العملى حتى الان الامور لم تضح لانها هتكون قائمة اصلا على نظام تدريبى فى المستشفيات و بعد كدة الامتحان.

دى كل المعلومات المتاحة اللى نعرفها فى الوقت الحالى ، وان شاء الله مستقبلاً الامور تتضح اكتر
و الهدف من التوبيك فى الوقت الحالى هو انك تاخد قرارك بدرى ، و لو بدأت فـ حاجة كمل فيها و لو بتفكر تبدأ حاول متتأخرش علشان تقدر تستفاد من تجارب اللى قبلك..


بالتوفيق
 



التعديل الأخير:

قد يهمك ايضاً !

MaHmOuD MyStErO

Administrator
طاقم الإدارة
Team Member
جزاك الله حيرا
و حزاكم مثله

جميل جدا .. الف شكر للمعلومات القيمة .. و مبروك الشكل الجديد للموقع :)
الشكر لله ، ربنا يبارك فـ حضرتك
حبينا نراعى انه يكون بسيط و هادى و اسرع فـ التحميل و خصوصا ع الموبايلات
شكرا ع الدعم المستمر ..
 

سحر سالم

New member
هو فعلا رائع ... وموقع ممتاز و مفيد و احب اتابعه باستمرار .. ان شاء الله بكل التوفيق و النجاح و في ميزان حسناتكم ان شاء الله
 
أعلى