Welcome!

By registering with us, you'll be able to discuss, share and private message with other members of our community.

SignUp Now!

كل ما تحتاج معرفته عن السفر و العمل كطبيب حكومى فى الإمارات 2023

السلام عليكم ،
اكيد طبعاً مفيش اكتر من المعلومات و الداتا المتوفرة عن الشهادات و المعادلات الأجنبية للدول الأجنبية و الأوروبية زى امريكا ( USMLE ) و انجلترا ( MRCP,PLAB ) و دول تانية زى استراليا و كندا ...

لكن المرة دى كلامى هيكون على حاجة جديدة ، محدش اتكلم فيها كتير ...
كلامى هيكون عن السفر و العمل كطبيب فى حكومة الإمارات العربية المتحدة ( يعنى مش شغل خاص ، لا انا هاتكلم فـ الموضوع دة انك هتكون موظف حكومى بمرتب و حقوق كاملة )!! :unsure:

مش هاتكلم ع الإمارات كتير حاليا و هكتفى بالقول انها من اغنى دول العالم و اكثر الاقتصادات نمواً ... ومعلومة كمان لازم تكون عارفها ( انها بتتكون من 7 امارات " ولايات " ) لازم تبقى عارف المعلومة دى لان كل ولاية و ليها قوانينها و العمل فيها مختلف و دة هوضحة فـ كلامى باذن الله .



خلينا طيب نتكلم عن ليه السفر و العمل ( كطبيب حكومى ) فى الإمارات وايه المميزات !؟

  • رقم واحد ان الامارات دولة عربية ،،الإسلام هو الدين الرسمي واللغة العربية هي اللغة الرسمية. يعنى مش هتلاقى اى صعوبة فى العيشة و التأقلم هناك باذن الله.
  • زى ما قلت قبل كدة ان الإمارات دولة غنية جداً و مستوى الدخل هناك مرتفع و دولة محترمة بتحترم الفرد و بتحافظ على حقوقك
  • مرتبات الأطباء هناك للعمل فى المستشفيات الحكومية مرتفعة جداً وممكن تبدأ من 17 الف درهم اماراتى فى الشهر لطبيب ممارس عام حديث التخرج. و تقدر تشوف متوسط رواتب الأطباء فى الامارات العربية المتحدة. و الإمارات تعتبر من أعلى 20 دولة فى رواتب الأطباء.
  • و مع مستوى الدخل المرتفع للأطباء هناك الضرايب و النفقات قليلة و مش كتير .
  • و نتيجة للتطور الطبى المستمر و الاقتصادى فى الامارات اصبح هناك فرص عمل محترمة جدا ومتوفرة.
  • أما بالنسبة للإمتحانات للحصول على ترخيص العمل:
    • فاول حاجة هى ان رسوم دخول الامتحانات مش كتير مقارنة بشهادات اجنبية تانية.
    • كمان الامتحانات مش بتحتاج سفر للإمارات و ممكن تمتحن فى مراكز بروميتريك معتمدة فى دولتك ( و من ضمنها مصر ).
    • الإمتحانات سهلة و مضمون تنجح فيها باذن الله ( بناءاً على خبرات البعض ).
    • حضرتك مش محتاج اى شهادات لغة نهائياً الحمد لله .

، لكن للأسف مفيش حاجة كاملة ( و الكمال لله وحده ).. فيه بعض الحاجات لازم تكون عارفها:

  • مش هينفع تبدأ اى امتحانات او تسافر قبل سنتين خبرة.
  • تكاليف المعيشة فى الامارات مرتفعة نسيباً و بتختلف من امارة للتانية لكن طبعاً على حسب مرتبك و مكانك الوظيفى, و ممكن تاخد فكرة عامة عن تكاليف المعيشة فى الإمارات العربية المتحدة 2018 وتبدأ تحسبها.
  • انت هناك هتسافر للعمل الحكومى يعنى مش عمل خاص و اى شغل برايفت هناك محتاج موافقات و تصاريح اضافية مش زى عندنا ..!!
طيب حضرتك علشان تشتغل كطبيب فى مؤسسات حكومية فى الامارات فانت هتكون محتاج ترخيص مزاولة المهنة فى الامارات..
وفـ الامارات التراخيص بتختلف على حسب الامارة و المكان اللى هتشتغل فيه و عندك ( HAAD, DHA, DHCC, and MOH )

طيب نفهم الموضوع اكتر:
DHA: “Dubai Health Authority” : ترخيص مزاولة المهنة فى دبى فقط بعد النجاح فى الامتحانات.
DOH: “Department of Healthترخيص مزاولة المهنة للعمل فى العاصمة ( أبو ظبى ) فقط..
MOH : و دة للحصول على ترخيص مزاولة المهنة فى باقى الإمارات ( الشارقة، عجمان، ام القيوين، الفجيرة، راس الخيمة ).
DHCC : و دة ترخيص مزاولة المهنة للعمل كطبيب فى اكبر مدينة طبية عالمية و الموجودة فى قلب دبى
هارجع اتكلم عن كل شهادة منهم بالتفصيل ، و نظام الامتحانات.



الشروط الأساسية المطلوبة للعمل كطبيب فى الإمارات

  • طبيب متخرج من أحد الجامعات المعترف بها عالميا. ( يعنى معاك شهادة تخرج )
  • قضاء فترة الإمتياز ( 12 شهر ) كاملة يعنى معاك شهادة الإمتياز .
  • لازم لازم سنتين خبرة بعد فترةالإمتياز.
طيب هل فيه استثناءات معينة تعفينى من دخول الامتحانات !؟
ايوة لو انت معاك USMLE او PLAB فانت مش محتاج تدخل الامتحانات دى هناك ..و فـ اقرب وقت ان شاء الله هاتكلم بشكل مفصل عن الإستثناءات كاملة.



الشهادات المختلفة و نظام الإمتحانات



DOH-Department of Health
542
هيئة الصحة فى ابو ظبى خلينا نشبها و انا اسف فـ الشبة يعنى :cautious: بس علشان نقرب المسافات حاجة ( زى مديرية الصحة عندنا )..
ودورها انها تحافظ على اعلى مستوى للخدمات الصحية و الطبية فى الإمارة

امتحانات DOH
تقدر تعرف كل حاجة عن امتحان DOH من اللينك دة


امتحان DOH للعمل كطبيب فى ابو ظبي


و ليك 3 محاولات تدخل فيها الإمتحانات دى بعدها مش هينفع باى حال من الاحوال تدخلها تانى.
رسوم الامتحانات و الحصول على ترخيص مزاولة المهنة: اجمالى التكلفة حوالة 2550 درهم اماراتى.





DHA-Dubai Health Authority
544
علشان تشتغل كطبيب فى مؤسسات حكومية فى دبى لازم تدخل بعض الامتحانات التقيمية و تنجح فيها علشان تاخد ترخيص مزالة المهنة DHA
امتحانات DHA بتكون كالاتى:
545

و برده ليك 3 مرات تدخل فيهم الامتحانات والا مش هتقدر تاخد الشهادة
رسوم امتحانات DHA بتبدأ بـ 3020 درهم اماراتى للتسجيل ، وبرده باقى الرسوم بتختلف على حسب التخصص و الدرجة وتقدر تطلع على كامل الرسوم من اللينك دة




DHCC-Dubai Health Care City
546
و ده ترخيص مستقل للعمل داخل مدينة دبى الطبية فقط .. و نظام الامتحانات كالاتى:
547
تكلفة الامتحانات تبدأ من 240$ ، و لو عايز تعرف معلومات اكتر عن الشهادة هتلاقيها ع اللينك دة | Dubai Healthcare City Authority - Regulation



MOH-Ministry of Health
548
شهادة للحصول على ترخيص مزاولة المهنة للعمل فى باقى الإمارات ( الشارقة، عجمان، ام القيوين، الفجيرة، راس الخيمة ).
والامتحانات بتكون عبارة عن
549
تكلفة الامتحانات تبدأ من 100 درهم اماراتى فقط للتسجيل ...


التحضير و مصادر المذاكرة للامتحانات



دى كانت معلومات سريعة عن العمل كطبيب فى المؤسسات الحكومية فى الإمارات ... يمكن تكون فرصة لحد انه يسافر و يعيش مستقبل أفضل باذن اللهو ان شاء الله قريب جداً هيكون فيه تفاصيل أكتر عن الامتحانات و فرص العمل المتاحة ...
لو عندك اى معلومات اضافية او عندك سؤال سيبه فـ كومنت

بالتوفيق
 

المرفقات

  • HAAD exams.jpg
    HAAD exams.jpg
    52 KB · المشاهدات: 28,232
  • work in dubai.png
    work in dubai.png
    140.6 KB · المشاهدات: 40,622
التعديل الأخير:
طبيب مقيم تخدير ، و مؤسس موقع EgyMD.com
View all 13 featured items
لو سمحت يا دكتور
انا اشتغلت سنه ونص وبعدين اخدت اجازه تفرغ بمرتب بقالي 6 شهور
عند حضرتك فكره اجازه التفرغ بمرتب تتحسب من الخبره ولا لا
والامتحانات دي لازم للشغل الحكومي فقط ، يعني ممكن اشتغل خاص من غيرها
ومعلش يا دكتور سؤال كمان
عن ال residency programs
في حاجه غير بتاع ال HAAD و ال DHA
لاني قدمت فيهم واترفضت
واسفه على الاطاله
 
* ما هي صلاحية مدة الترخيص لمزاولة المهنة في الامارات ومتى يتم تجديدها
* أنا عندي بيان درجات متوسط (خربان) هل من الممكن أن يقبلوني للعمل في الامارات، أو لا أضيع وقتي أصلا. شكرا

اول ما بتمتحن و تنجح بيوصلك eligibility letter علشان تقدر تطلع فيزا و تسافر مدة صلاحيته سنة تدور فيها على شغل لو ملقتش بيتجدد سنة تانية
اول ما تلاقى شغل هناك بيطلعلك الترخيص و ملوش مدة معينة
الموضوع مش معتمد على التقدير و الدرجات اكتر منه نجاح فى الامتحانات ...
بالتوفيق
 
لو سمحت يا دكتور
انا اشتغلت سنه ونص وبعدين اخدت اجازه تفرغ بمرتب بقالي 6 شهور
عند حضرتك فكره اجازه التفرغ بمرتب تتحسب من الخبره ولا لا
والامتحانات دي لازم للشغل الحكومي فقط ، يعني ممكن اشتغل خاص من غيرها
ومعلش يا دكتور سؤال كمان
عن ال residency programs
في حاجه غير بتاع ال HAAD و ال DHA
لاني قدمت فيهم واترفضت
واسفه على الاطاله

اجازة التفرغ بتتحسب من سنين النيابة وبالتالى من سنين الخبرة
الامتحانات للحصول على ترخيص مزاولة المهنة بالامارات
و اول ما تنجحى ليكى سنة كاملة تدورى على شغل سواء حكومى او خاص لكن الافضل هناك الحكومى مش الخاص

DHA
: “Dubai Health Authority” : ترخيص مزاولة المهنة فى دبى فقط بعد النجاح فى الامتحانات.
HAAD: “Health Authority of Abu-Dhabi” ترخيص مزاولة المهنة للعمل فى العاصمة ( أبو ظبى ) فقط..
MOH : و دة للحصول على ترخيص مزاولة المهنة فى باقى الإمارات ( الشارقة، عجمان، ام القيوين، الفجيرة، راس الخيمة ).
DHCC : و دة ترخيص مزاولة المهنة للعمل كطبيب فى اكبر مدينة طبية عالمية و الموجودة فى قلب دبى
 
عودة
أعلى