Welcome!

By registering with us, you'll be able to discuss, share and private message with other members of our community.

SignUp Now!

كل المعلومات اللى ممكن تحتاج تعرفها عن ال Electives

Electives
  • يعني إيه Elective ؟
ال Elective هي فترة تدريبية بتقضيها في مستشفى في أمريكا تقدر تقدم عليها طول منتا Undergraduate و متقدرش تقدم عليها بعد تخرجك

  • انهو أحسن elective ولا observership ؟
ال Elective عبارة عن Hands On Experience يعني بتقدر تتعامل مع العيانين و تاخد منهم هيستوري و تشارك في وضع خطة العلاج و لو كنت في تدريب جراحي تقدر تشارك في العمليات ك Assistant
ال Observership بتبقى Hands Off يعني متقدرش تتعامل مع العيانين بصفة مباشرة و بتكتفي بالمشاهدة
و بالتالي ال electives أتقل و أكثر قيمة لما تيجي تقدم عل Match إن شاء الله

  • أعرف الجامعات اللي بتوفر فرص زي دي منين ؟
تقريبا معظم الجامعات في أمريكا عندها Elective programs فا انت تقدر تدخل على موقع الجامعة اللي انت عايز تروحها و تدور إيه هي متطلباتهم و تكاليف التقديم و بداية التقديم بتبقى امتى
معظم الناس بيبتدوا التدوير في الأسامي الكبيرة زي Cleveland Clinic, Yale, Mayo Clinic, MGH, UMass, Johns Hopkins, UCLA, UAB, Baylor, MD Anderson
و كان في موقع زمان اسمه Electives in US medical schools و لكن الموقع دا حاليا مش Updated و لكن يظل مكان كويس للبداية باعتبار إن عليه معظم الأماكن اللي عندها Electives Program

و لو انت في جامعة طنطا و عين شمس أو القصر العيني فا عندك فرصة كويسة جدا من خلال GHLO اللي بيوفرلك فرص Electives كتير مش متاحة بدونه زي Baylor College of Medicine مثلا

  • إيه الأوراق المطلوبة ؟
  • إثباتات ببعض التطعيمات أو Titers:
Vaccinations.pdf

  • صور شخصية و صورة الباسبور
  • Letter of Good Standing:
Letter of Good Standing.jpg

  • بيان درجات Academic Transcript
  • TOEFL
  • بعض الأماكن مش بتطلب TOEFL و بتكتفي بورقة تثبت إنك درست الطب بالإنجليزي اسمها Waiver:
English Waiver.jpg

  • Malpractice Insurance و دا بيتعمل من هنا: Academic Group
و دا تكلفته بتختلف من تخصص لتخصص و من مستشفى لمستشفى بس أنا بتاعي مثلا اتكلف حوالي 270 دولار في الشهر و في مستشفيات زي UAB كانت موفرهولي ببلاش
  • Health Insurance و دا بيتعمل من Travco

  • التكلفة ؟
في نوعين من ال Fees اللي بتدفعهم للجامعات في Application fees و في Tuition Fees في جامعات بتطلب نوع واحد و في جامعات بتطلب الإتنين
التكلفة بتختلف من مستشفى لمستشفى و من ولاية لولاية يعني إنت لو في مدينة غالية زي Boston هتلاقي فلوس الإيجار غالية لو في مدينة رخيصة زي Birmingham هتلاقي التكلفة قلت كتير
بس بشكل عام لو افترضنا إنك في المتوسط هتسكن ب 500-600 دولار و ممكن تكون أقل بكتير لو انت مثلا معاك roommate
الأكل ب 150-200 دولار في الشهر
ولازم توازن أسكن في مكان رخيص و بعيد و أدفع مواصلات ولا مكان قريب و غالي شوية و مدفعش مواصلات

  • أدور على سكن إزاي ؟
في كذا حل:
  • ممكن تكلم حد تعرفه
  • تدور عل Vacation Rentals, Homes, Experiences & Places - Airbnb
  • تدور عل Craigslist بس لازم تاخد بالك عشان ميضحكش عليك
  • تدور عل Find a sublet | RotatingRoom.com
  • تبعت للمستشفى تسأل لو في أي Housing List يبعتهولك
  • لو أزمت خالص و دا مش هيحصل إن شاء الله دور على فندق عل booking.com تعد فيه يومين تلاتة و ابقى روح المسجد و اسأل على سكن و ألف مين يدلك - و على رأي واحد صاحبي محدش بيبات في الشارع :D

  • إزاي أستفيد إستفادة قصوى من ال Elective ؟
  • حاول متروحش elective ِشهر واحد لإنك على ما تفهم الدنيا و النظام و تكسر خوفك من الإنجليزي و التعامل مع ال patients هتلاقي الشهر دا خلص
  • دايما قبل كل elective ابعت للدكتور اللي هتشتغل معاه تسأله لو في أي Recommended Readings تقراها عشان تساعدك تفهم معظم الحالات اللي هتشوفها و الحاجات اللي هتتعرضلها .. الموضوع دا هيفرق معاك إنك تستفيد أكتر و هيعرف الدكتور إنك جي تستفيد مش جي تهرج
  • دايما تحاول تكون أول واحد واصل و أخر واحد يمشي عشان الدكاترة يعرفوا إنك Hardworker و يكتبولك LoR كويس
  • إشتغل في ال Weekends و خصوصا لو الدكتور اللي هتشتغل معاه بيبقى On Service لأسبوع واحد
  • دايما حاول تشارك في المناقشات و لو مش فاهم إسأل .. ممكن تلاقي معاك طلاب تانيين في ال Elective خدوا 20 elective قبل دا و ممكن يكون عندهم معلومات أكتر منك فا لازم تسأل و تتناقش و تبين إنك عايز تتعلم فعلا
  • لو انت مطلبتش شغل محدش هيديك شغل و محدش هيطلب منك حاجة هما كانوا شغالين من غيرك و هيكملوا بعد ما تمشي من غيرك يعني انت مجرد ضيف لمدة شهر لو الدكتور بتاعك إداك حالة واحدة أطلب أكتر .. روح إعرض المساعدة عل resident في ال Weekend
  • إقرأ عن الحالات بتاعتك و ناقش الدكتور فيها
  • روح دايما إسأل الدكتور عن رأيه في مستواك عشان تحسن من نفسك
  • حاول دايما تقابل ال Residency Program Director و ال Department Chair عشان تعرف هما بيدوروا على إيه في ال Applicant و تاخد رأيهم في ال CV بتاعتك .. دا بيبقى ميتنج تحت مسمى Career Counseling

  • **طيب لو قابلت ال Program Director إيه الأسئلة اللي أقدر أسألهاله ؟
    • How many applicants do you get every year ?
    • How many do you invite for an interview ?
    • On which bases do you pick people for interviews ?
    • How many do you take into your program ?
    • How do you define a good applicant ?
    • Do you have a specific cut-off USMLE scores ?
    • Do you think I should apply ASAP or do you recommend doing some research fellowship first ?
    • How competitive is getting a research fellowship position here ?
    • Does it make any difference whether the LoR is old or new ?
    • What type of Visa do you sponsor for the matched applicants ?
    • Whar are the things I should stress on in my CV and what should I dismiss ?
    • و حاول دايما تاخد نسخة مطبوعة من ال CV بتاعتك معاك عشان تاخد رأيه فيها

  • إزاي أطلب LoR ؟
  • لازم تشتغل كويس عشان يبقى ليك عين تطلب و عشان لما يتكتبلك LoR يبقى كويس
  • أطلب من كل الدكاترة اللي اشتغلت معاهم فترة كافية انت معندكش حاجة تخسرها لكن متروحش لدكتور اشتغلت معاه يومين مثلا و تطلب
  • هتقابل دكاترة سخافا كتير لو طلبت منه كذا مرة و معبركش بلاش تطلب تاني لأنه لما هيكتبهولك هيكون عشان يخلص من زنك و هيبقى LoR وحش
  • في فرق بين الزن و التذكرة بمعنى إنك طلبت من دكتور LoR و هوقالك إنه مبسوط إنه يكتبلك و إنه سعيد بشغلك .. الدكتور دا ممكن يعد أسبوعين مكتبلكش حاجة .. هو مش مطنش .. هو نسي من كتر الشغل .. ابعت إيميل لطيف تقول إنك عارف إنه أكيد مشغول و انت بتفكره و تعرض عليه مساعدة لو هو محتاج
  • دايما إدي ال CV بتاعتك للدكتور لما يوافق إنه يكتبلك حتى لو مطلبهاش عشان ممكن يشوف فيها حاجة مميزة و يكتبلك LoR أقوى
  • إعمل ERAS Account وخلي الدكتور يحطلك الليتر عليه و حاول تخليه Waived مش Non-Waived

  • فرص القبول ؟
كبيرة لو معاك كل ال requirement,العقبة الكبرى دايما بتكون فى Step 1 و الـ TOEFL


لو فيه اى اسئله تقدرو تسالونا واحنا هنجاوب بامر الله
 
ي دكتور جزاااااااك الله خير على المعلومات وفي ميزان حسناتك ي رب
وعايز اعرف اذا حمد بتوفر فرصة elective او hand out experiences ??????? , واذا ممكن اعمل فيها الانتيرنشيب ؟؟؟؟؟؟؟ وايه هي المطلوبات
 
قاصد اعرف هل
1)مؤسسة حمد بقطر فيها فرص elective يعني ممكن امشي ادرب فيها وانا طالب؟؟؟؟
2) وبرضو ممكن اعمل الامتياز فيها ولا لا ؟؟؟
3)واذا ممكن ايه هي المطلوبات والشروط ؟؟؟
4)واخر حاجة ممكن اعمل فيها تدريب بعد التخرج (((Observership )))؟
ملحوظة::: انا طالب في 3 ومرتب على دفعتي
 
قاصد اعرف هل
1)مؤسسة حمد بقطر فيها فرص elective يعني ممكن امشي ادرب فيها وانا طالب؟؟؟؟
2) وبرضو ممكن اعمل الامتياز فيها ولا لا ؟؟؟
3)واذا ممكن ايه هي المطلوبات والشروط ؟؟؟
4)واخر حاجة ممكن اعمل فيها تدريب بعد التخرج (((Observership )))؟ ملحوظة::: انا طالب في 3
 
قاصد اعرف هل 1)مؤسسة حمد بقطر فيها فرص elective يعني ممكن امشي ادرب فيها وانا طالب؟؟؟؟ 2) وبرضو ممكن اعمل الامتياز فيها ولا لا ؟؟؟ 3)واذا ممكن ايه هي المطلوبات والشروط ؟؟؟ 4)واخر حاجة ممكن اعمل فيها تدريب بعد التخرج (((Observership )))؟ ملحوظة::: انا طالب في 3
 
عودة
أعلى