ما الجديد

اهلا بيك فى EGYMD FORUMS

فـ EgyMD هتلاقى كل اللى ممكن تحتاجه لدراستك وتميزك فى كلية الطب و كمان بعد تخرجك ... مستنى ايه !؟

عندك سؤال او طلب!؟

لو عندك اى سؤال او طلب تقدر تضيفه وهتلاقى المساعدة

جاوب و ساعد

ساعد فى الرد على الأسئلة و الإستفسارات و خليك خبير EgyMD

اتصل بنا

لو محتاج تتواصل مع فريق عمل EgyMD لاى استفسار او طلب او اقتراح

علاقة فيتامين د بسكري النوع الثاني Type 2 DM

Aser Aktham

New member
المشاركات
13
مستوى التفاعل
6
النقاط
3
Coins
69
Status
طبيب مقيم
الجامعة
الإسكندرية
السؤال اللي يمكن يكون شاغل تفكير ناس كتير هل لو الشخص اخد فيتامين د وهوا معنوش نقص فيه هيقيه من سكر النوع الثاني ؟؟
طبعا احنا هنا في مصر عندنا هوس بفيتامين د وعلاجاته وتحاليله كانه الحل السحري لكل مشاكلنا ...
المهم عملو دراسة سموها D2Trial وقبل بدء الدراسة قسمو العيانين الي :
1- عيان ماعندوش مشاكل في فيتامين د ودا بيبقي نسبة الفيتامين د فيه اكتر من 20
2-عيان عنده نقص شديد وبالنسبالهم الفيتامين اقل من 12
3- عيان عنده كمية كافية من الفيتامين من 12 ل 20

الارقام دي اتفقو عليها في الدراسة وهي مختلفة الي حد ما عن الارقام اللي متعارف عليها عندنا
المهم ادو لكل مريض فيهم 4000 الاف وحده يوميا من فيتامين د طول مدة الدراسة
والنتايج طلعت كالاتي :-
1- الشخص اللي عنده نسبة الفيتامين 20 او اقل منه بس اكتر من 12 بعد ما اخد الجرعة الوقئية من فيتامين د نسبة الاصابة بالسكري فيهم قلت ال 12% عن العادي بس طلع stastically non significant يعني ليس له قيمة احصائية كبيرة
2- الشخص اللي اقل من 12 لقو ان الفيتامين د قلل الاصابة بالسكري 62% ودي نسبة كبيرة ذات قيمة

الدراسة كانت علي 4000 شخص واتعرضت في اجتماع للجمعية الامريكية للسكر ADA 2019
وخلص مقدم الدراسة ان كان في دراسات مشابهة في اليابان والنرويج بنفس النتيجة وقال ان من الضروري تصليح الفيتامين د في اللي عندهم نقص فيه ودا بيكون وقاية من السكري النوع الثاني بدرجه كبيرة
وبالنسبة للاشخاص اللي عندهم النسبة كويسة او اقل من الطبيعي بسيط الفيتامين الوقائي ماطلعش له قيمة كبيرة في منع حدوث السكري النوع الثاني وانه في دراسات كثيرة هتتبع الدراسة دي لمناقشة الموضوع ...

:)DR. AMR OMAR
 
أعلى