شيء تاعبني نفسياََ جداََ ومأثر على دراستي بشكل كبير

Dr Q

New member
هحكيلكم مشكلتي زي ما بعتها بالضبط في رسالة لأستاذ مساعد عندي في الكلية لعله يساعدني أتخطى المرحلة اللي انا فيها، واتمنى اللي عنده نصيحة يقدمهالي ♥
الرسالة:
(الموضوع اللي كنت حابب احكيلك عنه هو خانقني بقاله فترة طويلة، ومأثر على نفسيتي جداََ هو التفكير في اللي بعد الكلية، ولما حضرتك فتحت الموضوع الراوند اللي فات بخصوص سوق العمل بعد الكلية ومعتمد على المهارات وكده، ده اللي حفزني اكلمك في الموضوع أنا في اول 3 سنين تقديري ضايع جداََ في الكلية، لأني مش مهتم أوي بموضوع المذاكرة والتقدير وكده، لدرجة اني عايد سنة ثانية على "هستولوجي" بس، لأني مش داخل الكلية حباََ فيها على قدر ما داخلها اني افرح أهلي، ومنكرش بردو اني كان نفسي فيها وبحبها المهم إن مجالي الأصلي في الكمبيوتر، بلاقي نفسي فيه، وكل المهارات سواء البريزنتيشن او الكميونيكيشن، كل السوفت سكيلز اللي حضرتك اتكلمت عليها آخر مرة أنا مهتم بيها جداََ واحيانا بنزل ترينر ليها كمان بس اللي بيخنقني جداََ هو اني بعد ما اتخرج وتقديري وترتيبي في الدفعة متأخر جدا عايز اعرف هل هيبقى لكل الكلام ده لازمة اصلاََ، ولا كده كده انا خارج الحسبان بسبب ان تقديري جيد مثلاََ او حاجة زي كده؟ ده اللي شاغل تفكيري دائما، اني مهما طورت من نفسي في اي حاجة، وانا كده كده محالفنيش التوفيق في الدراسة وطلعت بتقدير كويس، والسنة اللي قعدتها دي .. فكل اللي اهتميت بيه من مهارات ده ملوش لازمة .. فحبيت اسال حضرتك على كده).
 



قد يهمك ايضاً !

esraa khalid

New member
بص مبدايا كل ماهتفكر ف الماضي وتشغل نفسك بيه كل ماهتضيع وقت اكتر وتحطم نفسيتك اكتر ابتدي من جديد من رايي خلي هدفك ذاكر معادلة اميريكي اةلا لان الماتريال بتاعها قوية وهتخلي عندك اساس محترم ودكتور شاطر وامتحنها وربنا يوفقك وسافر بره اتعلم ف النيابة هتكون من احسن الدكاترة ومش هحتاج تقدير الكلية ف حاجه وهتكون احسن من ال بيجيب امتياز
 

MaHmOuD MyStErO

Administrator
طاقم الإدارة
Team Member
توكل علي الله و ركز ف دراستك حاليا ،،
اهتم اكتر بالسنين الدراسية المتبقية ليك و حاول تتميز فيها علي اد ما تقدر هتفرق معاك بعد كدة باذن الله،،،

بعد التخرج هتلاقي ادامك طرق كتير مفتوحة باذن الله
سواء ماجستير او زمالة
او حتي شهادات اجنبيه ف التخصص اللي انت هتختاره و تتميز فيه

و كمل شغلك ف موهبتك كمان و اهتم بيها لكن بلاش تاثر علي دراستك اوي وتكون جمب دراستك

بالتوفيق
 

Israa M Ali

Moderator
طاقم الإدارة
Team Member
السنوات الأخيرة مجموعها كبير
ركز فيهم وحقق أعلى سكور تقدر تحققه

وعموما بعد التخرج بتظهر طرق كتيرة جدا بنكون مش عارفينها وقت الدراسة

ماتفكرس بس ف اللي فات وتخليه يأثر عليك ف اللي جاي

والسنة اللي دبلرتها ماهياش آخر الدنيا يعني
اعرف حد شال سنة على اناتومي، السنه اللي بعدها جاب امتياز !

ربنا معاك
 

Israa M Ali

Moderator
طاقم الإدارة
Team Member
صح
توكل علي الله و ركز ف دراستك حاليا ،،
اهتم اكتر بالسنين الدراسية المتبقية ليك و حاول تتميز فيها علي اد ما تقدر هتفرق معاك بعد كدة باذن الله،،،

بعد التخرج هتلاقي ادامك طرق كتير مفتوحة باذن الله
سواء ماجستير او زمالة
او حتي شهادات اجنبيه ف التخصص اللي انت هتختاره و تتميز فيه

و كمل شغلك ف موهبتك كمان و اهتم بيها لكن بلاش تاثر علي دراستك اوي وتكون جمب دراستك

بالتوفيق
 
أعلى