زمالة بريطانية ام معادلة بريطانية!!؟ MRCP vs PLAB

MaHmOuD MyStErO

Administrator
طاقم الإدارة
Team Member
السلام عليكم ،

زى ما هو معروف للجميع ان فيه اكتر من طريق للسفر و العمل كطبيب فى بريطانيا، لكن اشهر الطرق بالنسبة لنا فى مصر هى زمالة بريطانية MRCP او معادلة بريطانية PLAB..

وقبل ما اتكلم عن الفرق بين MRCP و PLAB و ازاى تختار ما بينهم لازم تشوف الموضوعات دى، و اللى بتتكلم بشكل كامل و مفصل عن كل طريق منهم
المعادلة البريطانية (الشروط والمميزات،نظام وتكلفة الامتحانات)
معلومات سريعة عن الزمالة البريطانية

mrcp vs plab.png


طيب تعالوا نتكلم الاول و نشوف طريق المعادلة PLAB باختصار لحد ما تشتغل اخصائى..

حضرتك بعد اجتياز امتحانات المعادلة البريطانية و النجاح فى امتحان PLAB 2 اول خطوة بالنسبة لك هى التسجيل فى GMC اللى هو المجلس الطبى العام بانجلترا علشان يكون معاك ترخيص مزاولة مهنة..، لكن هل دة معناه انك خلاص تقدر تتخصص و تمارس المهنة!!؟
للأسف لا، لان حضرتك الاول لازم تقضى فترة تدريبية كافية قبل الحصول على وظيفة ثابتة الفترة دى بتتقسم لمرحلتين الاولى اسمها Non-Training Job و لازم على الأقل تقضى فيها 3 شهور و المرحلة التانية اسمها Core Training ...
و بعد ما تخلص فترة التدريب دى تبدأ تمشى فى طريق التخصص بتاعك اللى هيبدأ بـ MRCP !!! ايوة زى ما قرأت كدا..
شوف الصورة اللى جاية هتوضحلك اكتر

plab-vs-mrcp.jpg



طيب هاسيب PLAB شوية و هارجعلها تانى ...

وهاتكلم دلوقتى بشكل سريع و مختصر عن طريق الزمالة MRCP

زى ما هو معروف للجميع ان MRCP هى امتحانات التخصص فى انجلترا ، يعنى حضرتك قبل ما تفكر تاخد تخصص هناك و تمشى فيه لازم تمتحن امتحانات الزمالة البريطانية فى التخصص بتاعك و مجرد ما تنجح فيها باذن الله تقدر تسجل فى GMC و تاخد ترخيص مزاولة مهنة و تشتغل اخصائى بتخصصك الحمد لله .
شوف برده الصورة دى هتوضحلك اكتر

mrcp-vs-plab.jpg



طيب معنى الكلام دة ايه !!؟
معنى الكلام دة باختصار شديد انك علشان تكون اخصائى فى انجلترا و تشتغل بتخصصك هناك لازم و لابد MRCP حتى لو انت معاك PLAB !! ايوة زى ما بقولك كدا..
يعنى لو انت معاك PLAB هتقدر تسافر انجلترا و تشتغل هناك و كل حاجة لكن مش اخصائى، و اول ما تحب تتخصص لازم MRCP
انما لو معاك MRCP من البداية مش محتاج PLAB ان شاء الله .


كمان خلونا نتعمق فى المقارنة اكتر ما بين MRCP و PLAB

ونشوف الصورة اللى جاية و اللى بتتكلم عن الفرق بين الامتحانات بين الزمالة و المعادلة
من حيث عدد الامتحانات و فترة الدراسة و المذاكرة و كمان التكلفة

PLAB-vs-MPCP.png



لو الصورة اللى فوق دى حيرتك شوية،، الجدول اللى جاى دة هيوضحلك الدنيا اكتر

mrcp-vs-plab-2.jpg



طيب فـ كام سطر بأة كدا،، الخلاصة !! :unsure::unsure:

الزمالة البريطانية MRCP هتساعدك انك تتخصص بسرعة و تلاقى شغل بسرعة فى بريطانيا من غير فترة تدريب طويلة و لا امتحانات اضافية... لكن للأسف فـ نفس الوقت امتحاناتها اصعب و خصوصا امتحان الكلينكال PACES اللى ممكن يحتاج منك مجهود كبير جداً و محاولات متكررة للنجاح فيه و خصوصاً لو انت مقضتش اى فترة تدريب هناك.
علشان كدة ناس كتير بتفضل تبدأ بالـ PLAB بانها تبدأ تدخل فى الـ System هناك واحدة واحدة و يقضوا فترة تدريب كويسة تمكنهم من دخول امتحانات MRCP و النجاح فيها بكل سهولة باذن الله.

pyramid.jpg


فـ النهاية، اتمنى انى اكون قدرت افيد ولو بجزء بسيط و ان التوبيك دة يساعدك على اختيارك باذن الله
وياريت لو فيه اى معلومات اضافية او اسئلة او استفسارات تسيبها فـ كومنت

بالتوفيق ،
 



قد يهمك ايضاً !

MOHAMED_GAMAL

New member
هل فترات التدريب بعد plabمدفوهة الاجر...وهل فرص العمل متاحة بعدplab...ومعلش كم اجور الاطباء العام هناك وشكرا
مفيش عمل فى انجلترا بدون اجر حتى لو بمسمى تدريبى ... طبعا الاجر بيكون أقل من أجر الاخصائى و لكن مش بفارق كبير جداا
 

khaled sh

New member
معلش يادكاترة حد عنده فكرة عن المسميات دي في انجلترا ياريت يشرحهالنا ....والطبيب العام لو عايز يشتغل ...تحت اي مسمى هيشتغل وشكرا
Screenshot_2018-07-31-16-15-17.png
 
أعلى