Step1 رحلتي من جيد أطفال إلي ال ECFMG Certification ( Step1 )

Ahmed Elbayomy

Moderator
طاقم الإدارة
Team Member
الكلام دا عبارة عن إجتهاد شخصي مني أنا و صديقي حسان جمعة إيمانا مننا إن أي حد وصل لحاجة في السكة دي فا دا كان بفضل ربنا أولا و ثانيا بفضل ناس كيتر كانوا بيساعدوه على طول الطريق و اللي عمره ما كان هيوصل لحاجة من غير توفيق الله و وجود الناس دي جنبه .. في ناس منهم عمرنا ما قابلناهم و في ناس منهم عمرهم ما هيعرفوا إنهم ساعدونا بس بوست صغير منهم عل جروب من الجروبات ممكن يكون السبب في إنك توصل لحاجة عمرك ما كنت تتخيل إنك هتوصلها

و بسبب الناس دي إحنا حسينا بإننا مدينين بالنصيحة لكل واحد بيبتدي الطريق أو لسه في نصه أو لسه ميعرفش هو عايز يعمل إيه

شكرا للناس دي اللي يعرفوا إنهم ساعدونا و إللي معرفوش - ربنا يجازيكم عننا كل خير و يجعلكم ممن إختصهم الله بقضاء حوائج الناس و يجعله في ميزان حسناتكم

Disclaimer:
الكلام اللي هنا في منه حقائق و في منه أراء شخصية ليا أنا و حسان و إجتهاد مننا قد تقبل الخطأ و الصواب و مفيش أي حاجة هنا حقيقة مطلقة و هو عبارة عن إجابة لأغلب الأسئلة اللي اتسألناها في السنين اللي فاتت

البوست طويل فا ممكن تنط للحاجة اللي عايز تقرأ عنها
و دا لينك لو عايز تحتفظ بيها لبعد كده: رحلتي من جيد أطفال إلي ال ECFMG Certification


Our US Related Credentials
  • Hassaan Gomaa
    • USMLE Step 1 Score: 247
    • USMLE Step 2 Score: 240
    • USMLE Step 2 CS: Pass 1st Attempt
    • USMLE Step 3: Pass 1st Attempt - 218
    • 2 Months Clinical Electives - Psychiatry Department - Cleveland Clinic Ohio
  • Hassan Aboulnour
    • USMLE Step 1 Score: 232
    • USMLE Step 2 Score: 239
    • USMLE Step 2 CS: Pass 1st Attempt with 3/3 High Performance
    • 2 Months Clinical Electives at University of Alabama at Birmingham:
      • Hem/Onc - BMT Service - 1 month
      • Interventional Radiology - 1 month
    • 2 Months Clinical Electives at Cleveland Clinic, Ohio:
      • Neurology Acting Internship - 1 Month
      • Neurology Critical Care Acting Internship - 1 Month
    • 1st Author in Peer reviewed, Pubmed indexed publication at BMT Journal of Nature Publishing Group


يعني إيه USMLE ؟
الترجمة الحرفية للكلمة هو "امتحان الحصول على رخصة مزاولة الطب في االولايات المتحدة" و احنا بنسميه معادلة مجازا و هو نفس الإمتحان اللي طلبة الطب الأمريكان بيمتحنوه عشان يحصلوا على رخصة مزاولة المهنة
الإمتحان عبارة عن 3 Steps
  • Step 1 دا امتحان على ال Basic Sciences و اختصارا هي تقريبا المواد اللي امتحنتها في أول 3 سنين في الكلية
  • Step 2 و دا منقسم لإمتحانين هما Step 2 CS و Step 2 CK
  • Step 3 و هنتكلم عن أهم الحاجات في كل واحد تقريبا تحت
إيه هو ال ECFMG Certification ؟
طيب يعني إيه ECFMG هي ال "Educational Commision for Foreign Medical Graduates" و ال Foreign "International" Medical Graduates دول اللي هما إحنا اللي هما متخرجين من كليات الطب الغير أمريكية

ال ECFMG Certification بقى هو الشهادة اللي انت محتاجها للتقديم على النيابات في الولايات المتحدة
و بتحصل عليه بعد النجاح في Step 1, Step 2 CS & Step 2 CK
يعني مش محتاج تمتحن Step 3 للتقديم على النيابات

إيه اللي هيحصل في 2023 ؟
ال ECFMG في 2010 قررت إنك عشان تحصل على ال ECFMG Certification لازم تكون متخرج من كلية طب معترف فيها من قبل ال WFME اللي هو ال World Federation of Medical Education و اللي بيضمن تخرجك من كلية تتقارب مواصفاتها من المواصفات الموضوعة من قبل ال LCME على كليات الطب الأمريكية. و مفيش ولا كلية فى مصر LCME certified للأسف.
و دا لينك للموضوع :ECFMG | Initiatives Accreditation Requirement


Step 1
  • إيه أحسن وقت نبتدي فيه Step 1 و نمتحن ؟
في وقتين معظم الناس بيبتدوا فيهم مذاكرة USMLE اللي هما بعد سنة خامسة أو في إمتياز, تمام ؟ طيب خلونا نتناقش في ميزة كل واحدة

بعد سنة خامسة: معظم الناس اللي بيتجهوا للطريق دا هو الشخص اللي قرر إنه بأي حال من الأحوال إنه مش هيعد في مصر حتى لوكان ليه نيابة جامعة و بالتالي بيبتدي يذاكر في سنة 6
النوع التاني اللي هو زيي كده ليا جيش و كنت حابب أخلي سنة الإمتياز للسفر لل Electives و ال CS و ال CK بحيث إني أكون Certified قبل مدخل الجيش
لو امتحنت و انت في سنة 6 هتبقى فضيت سنة الإمتياز للحاجات اللي أنا ذكرتها فوق
بعد سنة ستة: طيب منا ممكن أركز في سنة 6 و أضمنها و أبتدي في إمتياز و بعد مخلص أأجل إمتياز زي منا عايز .. طبعا دا إختيار لطيف لكن لو ليك جيش هتلاقي نفسك هتتعطل فترة على حسب انت نص أول ولا تاني
و في نقطة كمان إن في جامعات كتير بتبتدي التقديم لل Electives في الفترة ما بين أبريل و مايو و يونيو
فا فرضا لو انت ابتديت امتياز في شهر مارس 2017 و امتحنت بعدها ب 9 شهور مثلا و دخلت الإمتحان في أكتوبر أو نوفمبر هتلاقي إنك في جامعات مضطر تستنيها تفتح باب التقديم الجديد في شهر إبريل و مايو و يونيو2018 و لو انت ليك جيش هتبقى عطلت نفسك فترة لا بأس بها
و قدام هنتكلم إمتى الجامعات بتفتح باب التقديم لل Electives و لو انت مثلا مش عايز تروح أمريكا و عايز تقدم في مؤسسة حمد في قطر

  • نتيجة الإمتحان بتبان بعد أد إيه ؟
من 3 ل 4 أسابيع بعد امتحانك

  • طيب مينفعش ابتدي أحضر قبل سنة 5؟
أحب أأكد إن كل المذكور هنا هو وجهة نظر شخصية و من خبرات ناس كتير عرفناهم على طول الطريق
على المستوى الشخصي أنا شايف إن ال USMLE محتاجة تكون في فترة Condensed على بعضها لإن محتاج تلم مجموعة من المعلومات في فترة وجيزة عشان الموضوع ميوسعش منك و كل ما طالت فترة المذاكرة كل ما زهقت
فا فرضا لو قررت تقرأ Kaplan و انت في سنة 5 و بعدين جيت قطعت لامتحانات سنة 5 لمدة 3 أو 4 شهور مثلا هتكتشف إنك محتاج تعيد على الكلام دا تاني
طبعا في ناس امتحنوا قبل سنة 5 و جابوا سكورات كبيرة

  • طيب إيه اللي ممكن أعمله لو أنا مش هذاكر دلوقتي ؟
هنتكلم تحت عن إزاي تحسن ال CV بتاعتك

  • امتحن Step 1 ولا Step 2 الأول ؟
  • دا على حسب انت عايز إيه لو انت عايز تروح أمريكا و يتفتح قدامك فرص electives أكثر يبقى تبتدي ب 1 Step مما لا يدع مجالا للشك
  • طيب لو عايز أروح حمد ؟ خلاص ابتدي ب Step 2
  • طيب لو أنا مذبذب أو مش مقرر ؟ ابتدي بStep 1 لإنها هتساعدك كتير في Step 2 و هتخلي فترة مذاكرتها أقصر
  • المفروض أكون ECFMG Certified امتى ؟
لو ليك جيش: يبقى قبل الجيش عشان لما تخلص تبقى مستعد تسافر و ميبقاش وراك حاجة فاضلة تمتحنها
لو ليك نيابة جامعة يبقى على الأقل تخلص Step 1 قبل النيابة عشان مش هتلاقي وقت في النيابة


تابع الجزء التانى:رحلتي من جيد أطفال إلي ال ECFMG Certification ( 2 )
تابع الجزء الثالث: رحلتي من جيد أطفال إلي ال ECFMG Certification(3)
 



التعديل الأخير بواسطة المشرف:

قد يهمك ايضاً !

dr.sooma

New member
شكرا يا دكتور
لكن انت ذكرت

إيه اللي هيحصل في 2023 ؟
ال ECFMG في 2010 قررت إنك عشان تحصل على ال ECFMG Certification لازم تكون متخرج من كلية طب معترف فيها من قبل ال WFME اللي هو ال World Federation of Medical Education و اللي بيضمن تخرجك من كلية تتقارب مواصفاتها من المواصفات الموضوعة من قبل ال LCME على كليات الطب الأمريكية. و مفيش ولا كلية فى مصر LCME certified للأسف.
يعنى كدا المعادلة الامريكية ملهاش لازمة و لا ايه مش فاهمة النقطة دى كويس ممكن توضحها؟
 

amr-elmorsy

New member
معلش انت كنت قلت هتتكلم عن ازاي تحسن ال cv لو انت اقل من سنة 5 فهل دا خلص ولا لسة
 

Battle Royale

New member
شكرا يا دكتور
لكن انت ذكرت



يعنى كدا المعادلة الامريكية ملهاش لازمة و لا ايه مش فاهمة النقطة دى كويس ممكن توضحها؟
مش هينفع تمتحنها أساساً لو عدى عليك التاريخ المذكور
الكلام اللي لسه مفيهوش توضيح قاطع هو : لو واحد امتحن جزء قبل 2023 و لسه باقي الأجزاء ، هل هينفع يكمل و لا لأ ؟!!
 
أعلى