Welcome!

By registering with us, you'll be able to discuss, share and private message with other members of our community.

SignUp Now!

Ahmed Elbayomy

Moderator
Staff member
نكمل باقى الكلام اللى موجود هنا للى حابب يتابع يبص عليه :):):)
رحلتي من جيد أطفال إلي ال ECFMG Certification ( Step1 )


Step 2 CK
  • محتاجة وقت أد إيه ؟
من 5 ل 7 شهور

  • أذاكرها منين؟
أختلفت الأقاويل حوالين حاجات كتير الا حاجتين ال UWorld و ال CMS "Clinical Mastery Series" و أنا عن نفسي حبيت MTB2 in Internal medicine و MTB3 فى الباقى. و طبعا ال UWorld algorithms.
حاول تاخذها بعد Step 1 هتريحك فى المذاكرة جامد و الامتحان فيه كتير من Step 1. و بتاخذ وقت اقل من 3 ل 4 شهور مذاكرة.
ال CK غدارة و مهم حفظ ال guidelines كويس و ال score بتاعها مهم يكون around step 1 score or higher مش اقل منه.

Step 2 CS
  • عبارة عن إيه الإمتحان ؟
إحنا مش هنتكلم عن طرق المذاكرة هنتكلم بشكل أساسي عن شكل الإمتحان
هو إمتحان على Standardized Patients زي إمتحان العملي إلى حد ما بتاع الكلية بس الفرق إنك مش هتكرمش للعيان 50 جنيه بعد ميديك الشيت :D
هما 12 عيان في الحقيقة هما معندهمش المرض اللي بيحكولك عنه و لكنهم Highly Trained إنهم يشرحولك عندهم إيه و يقيموك على هذا الأساس
كل عيان مسموحلك معاه ب 15 دقيقة و بعدها 10 دقايق بتطلع برة تكتب العيان دا قالك إيه في ال History و نتايج ال Physical Exam و ال Differential Diagnosis اللي انت مشتبه فيه و Investigation اللي هتطلبها
و دا لينك مفصل لأجزاء الإمتحان و كيفية تقييمك: https://goo.gl/3wxOxV

  • إيه أماكن الإمتحان ؟
عندك في أمريكا 5 ولايات فيهم الإمتحان و هما
Houston, Texas
Chicago, Illionis
Philadelphia, Pennsylvania
Los Angeles, Callifornia
Atlanta, Georgia

  • إيه أحسن سنتر و أختار على أساس إيه ؟
معظم ال IMGs بيفضلوا يمتحنوا في Houston يليها Chicago
طيب إشمعنى Houston ؟ لإن في IMGs كتير جدا بيمتحنوا هناك و هتلاقي ناس كتير تتدرب معاهم
طيب و إيه المشكلة لو امتحنت في مكان تاني غير Houston و Chicago ؟ ولا أي حاجة و هتنجح عادي جدا إن شاء الله و ناس كتير كل سنة بيمتحنوا في كل الأماكن دي و بينجحوا من أول مرة

  • طيب هعد فين و أنا هناك ؟
أنا امتحنت في Houston و دا المكان اللي معظم الناس بيعدوا فيه فا هتلاقي ناس كتير جدا من جنسيات مختلفة تتمرن معاهم و كمان قريب جدا من مكان الإمتحان
Baymont Inn & Suites Houston
Address: 502 North Sam Houston Pkwy E, Houston, TX 77060, USA
Phone:+1 281-820-2101
  • و أنا امتحنت فى Chicago و حجزت airbnb و هو بيبقى أرخص من أى فندق و تقدر تحجز من airbnb.com و بتختار المكان اللى عاوز تقعد فيه من على الخريطة. باختصار airbnb للشقق زى uber للتاكسي.
    و برضه متفرقش هتمتحن فين. هتنجح فى أى حته إن شاء الله.


  • أحجز قبلها بأد إيه ؟
أسرع مكان بيتحجز هو Houston يليها Chicago و عشان كده محتاج تحجز قبل امتحانك بحوالي 3 ل 4 شهور عشان تلحق مكان
الأماكن التانية قبل إمتحاني بأسبوع كان لسه فيهم أماكن فاضية
و دي لينك مقال من ال ECFMG عن إمتى تبتدي تحجز: ECFMG News -

  • محتاجة وقت أد إيه ؟
ال CS إمتحان بسيط و إجتيازه من أول مرة سهل إن شاء الله بس متستهونش بيه لإن لا قدر الله السقوط فيه بيبقى نقطة سودا في تاريخك
وقت التحضير لا يتجاوز شهر واحد إن شاء الله

  • لو الإنجليزي بتاعي وحش امتحن ولا لا ؟
إن الإنجليزي بتاعك وحش عمره ميكون مانع إنك تدخل الإمتحان طول ما الناس بتفهمك و انت بتفهمهم
لو انت شايف إنه وحش أوي حاول تمتحن في Houston او Chicago لإن كتر ال IMGs اللي بيمتحنوا هناك خلا ال Patients إلى حد ما متعودين عل Thick Accents
حاول دايما تخلي في Elective قبل ما تمتحن لسببين : إنك تحسن الإنجليزي بتاعك و إنك تكسر حاجز الخوف من التعامل مع مريض بيتكلم لغة تانية

Step 3
  • إيه ميزة اني امتحن Step 3 قبل النيابة ؟
فيه ميزتين, الأولى أنك تقدر لو جالك Match أنك تقدم على H1b VISA لو ال program اللى جالك فيه match يقدر يعمل لك sponsor ليها. و دى فيزا هجرة مش زى ال J فيزا عمل. و من بعد 4 سنين بالكتير من ال H1b بتاخد ال green card.
الميزة التانية أنها بتزود فرصك فى الmatch بتبقى شالت من عليك و على ال program وجع الدماغ بتاع المذاكرة فى ال residency.

  • ايه آخر وقت اقدر امتحن فيه عشان تتحسبلي في ال match ؟
أخر وقت تقدر تمتحنها فيه فى شهر 8 عشان تبقى فى ال CV بتاعك من أول ال match
و أخر وقت تقدر تمتحنها فيه عشان تاخد ال H1b فيزا هو أخر شهر 12.
الامتحان بتاعها عبارة عن ايه؟
United States Medical Licensing Examination | Step 3 خش أقرأ هنا.
ملحوظة : أول يوم بيكون 15% منه Biostatistics. مش مطلوب منك فى الامتحان غير أنك تنجح. النجاح من 196
فى تانى يوم امتحان : ال break بيكفى و زيادة لأن ال CCS cases دايما بتخلص فى 10 دقائق بالكتير و بيتبقى 10 دقائق بيتضافوا لوقت ال break. فمتقلقش من ال break خالص.

  • أذاكر منين؟
ال USMLE world كافى و شافى فى ال MCQs
+ Neeraj notes for CCS مع ال USMLE WORLD فى ال CCS.
المذاكرة كلها مبتاخدش أكتر من 3 أسابيع بمرقعة. و ال CCS سهل جدا الاعتماد فيه على ال USMLE World و مش محتاج study partner.
يفضل أنك تاخذها بفترة أقل من 6 شهور بعد ال CK لأنها شبهها جدا.

## متنساش تعمل Follow من اللينك دة | Follow USMLE
علشان تفضل متابع معانا :)
 
التعديل الأخير بواسطة المشرف:
طيب سؤال تاني معلش انا قررت ع طريق المعادلة باذن الله
بس الفكرة انا قدامي kaplan وال fa
بس كتب كابلان اموضوع طوييييل وكانك بتدرس من الاول وجديد انما fa الموضوع كويس جدًا
ف ايه الاصح وخاصة انا بذاكر solo
حضرتك تنصحني بايه
 
عودة
أعلى