خطوات اخر الامتياز و التسجيل فى نقابة الأطباء

MaHmOuD MyStErO

Administrator
طاقم الإدارة
Team Member
27 ديسمبر 2017
1,165
1,886
113
egymd.com
Status
طبيب مقيم
الجامعة
المنصورة
Specialty
Anaesthesiology
فى الفترة دى هتبدأ تجهز حالك و أوراقك لإخلاء طرفك من الكلية تماماً و تستعد لفترة التكليف و بداية عملك كطبيب ممارس عام.

فيه بعض الأوراق المهمة لازم تكون مجهزها قبل اخلائك هتحتاجها بعد كدا للتسجيل فى النقابة و وزارة الصحة للحصول على ترخيص مزاولة المهنة، وهى:
  • شهادات التخرج و شهادات بيان الدرجات.
  • 2 شهادة امتياز " هتستلموا 5 شهادات .. والبنات هيستلموا 4 " .... كل واحدة بيبقى مكتوب عليها هي موجهة لفين .. المطلوب هنا .. الموجهة للنقابة العامة .. والموجهة لإدارة التراخيص الطبية
  • فيش وتشبيه موجه للنقابه العامه للاطباء مصر ولن يقبل اى فيش موجهه لاى جهه اخرى
  • موقف من التجنيد ويأتى من منطقه التجنيد التابع لها والمطلوب لاستخراجها ( شهاده التخرج - شهادة الامتياز الموجهه لاداره التجنيد وبطاقه الرقم الثلاثى الخاص بالتجنيد ) ويفضل استخراج 3 نسخ لـــــــ استخراج الكارنيه - اداره التكليف - واحد مع الطبيب
  • 6صور شخصية " مختومة من شئون الأطباء " وممضية من شئون العاملين
  • 2صور بطاقة ... مختومة .. وممضية من 2 نواب جامعة
  • 2صور شهادة ميلاد كمبيوتر ... مختومة .... وممضية من 2 نواب جامعة
دلوقتى اوراقك باذن الله جاهزة، اول حاجة هتبدأ بيها و هى الاخلا الخاصة بسنة الامتياز اللى قضيتها، نفس فكرة الاخلاء من الكلية اول سنة الامتياز
ورقة بتاخدها بتلف بيها على الاقسام و المستشفيات اللى قضيت فيها فترة الامتاز و ترجع تسلمها فى الجامعة تانى.

دلوقتى انت اخليت من الكلية تماماً الحمد لله وجات خطوة التسجيل بالنقابة العامة لآطباء مصر و الحصول على ترخيص مزاولة المهنة

فى الغالب بعد تجهيز اوراقك هتلاقى ان كل نقابة فرعية فى محافظتك بتستلم منك الاوراق و بتسهل عليك كل الاجرائات باذن الله


اى استفسارات تحت امركوا

روابط قد تهمك:
EMS | النقابة العامة لأطباء مصر |
خطوات القيد أول مرة
 

قد يهمك ايضاً !