Welcome!

By registering with us, you'll be able to discuss, share and private message with other members of our community.

SignUp Now!
السلام عليكم ،

لو انت طبيب و بتخطط للسفر و الاقامة و العمل فى دولة الامارات بكل تأكيد لازم تسأل نفسك قبل ما تسافر ايه هى تكاليف المعيشة فى دبى و ايه ادنى حد للمرتب اللى يخليك تعيش هناك معزز مكرم ...


فـ التوبيك دة هنتكلم عن متوسط تكاليف المعيشة فى الامارات و اللى اكيد بتتأثر بعوامل كتير زى انت مسافر لواحدك و لا معاك عيلتك ..؟ كمان انت من النوع اللى ممكن تحافظ و لا بتحب تقضيها..
معاك اولاد و لا لا!؟ علشان تكاليف دراستهم هناك هتفرق معاك كتير.
# التكلفة اللى هاتكلم عليها هى متوسط يعنى تقدر تعمل لنفسك رينج بيها و هاعرضها ( بالدرهم الاماراتى و الجنيه المصرى ) .

تكاليف المعيشة فى الإمارات العربية المتحدة 2018.png

انت عندك طبعاً 3 حاجات اساسية متقدرش تعيش من غيرهم فـ اى مكان: ( مكان تسكن فيه + الأكل + التنقل و المواصلات )
ده غير الحاجات الاضافية اللى هاتكلم عليها و الرفاهيات ..

2022-11-18_14-33-45.png


| - السكن و الإيجار فى دبى:

دى ممكن تكون اكتر حاجة هتكلفك فلوس فى دبى و خصوصا ان سوق العقارات فى الامارات عموماً متقلب من فترة للتانية على حسب العرض و الطلب .
الصورة دى بتوضح متوسط الإيجار او شراء شقة فى الامارات ...

تكلفة المعيشة فى الامارات - السكن.jpg

مواقع زى Dubizzle و PropertyFinder ممكن تساعد فى موضوع البحث عن شقق للإيجار او التمليك...


| - التنقل داخل الامارات و دبى:

فى الامارات عندك 3 طرق تتنقل بيهم ( دة بخلاف المشى طبعاً :D:D ) ، إما انك تشترى عربية و دة طبعاً لو مكان شغلك بعيد عن مكان سكنك و فعلا محتاج العربية.
او انك تتنقل فى تاكسى و دة متاح 24 ساعة هناك فـ كل مكان و مش غالى و لاحاجة ، دة بالإضافة بأة لوجود المواصلات العامة فى دبى زى المترو او الاتوبيسات او القطارات و طبعاً مش مكلفة.

الصورة دى بتوضح متوسط تكلفة السفر و التنقل داخل الامارات


تكلفة المعيشة فى الامارات - التنقلات.png



| - الأكل و التسوق داخل دبى:

موضوع الأكل دة طبعاً بيختلف من شخص للتانى و على حسب اللايف ستايل بتاعك، يعنى مثلا لو انت من النوع اللى هتاكل فى البيت بشكل كبير فانت اكيد هتوفر كتير جدا عن اكلك فى المطاعم...

و الصورة دى بتوضح متوسط تكلفة الأكل و التسوق فى الامارات

تكلفة المعيشة فى الامارات - الطعام و التسوق.png


طبعا متنساش انك ممكن تكون محتاج بعض المستلزمات التانية زى طبعا لبسك و خروجاتك ... أكيد مليون فى المية محتاج نت !!!
الصورة دى بتوضح متوسط تكلفة بعد المستلزمات الأساسية زى الكهربا و الموبايل و النت و كمان متوسط تكلفة دراسة الاولاد

تكلفة المعيشة فى الامارات-المستلزمات.png


فـ النهاية زى ما قلت و ذكرت قبل كدا ان دة متوسط التكلفة و مش بالضرورة تكون محتاج كل المصاريف دى و لكن علشان تكون فكرة عامة و انت بتفكر للسفر للإمارات ..
 

المرفقات

  • تكلفة المعيشة فى الامارات - السكن.jpg
    تكلفة المعيشة فى الامارات - السكن.jpg
    115.3 KB · المشاهدات: 3,514
  • تكلفة المعيشة فى الامارات - التنقلات.png
    تكلفة المعيشة فى الامارات - التنقلات.png
    118.4 KB · المشاهدات: 3,511
  • تكلفة المعيشة فى الامارات - الطعام و التسوق.png
    تكلفة المعيشة فى الامارات - الطعام و التسوق.png
    302.1 KB · المشاهدات: 3,498
  • تكلفة المعيشة فى الامارات-المستلزمات.png
    تكلفة المعيشة فى الامارات-المستلزمات.png
    243.4 KB · المشاهدات: 3,475
التعديل الأخير:
عودة
أعلى