ما الجديد

اهلا بيك فى EGYMD FORUMS

فـ EgyMD هتلاقى كل اللى ممكن تحتاجه لدراستك وتميزك فى كلية الطب و كمان بعد تخرجك ... مستنى ايه !؟

عندك سؤال او طلب!؟

لو عندك اى سؤال او طلب تقدر تضيفه وهتلاقى المساعدة

شارك معانا و جمع ال coins

و هتكسب جوايز كتير و كمان تقدر تحولها لفلوس تستفاد منها في دراستك

اتصل بنا

لو محتاج تتواصل مع فريق عمل EgyMD لاى استفسار او طلب او اقتراح

تكاليف المعيشة فى الإمارات العربية المتحدة 2018

MaHmOuD MyStErO

Administrator
طاقم الإدارة
Team Member
المشاركات
1,277
مستوى التفاعل
1,941
النقاط
113
Coins
17,347
Status
طبيب مقيم
الجامعة
المنصورة
Specialty
Anaesthesiology
السلام عليكم ،

لو انت دكتور و بتخطط للسفر و الاقامة و العمل فى دولة الامارات بكل تأكيد لازم تسأل نفسك قبل ما تسافر ايه هى تكاليف المعيشة فى دبى و ايه ادنى حد للمرتب اللى يخليك تعيش هناك معزز مكرم ...

فـ التوبيك دة هنتكلم عن متوسط تكاليف المعيشة فى الامارات و اللى اكيد بتتأثر بعوامل كتير زى انت مسافر لواحدك و لا معاك عيلتك ..؟ كمان انت من النوع اللى ممكن تحافظ و لا بتحب تقضيها..
معاك اولاد و لا لا!؟ علشان تكاليف دراستهم هناك هتفرق معاك كتير.
# التكلفة اللى هاتكلم عليها هى متوسط يعنى تقدر تعمل لنفسك رينج بيها و هاعرضها ( بالدرهم الاماراتى و الدولار ) لان طبعاً سعر الجنيه المصري مش مضمون و مش ثابت علشان تقدر تحسبها دايما.

تكاليف المعيشة فى الإمارات العربية المتحدة 2018.png


انت عندك طبعاً 3 حاجات اساسية متقدرش تعيش من غيرهم فـ اى مكان: ( مكان تسكن فيه + الأكل + التنقل و المواصلات )
ده غير الحاجات الاضافية اللى هاتكلم عليها و الرفاهيات ..

| - السكن و الإيجار فى دبى:

دى ممكن تكون اكتر حاجة هتكلفك فلوس فى دبى و خصوصا ان سوق العقارات فى الامارات عموماً متقلب من فترة للتانية على حسب العرض و الطلب .
الصورة دى بتوضح متوسط الإيجار او شراء شقة فى الامارات ...

تكلفة المعيشة فى الامارات - السكن.jpg


مواقع زى Dubizzle و PropertyFinder ممكن تساعد فى موضوع البحث عن شقق للإيجار او التمليك...


| - التنقل داخل الامارات و دبى:

فى الامارات عندك 3 طرق تتنقل بيهم ( دة بخلاف المشى طبعاً :D:D ) ، إما انك تشترى عربية و دة طبعاً لو مكان شغلك بعيد عن مكان سكنك و فعلا محتاج العربية.
او انك تتنقل فى تاكسى و دة متاح 24 ساعة هناك فـ كل مكان و مش غالى و لاحاجة ، دة بالإضافة بأة لوجود المواصلات العامة فى دبى زى المترو او الاتوبيسات او القطارات و طبعاً مش مكلفة.

الصورة دى بتوضح متوسط تكلفة السفر و التنقل داخل الامارات
تكلفة المعيشة فى الامارات - التنقلات.png



| - الأكل و التسوق داخل دبى:

موضوع الأكل دة طبعاً بيختلف من شخص للتانى و على حسب اللايف ستايل بتاعك، يعنى مثلا لو انت من النوع اللى هتاكل فى البيت بشكل كبير فانت اكيد هتوفر كتير جدا عن اكلك فى المطاعم...

و الصورة دى بتوضح متوسط تكلفة الأكل و التسوق فى الامارات
تكلفة المعيشة فى الامارات - الطعام و التسوق.png



طبعا متنساش انك ممكن تكون محتاج بعض المستلزمات التانية زى طبعا لبسك و خروجاتك ... أكيد مليون فى المية محتاج نت !!!
الصورة دى بتوضح متوسط تكلفة بعد المستلزمات الأساسية زى الكهربا و الموبايل و النت و كمان متوسط تكلفة دراسة الاولاد
تكلفة المعيشة فى الامارات-المستلزمات.png



فـ النهاية زى ما قلت و ذكرت قبل كدا ان دة متوسط التكلفة و مش بالضرورة تكون محتاج كل المصاريف دى و لكن علشان تكون فكرة عامة و انت بتفكر للسفر للإمارات ..
 

قد يهمك ايضاً !

تريند علي EgyMD

أعلى