امتحان او اختبار DOH - Department of Health هو امتحان للحصول على ترخيص مزاولة المهنة للعمل كطبيب فى ابو ظبى بالامارات العربية المتحدة
الإمتحان دة كان معروف قبل كدة باسم HAAD - Health Authority of Abu Dhabi قبل 2022 و فى المقال دة هنتكلم بشكل كامل و مفصل عن امتحان DOH ايه هى الشروط و المتطلبات و ازاى تقدم على الامتحان و اماكن الاختبار و كمان مصادر المذاكرة
قبل اى حاجة علشان تعرف اكتر عن السفر و العمل كطبيب حكومى فى الإمارات و مميزات السفر شوف المقال دى
كل ما تحتاج معرفته عن السفر و العمل كطبيب حكومى فى الإمارات 2023
السلام عليكم ، اكيد طبعاً مفيش اكتر من المعلومات و الداتا المتوفرة عن الشهادات و المعادلات الأجنبية للدول الأجنبية و الأوروبية زى امريكا ( USMLE ) و انجلترا ( MRCP,PLAB ) و دول تانية زى استراليا و كندا ... لكن المرة دى كلامى هيكون على حاجة جديدة ، محدش اتكلم فيها كتير ... كلامى هيكون عن السفر و...
egymd.com
الشروط و المتطلبات
هى نفس الشروط و المتطلبات الأساسية للسفر و العمل فى الإمارات- طبيب متخرج من أحد الجامعات المعترف بها عالميا. ( يعنى معاك شهادة تخرج )
- قضاء فترة الإمتياز ( 12 شهر ) كاملة يعنى معاك شهادة الإمتياز .
- لازم لازم سنتين خبرة بعد فترةالإمتياز.
طبيعة الامتحان
عبارة عن امتحان من 150 سؤال عشوائى - اختيار من متعدد MCQ لمدة 3 ساعات و نتيجة الامتحان دة بتظهر خلال 5 ايام بحد اقصى داخل حسابك على موقع دائرة الصحة بابو ظبى DOHاماكن و مراكز الامتحان
المسئول عن امتحان DOH على مستوى العالم هو Pearson Vue وتقدر تحجز و تمتحن داخل دولتك من غير اى اجراءات مسبقة للسفر للامتحان فى الخارج و فى اماكن معتمدة فى مصر لاجراء الامتحاناتوتقدر تعرف الاماكن و المراكز المعتمدة لامتحان DOH فى مصر من خلال اللينك دة | Pearson VUE - ALERT!
الحصول على الترخيص بعد اجتياز اختبار DOH
للاسف لا يتم اصدار ترخيص مزاولة المهنة مباشرة بعد اجتياز اختبار DOH و لكن هتكون محتاج تبحث عن عمل او مكان مناسب بنفسك و تتواصل معاهم و فى حالة الموافقة على طلب التوظيف بتتولى المنشأة او المستشفى اجراءات اصدار ترخيص مزاولة المهنة.رسوم امتحان DOH
الرسوم بتختلف على حسب التخصص و الشهادة العلمية لكن فى المتوسط اجمالى الرسوم 2550 درهم اماراتى يعنى حوالى 700 دولار يعنى تقريبا من 17 - 19 الف جنيه مصرى| رسوم التسجيل على الداتا فلو Data flow اخصائى او استشارى | 1680 درهم اماراتى |
| رسوم التسجيل على الداتا فلو Data flow ممارس عام | 1260 درهم اماراتى |
| تسجيل اى بيانات او اوراق اضافيه مطلوبه على الداتا فلو | 400 درهم اماراتى |
| ربط بيانات الداتا فلو بموقع DOH | 100 درهم اماراتى |
| التسجيل على موقع تم TAMM | 100 درهم اماراتى |
| تسجيل موعد امتحان DOH | 100 درهم اماراتى |
| رسوم دخول الإمتحان | 600 درهم اماراتى |
| رسوم Pearson VUE | 95 دولار امريكى |
خطوات التقدم لامتحان DOH
الموضوع هنا بأة طويل شوية للأسف و فيه اكتر من إجراء للتسجيل ، و خطوات التقدم للإمتحان بتكون بالترتيب التالى:- انشاء حساب هوية رقمية لدولة الإمارات UAE Pass
- التسجيل على موقع (تم - TAMM ) للحصول على UIN الشخصى
- تسجيل البيانات الشخصية و الأوراق الدراسية على موقع داتا فلو Data FLow
- ربط بيانات الداتا فلو على موقع DOH
- التسجيل على موقع E-Tarasol للحصول على البار كود
- حجز موعد امتحان من خلال Pearson VUE
الفيديو ده هيفيدك جدا فى شرح خطوات التقدم لامتحان DOH
تقدر تتابع مصادر المذاكرة اللى بيتم تحديثها باستمرار من خلال اللينك دة
مصادر المذاكرة لامتحانات الرخصة الطبية لدولة الإمارات،HAAD, MOH, DHA and DHCC
السلام عليكم ، كنت فى توبيك سابق اتكلمت عن كل ما تحتاج معرفته عن السفر و العمل كطبيب حكومى فى الإمارات و اتكملت عن مميزات السفر و العمل فى الإمارات للأطباء وعن التطور الطبى المستمر و فرص العمل المحترمة هناك دة بالإضافة الى الرواتب المرتفعة و الدخل الجيد اللى بيكفل ليك و لأسرتك حياة كريمة جدا...
egymd.com
