Step1 امتحان الجزء الأول من المعادلة الأمريكية USMLE Step 1، خطة و مصادر المذاكرة !

MaHmOuD MyStErO

Administrator
طاقم الإدارة
Team Member
فـ التوبيك دة ان شاء الله هاحاول اتكلم بشكل مفصل و كامل عن امتحان الجزء الأول من المعادلة الأمريكية USMLE Step 1، ايه هو شكل و طريقة الامتحان !! ازاى تحضر للامتحان و خطة و مصادر المذاكرة اللى تتضمن ليك النجاح بسكور محترم ان شاء الله..

المعلومات و المصادر فـ التوبيك دة عبارة عن تجميع لخبرات و تجارب عدد كبير من الزملاء اللى اجتازوا الامتحان بالفعل الحمد لله.. فجزاهم الله خيرا


تعريف سريع بامتحان الجزء الأول من المعادلة الأمريكية USMLE Step 1 !
USMLE Step 1 هو اول خطوة فى طريقك للمعادلة الأمريكية، و هو عبارة عن امتحان بيقيس معرفتك العامة و الأساسية اللازمة لممارسة الطب.

امتى اقدر امتحن Step 1 و هل فيه شروط معينة للتقدم للإمتحان !!؟
طبعاً بالإضافة للميزات العظيمة لشهادة الـ USMLE، تعتبر اهم ميزة هى انك ممكن تمتحن Step 1 من بعد النجاح فـ اول سنة ليك فـ كلية الطب..
اهم حاجة انك تكون بتدرس و هتتخرج ان شاء الله من احد الجامعات المعتمدة عالميا من قبل ال WFME اللي هو ال World Federation of Medical Education و اللي بيضمن تخرجك من كلية تتقارب مواصفاتها من المواصفات الموضوعة من قبل ال LCME على كليات الطب الأمريكية.

في وقتين معظم الناس بيبتدوا فيهم مذاكرة USMLE اللي هما بعد سنة خامسة أو في إمتياز, تمام ؟ طيب خلونا نتناقش في ميزة كل واحدة:
بعد سنة خامسة: معظم الناس اللي بيتجهوا للطريق دا هو الشخص اللي قرر إنه بأي حال من الأحوال إنه مش هيكمل في مصر حتى لو كان ليه نيابة جامعة و بالتالي بيبتدي يذاكر في سنة 6
بعد سنة ساته: طيب مـ انا ممكن أركز في سنة 6 و أضمنها و أبتدي في إمتياز و بعد مخلص أأجل إمتياز زي منا عايز .. طبعا دا إختيار لطيف لكن لو ليك جيش هتلاقي نفسك هتتعطل فترة على حسب انت نص أول ولا تاني
و في نقطة كمان إن في جامعات كتير بتبتدي التقديم لل Electives في الفترة ما بين أبريل و مايو و يونيو
فا فرضا لو انت ابتديت امتياز في شهر مارس 2019 و امتحنت بعدها ب 9 شهور مثلا و دخلت الإمتحان في أكتوبر أو نوفمبر هتلاقي إنك في جامعات مضطر تستنيها تفتح باب التقديم الجديد في شهر إبريل و مايو و يونيو 2020 و لو انت ليك جيش هتبقى عطلت نفسك فترة لا بأس بها
و قدام هنتكلم إمتى الجامعات بتفتح باب التقديم لل Electives و لو انت مثلا مش عايز تروح أمريكا و عايز تقدم في مؤسسة حمد في قطر

  • طيب مينفعش ابتدي أحضر قبل سنة 5؟
أحب أأكد إن كل المذكور هنا هو وجهة نظر شخصية و من خبرات ناس كتير عرفناهم على طول الطريق
على المستوى الشخصي أنا شايف إن ال USMLE محتاجة تكون في فترة Condensed على بعضها لإن محتاج تلم مجموعة من المعلومات في فترة وجيزة عشان الموضوع ميوسعش منك و كل ما طالت فترة المذاكرة كل ما زهقت
فا فرضا لو قررت تقرأ Kaplan و انت في سنة 5 و بعدين جيت قطعت لامتحانات سنة 5 لمدة 3 أو 4 شهور مثلا هتكتشف إنك محتاج تعيد على الكلام دا تاني
طبعا في ناس امتحنوا قبل سنة 5 و جابوا سكورات كبيرة
و بيكون ليك 3 شهور فترة سماح لدخول الامتحان اول ما تقدم و تقدر فى اى وقت خلال ال 3 شهور تسجل لامتحانك فى المعاد اللى تختاره من ضمن ايام كتيرة متاحة بتعرفها لما تقدم على Step 1.


مكونات امتحان USMLE Step 1
امتحان الجزء الأول Step 1 يعتبر من اصعب المراحل فى طريق المعادلة الأمريكية و بمجرد النجاح فـ الامتحان فـ الباقى اسهل بكتير و مضمون باذن الله .

المدة الزمنية : الامتحان على يوم واحد ( 8 ساعات ) مقسمين على 7 مراحل ، كل مرحلة 40 سؤال MCQ فـ خلال ساعة.
عدد الأسئلة : اجمالى 280 سؤال.
شكل الإمتحان : اسئلة MCQ على جهاز كمبيوتر,
مكان الامتحان : مركز بروميترك معتمد داخل دولتك ( فـ مصر ، مركز Amideast فـ القاهرة و اسكندرية ) يعنى مش محتاج تسافر ان شاء الله .

معايير وموضوعات امتحان USMLE Step 1
امتحان Step 1 بينقسم الى قسمين:
  1. General Principles (40%-50%)
  2. Organ System (50%-60%)
Screenshot-4.png


معايير امتحان USMLE Step 1.jpg


يبقى لو هنتكلم عن الموضوعات و المواد الرئيسية اللى تركز عليها هتكون :
  • Anatomy
  • Physiology
  • Biochemistry
  • Microbiology and Immunology
  • Pathology
  • Pharmacology
  • Behavioral Sciences
  • Embryology
  • Genetics
  • Aging
  • Nutrition
  • Molecular Biology
اهم مصادر مذاكرة امتحان الجزء الأول من المعادلة الأمريكية USMLE Step-1 Study Material
نيجى بأة لأهم نقطة فـ التوبيك بتاعنا و اللى بيحتار فيها ناس كتير و بيسألوا عن اهم و افضل مصادر المذاكرة لـ Step 1 ، ، و علشان كدة جمعناها بالترتيب بناءاً على تجارب الأغلبية اللى اجتازوا الامتحانات بنجاح الحمد لله ..

1. فيديوهات و سلسلة كتب Kaplan للمعادلة الأمريكية .
تعتبر رقم واحد بالنسبة للـ Material الخاصة بـ Step 1 و مفيش غنى عنها من اهم و افضل المصادر اللى بتضمنلك النجاح باذن الله ..
Kaplan.jpg


Kaplan Video Lectures for USMLE Step 1
و كمان تقدر تحمل سلسلة الكتب كاملة ان شاء الله من اللينك دة | Step1 - USMLE - Step 1 Lecture Notes , 2017

2. كتاب First AID
من الكتب الممتازة جداً التى لا غنى عنها و اللى هتساعدك جدا فى مذاكرتك لـ Step 1
First-aid-235x300.jpg


تحميل كتاب First Aid USMLE 2018 للمعادلة الامريكية

3. U-World (Online Question Bank)
U-World or USMLE World من اهم مصادر المذاكرة لامتحان الجزء الأول من المعادلة الأمريكية و هو عبارة عن موقع اون لاين بيحتوى على بنك اسئلة محترم جدا للتدرب على امتحانات Step 1 و الميزة الأكبر انه بيشرح الإجابات كلها الصحيحة و الخاطئة.

U-world-300x87.jpg


4. NBME (National Board of Medical Exams)
NMBE برده يعتبر من المواقع الأون لاين المحترمة جدا اللى بتساعدك على تقييم مستواك و انت بتذاكر للإمتحان .. و مميز انه بيعرضلك الأسئلة بنفس طريقة الامتحان.

NBME-300x86.jpg


5. كتاب Pathoma for Pathology
من الكتب المرشحة من مجموعة كبيرة من الناس للمذاكرة لـ Step 1

Pathoma-232x300.jpg


تحميل كتاب Pathoma for Pathology


خطة مذاكرة لامتحان الجزء الأول USMLE Step 1
خليك فاكر دايما ان الـ Score بتاع الجزء الأول مهم جدا ليك و هيفرق معاك كتير فى مشوارك فـ المعادلة الأمريكية و كمان هيعطيك دفعة قوية فى باقى الطريق ...
حاول تعمل لنفسك روتين ثابت تمشى عليه من 5 - 6 شهور و تلتزم بيه التزام كامل ،

محتاج اذاكر اد ايه كل يوم !!؟
الأغلبية اتفقوا على ان الالتزام الكامل و التركيز فى المذاكرة لمدة 6 ساعات يومياً كافية جدا ان شاء الله علشان تحقق سكور محترم فـ Step 1

ايه اللى محتاج اذاكره يوميا !!؟
النقطة دى انت الوحيد اللى تقدر تحددها و تلتزم بيها ، بناءا على دراستك او شغلك و كمان استيعابك ،، لكن كل ما كنت مركز كل ما كان التجميع افضل .

فيه حاجة معينة اركز عليها !!؟
اوعى تشتت نفسك ابدا و اعتمد على المصادر اللى ذكرناها فوق و خدها بالترتيب و متدورش ع الأصعب و الأطول تبدأ بيه .

Screenshot-2-696x120.png



رسوم امتحان Step 1 و التسجيل للإمتحان
رسوم دخول امتحان Step 1 هى 1045 دولار!! و تقدر تتبع خطوات التسجيل و اختيار المعاد و المكان من خلال ECFMG | ECFMG On-line Services


فـ النهاية ،، و فـ نقاط سريعة :
  • خليك فاكر ان التوفيق من عند الله لكن اوعى تقصر و اعمل اللى عليك.
  • الأفضل انك تذاكر مع حد او فى مجموعات.
  • قلم و نوتة و انت بتابع فيديوهات Kaplan و سجل باستمرار,
  • ركز ع الأساسيات و راجعها باستمرار.
  • متنساش تعمل لنفسك روتين ثابت تمشى عليه.
موضوعات و مصادر أخرى ممكن تفيدك :
و دايما خليك برده فاكر ان النيابة مش بتعتمد اعتماد كلى على سكور الجزء الأول ، لكن هو مهم جدا ليك فى طريقك..
اتمنى ان المعلومات فـ التوبيك تكون مفيدة و تساعد فعلا و متابع فـ الكومنتات ،،


بالتوفيق
.
.
.
 



التعديل الأخير:

قد يهمك ايضاً !

Eman Farag

New member
ينفع أبدأ اذاكر step 1 بعد تالتة ؟؟ يعني الكلام هيبقي سهل استوعبه معلومات قديمة يعني وكدا ؟
 

MaHmOuD MyStErO

Administrator
طاقم الإدارة
Team Member
ينفع أبدأ اذاكر step 1 بعد تالتة ؟؟ يعني الكلام هيبقي سهل استوعبه معلومات قديمة يعني وكدا ؟
ينفع جدا باذن الله كبداية للتحضير من حيث تجهيز المصادر و القراءة المستمرة
 

Mahmoud Rezk

New member
ينفع الواحد يبدأ يجهز من بعد أولى يعني في الأجازة مثلاً أراجع اللي خدته وف تانية وتالتة ف أي وقت فاضي أستغله ف إني أراجع القديم برضو ولا هيبقى صعب وأكتفي باللي عليا في السنة دي وأستغل الأجازات بس؟
 

MaHmOuD MyStErO

Administrator
طاقم الإدارة
Team Member
ينفع الواحد يبدأ يجهز من بعد أولى يعني في الأجازة مثلاً أراجع اللي خدته وف تانية وتالتة ف أي وقت فاضي أستغله ف إني أراجع القديم برضو ولا هيبقى صعب وأكتفي باللي عليا في السنة دي وأستغل الأجازات بس؟
من وجهة نظرى المتواضعة ضرورى تركز فـ اول 3 سنين جداً تكون اكتسبت الأساسيات اللى هتساعدك بعد كدة ان شاء الله
 

Gehad sror

New member
طيب انا خلصت اولى السنادي نظام جديد و حابة ابدأ في الاجازة اذاكر ازاي أقسم الوقت بين المواد ؟و في اثناء الدراسة هل هاوقف مذاكرة من كتب يوس مل اي و لا هكمل ؟و هوفق بين الكلية و المعادلة ازاي ؟و هل فيه هستو بيتذاكر ولا لا ؟و مفهمتش جزئية ان ال organ system من ٥٠ ل ٦٠ و الbasic science ب ٤٠ ل ٥٠ وايه الفرق بينهم؟ انا انا عايزة ابدأ فيها عشان سنة تانية تكون عندي خلفية اكبر عن المنهج بس للاسف معرفش غير اسامي systems بس ما عرفش عناوين و ازاي هتتقسم ال٨ مواد علي السيستم ال واحد ؟
 

Ibrahim fathy kishk

New member
لو سمحت هى كتب المعادله المذكوره هنا كلها تتذاكر ولااختار واحد فيهم+الكتب دى موجوده ممكن اشتريها ولا لا
+ليا كام محاوله Step 1
 

Gehad sror

New member
طيب انا خلصت اولى السنادي نظام جديد و حابة ابدأ في الاجازة اذاكر ازاي أقسم الوقت بين المواد ؟و في اثناء الدراسة هل هاوقف مذاكرة من كتب يوس مل اي و لا هكمل ؟و هوفق بين الكلية و المعادلة ازاي ؟و هل فيه هستو بيتذاكر ولا لا ؟و مفهمتش جزئية ان ال organ system من ٥٠ ل ٦٠ و الbasic science ب ٤٠ ل ٥٠ وايه الفرق بينهم؟ انا انا عايزة ابدأ فيها عشان سنة تانية تكون عندي خلفية اكبر عن المنهج بس للاسف معرفش غير اسامي systems بس ما عرفش عناوين و ازاي هتتقسم ال٨ مواد علي السيستم ؟ @MaHmOuD MyStErO
 

Dr_rangosha

New member
طيب بس هل الامتحان لغته نفسها سهلة والكتب كمان ؟ لاني مستوايا فالانجليزي مش قد كدة يعني فهل اطور مستوايا الاول ولا اخد دورة ايلتس ولا اعمل ايه فمشكلة اللغة دي ؟
 
أعلى