امتحان الجزء الأول من الدبلومة الاوروبية للتخدير EDAIC Part 1

امتحان الجزء الاول من الدبلومة الاوروبية للتخدير EDAIC Part 1 هو امتحان يتم عقده سنويا في شهر سبتمبر او اكتوبر و النجاح فيه يؤهلك لدخول امتحانات الجزء التاني للحصول علي شهادة الدبلومة الاوروبية للتخدير​



طيب خلينا نتكلم الاول عن اهمية الشهادة في المجمل :


  • النجاح في الامتحانات و حصولك علي الدبلومة الاوروبية في التخدير يمكنك من التسجيل في ال GMC و بالتالي السفر و بداية طريقك لعملك في انجلترا ، و بالتالي تعتبر طريق سهل. وسريع لسفر اطباء التخدير و ان شاء الله قريب هنتكلم عن النقطة دي بشكل كامل
  • بالاضافة للافادة العلمية ستحصل علي تخفيضات مميزة جدا علي رسوم حضور المؤتمرات الدولية التابعه للـ EDAIC
  • كمان نجاحك في الجزء الاول يمكنك من الحصول علي عضوية مجانية لمدة عام كامل علي موقع الـ EDAIC و صلاحية الوصول لكل ال Resources الموجودة
  • ميزة مهمة جدا كمان باة داخل مصر ، و هي ان لو حضرتك طبيب تخدير متدرب ببرنامج الزمالة المصرية نجاحك في الجزء الاول من الدبلومة يعفيك من دخول امتحان فيرست الزمالة و اللي بالمناسبة اصعب من امتحان الدبلومة.

من له حق التقديم و دخول امتحان الجزء الاول


في مصر امتحان الدبلومة تابع بشكل كامل لبرنامج الزمالة المصرية من حيث التقديم و الامتحانات و بالتالي الشروط خاصة بالزمالة المصرية
وتقدر تطلع علي اعلان السنة دي ٢٠٢١ و الشروط و الاوراق المطلوبة و كيفية التقديم من هنا


نظام و طبيعة امتحان الجزء الاول من الدبلومة EDAIC Part 1


امتحان الجزء الاول عبارة عن امتحان MCQ بشكل كامل لكن علي ورقتين كل ورقه ٦٠ سؤال و ساعتين لكل ورقة
الورقة الاولي Paper A و دي خاصة باساسيات الطب Basic Sciences يعني اناتومي وفسيولوجي و فارما اما الورقة التانية Paper B دي ورقة الباطنة و التخدير و علاج الالم و الرعاية الجراحية المركزة


طريقة التقديم و الرسوم الكاملة هتلاقوها في اعلان السنة دي علي اللينك دة



طيب ازاي و منيين اذاكر لامتحان الجزء الاول ؟

المعلومات و المصادر اللي جاية دي تم تجميعها من مصادر كتير جدا من ضمنها المواقع الرسمية للدبلومة و كمان تجارب و خبرات ناس كتير امتحنت و نجحت في الامتحان الحمد لله

زي ما اتكلمنا ان الامتحان عبارة عن ورقتين خليني اقول الاول ازاي الاسئلة متقسمة ع الورقتين دول
الورقه الاولي A هتلاقي فيها ٢٠ سؤال فسيولوجي و ٢٠ سؤال فارما و ٢٠ سؤال فيزيا و احصا
اما الورقة التانية B تشمل general anesthesia, local&regional anesthesia, intensive care , internal medicine, emergency med
اما عن ال curriculum و اللي المفروض تذاكره و تركز عليه هتلاقيه في ملف ال
pdf هنا
تفاصيل اكتر فى ملف PDF مرفق ،
و دة نموذج من الاسئلة هتلاقيها في ملف الـ pdf هنا

طيب منيين باة اذاكر و ايه المصادر المعتمدة

اول حاجة موقع الدبلومة بيوفر مجموعة محترمة من المصادر التدريبة و الكورسات الاون لاين السريعه هتلاقيها هنا
How to prepare for the exam | ESAIC

تانى حاجة بأة الكتب اللى هتذاكر منها ، انا بس مش عايزك تستغرب من كمية الكتب اللى هنزلها دى ..
انا بس هجمعلك حرفيا كل الكتب اللى ممكن تقرأ منها للدبلومة لكن انت اكيد طبعا مش محتاج تذاكر كل كلمة هنا ، لكن لو عرفت يبقى كتر خيرك
انت بس هتاخد الكتب دى و تذاكر منها الموضوعات المحددة و الأكثر شيوعا فى الامتحانات.. كمان ان هاقسملك الكتب دى ان شاء الله حسب اهميتها ..
** كل الكتب بناءا على ترشيحات من الموقع الرسمى للمعادلة و كمان من زمايل امتحنوا


الكتب متاحة للتحميل بشكل كامل و مجانى ، و كمان ممكن تطلب نسخة مطبوعة من الكتب توصلك لحد باب البيت


الـ Basics - الكتب اللى جاية مهمة و ركز اكتر ع الـ Basics لان الورقة دى هى اللى بتوقع اغلب الناس

Physics, Pharmacology and Physiology for Anaesthetists: Key Concepts for the FRCA
Ganong's Review of Medical Physiology, 24th Edition
Principles of Physiology for the Anaethetist
Anatomy for Anaesthetists 9th Edition
Pharmacology for Anaesthesia and Intensive Care
Physics for the Anaesthetic Viva 1st Edition


كتب التخدير

Morgan & Mikhail’s Clinical Anesthesiology 6th ed
Clinical Anesthesia Paul G. Barash
اكتر من ٣٠ كتاب لامتحانات ال MCQ للزمالة البريطانية و الدبلومة الاوروبية للتخدير
Fundamentals of Anaesthesia 4th Edition
Dr Podcast Scripts for the Primary FRCA
Miller's Anesthesia 8th Edition
MCQS For The Primary FRCA
Oxford Textbook of Cardiothoracic Anaesthesia
Core Topics in Neuroanaesthesia and Neurointensive Care


ياريت لو عندك معلومة اضافة او تعديل تسيبه فى الكومنت علشان الكل يستفاد

كمان فيه جروب ع الفيس بوك خاص بامتحان الجزء الأول هيكون عليه داتا اكتر و مساعدات اكتر ان شاء الله

 

المرفقات

  • ED-curriculum.pdf
    284.4 KB · المشاهدات: 56
  • SYLLABUS TO THE POSTGRADUATE TRAINING PROGRAM.pdf
    509.1 KB · المشاهدات: 17
  • ED-SampleQ.pdf
    1.7 MB · المشاهدات: 51