Welcome!

By registering with us, you'll be able to discuss, share and private message with other members of our community.

SignUp Now!
فى نهاية اكتوبر 2019 اعلنت وزارة الصحة عن بدأ العمل بالنظام الجديد لتكليف الأطباء ، النظام اللى كانت بتنادى بيه نقابة الأطباء من فترة كبيرة جدا..
لكن هل سيتم تطبيق النظام الجديد بالصورة المطلوبة اللى تخدم متلقى الخدمة الصحية و الأطباء فعلا !؟ ، و ايه الفرق بيه وبين النظام القديم.

النظام القديم لتكليف الأطباء كان بيعتمد على تعيين و تكليف الأطباء بعد التخرج و قضاء فترة الإمتياز على وحدات الرعاية الأساسية ( الوحدات الصحية ) لمدة سنتين للعمل كممارس عام. و بعد كدة تبدأ فى مرحلة اختيار التخصص و التقدم لحركة النيابات.
تقدر تعرف اكتر عن النظام القديم من اللينك دة :


النظام الجديد لتكليف الأطباء : باختصار و قبل اى تفاصيل النظام دة عبارة عن ( تكليف و نيابة و زمالة مصرية ) فى برنامج واحد و خطوة واحدة. و الحقيقة ان دة افضل بكتير من النظام القديم لكن لو تم تطبيقه بالصورة المطلوبة فعلاً.

فـ النظام الجديد لتكليف الأطباء حضرتك بعد التخرج و قضاء فترة الإمتياز هتقدر انك تختار تخصصك مباشرة من غير ما تحتاج تستنى تقضى سنتين كاملين من عمرك فى وحدة صحية و كمان هتنضم تلقائياً لبرنامج الزمالة المصرية التدريبى اللى بعد انهاؤه واجتياز الامتحانات هترقى اخصائى.
يعنى فـ النظام الجديد لتكليف الأطباء حضرتك قررت تخصصك من اول يوم ، وفرت سنين و ضمنت الانخراط فى التخصص من غير انتظار كتير او ماجستير و فلوس كتير ممكن تدفعها ع الفاضى.

فـ النظام الجديد لتكليف الأطباء الموضوع هيمشى كالاتى:

كل فترة بيتم الاعلان عن حركة تكليف جديدة لو ينطبق عليك الشروط تقدر تقدم فيها واول خطوة هى اختيار مديرية ( جهة ) التكليف ، زى مثلا مديرية الشئون الصحية بالقاهرة او مديرية الشئون الصحية بالدقهلية و دى هتكون محافظة عملك اللى انت تابع ليها. و اختيارها هيكون من خلال تنسيق و رغبات على حسب الإحتياجات و المجموع التراكمى.
بعد كدة بتختار التخصص بتاعك اللى تابع للزمالة المصرية و برده بيكون بتنسيق حسب الرغبات و الاحتياجات و الاماكن المتاحة للتخصص اللى اختارته.

فـ النظام الجديد لتكليف الأطباء حضرتك هتقضى سنويا 9 اشهر بالمستشفى المقرر التدريب بيها على تخصصك ببرنامج الزمالة و 3 اشهر باحد وحدات الرعاية الأساسية ضمن النطاق الجغرافى لمستشفى التدريب، عدا تخصص طب الأسرة: اول سنة حضرتك هتقضى 6 شهور فى مركز طب اسرة و 6 شهور تانين فى استقبال مستشفى ضمن النظاق الجغرافى، و من تانى سنة وبعد كدة 9 شهور فمركز طب اسره و 3 شهور فى استقبال مستشفى... أما التخصصات الملحة ( زى الطوارىء و العناية و التخدير .... ) هتقضى الفترة كلها فى مستشفى و مفيش وحدات صحية خالص الحمد لله.


النظام الجديد لتكليف-الأطباء.png


سؤال و جواب عن النظام الجديد لتكليف الأطباء


س: هل فيه اى زيادة فى مدة التكليف او الزمالة؟
ج: بالعكس فى النظام الجديد انت وفرت سنين من عمرك فى الانتظار و بدأت بدرى.

س: هل ممكن اعدل جهة التكليف ( المحافطة ) فى النظام الجديد؟
ج: يمكن تعديل جهة التكليف بعد مرور عام ، بشرط توفر اماكن تدريب شاغرة وفى حالة عدم توفر مكان شاغر داخل محافظتك يتم نقل تدريبك لآقرب محافظة لسكنك لحين التوفر.

س: هل من الممكن تغيير التخصص فى النظام الجديد ؟
ج: يمكن تغيير التخصص فى النظام الجديد لتكليف الأطباء، و التقدم على الأماكن الشاغرة فقط و لمدة 3 حركات بعد الحركة الأساسية.

س: ما هو موقف المجندين فى النظام الجديد للتكليف ؟
ج: يعود المجند بعد انهاء الموقف التجنيدى للتدريب و استلام العمل ، و يعفى الضابط الإحتياط من شهور العمل بالوحدات الصحية خلال فترة تدريبه.

س: هل تم الغاء تكليف الجهات الخارجية ؟
ج: تكليف الجهات الخارجية ( مثل الشرطة و الجيش ... ) متاح و لم يتم الغاؤه بنفس القواعد و اللوائح المنظمة و يحتسب للطبيب العائد من تكليف الجهات الخارجية المدة التى قضاها ان كانت فى مستشفيات معتمدة ضمن برنامج الزمالة المصرية.

س: هل مازال هناك مميزات لتكليف المناطق النائية ؟
ج: مميزات تكليف المناطق النائية موجودة كما هى من حيث المميزات المادية، وسيتم الاعلان قريبا عن باقى مميزات المناطق النائية و التخصصات الملحة.







إعرف اكتر عن برنامج الزمالة المصرية



ياريت لو عندك اى معلومات اضافية تسيبها فـ كومنت و متنساش تقولنا رأيك فى النظام الجديد !!!
 

المرفقات

  • النظام الجديد لتكليف الأطباء.png
    النظام الجديد لتكليف الأطباء.png
    98.8 KB · المشاهدات: 5,480
التعديل الأخير:
لو سمحت كنت عاوزة أعرف لو انا استقالت من وزارة الصحة واخدت نايب زاير فى تخصص ما لمدة سنتين وبعدها حبيت اسافر دولة من الدول العربية زى الامارات مثلا هل ينفع ف الدول العربية انى اخد نايب زاير برضه او لو حبيت اشتغل فى اى مستشفى هناك هيبقى تحت انهى مسمى وظيفى يعنى هبقا ممارس عام ولا عادى هاخد نايب زاير ف التخصص االى عاوزاه. وهل هحتاج لاى امتحانات تبعهم قبل ما اسافر ولا اكتفى بشهادة الخبرة وشهادة التخرج والامتياز بس؟
 
لو سمحت كنت عايز اعرف لو التكليف اجباري. أنا ناوي اخلص و امتحن الusmle و اسافر على امريكا. هل اقر اعمل كدا من ير ما اعمل التكليف؟
 
اه طبعا ممكن
يعني بس محتاج اخلص الامتياز و الجيش (و امتحانات المعادلة طبعا) و بعدها اقدر اسافر من غير ما اعمل التكليف. طيب هل في فرق بين تكليف خريجي الجامعات الخاصة و خريجي الجامعات الحكومية؟ شكرا
 
معنى كده ان التخصص لم يعد من اختيار الطبيب زي النظام القديم؟ يعني ممكن يقدم على تخصص ميتقبلش ويحطوه ف تخصص تاني غصب عنه لأنهم محتاجينه فين؟
 
فى نهاية اكتوبر 2019 اعلنت وزارة الصحة عن بدأ العمل بالنظام الجديد لتكليف الأطباء ، النظام اللى كانت بتنادى بيه نقابة الأطباء من فترة كبيرة جدا..
لكن هل سيتم تطبيق النظام الجديد بالصورة المطلوبة اللى تخدم متلقى الخدمة الصحية و الأطباء فعلا !؟ ، و ايه الفرق بيه وبين النظام القديم.

النظام القديم لتكليف الأطباء كان بيعتمد على تعيين و تكليف الأطباء بعد التخرج و قضاء فترة الإمتياز على وحدات الرعاية الأساسية ( الوحدات الصحية ) لمدة سنتين للعمل كممارس عام. و بعد كدة تبدأ فى مرحلة اختيار التخصص و التقدم لحركة النيابات.
تقدر تعرف اكتر عن النظام القديم من اللينك دة :



النظام الجديد لتكليف الأطباء : باختصار و قبل اى تفاصيل النظام دة عبارة عن ( تكليف و نيابة و زمالة مصرية ) فى برنامج واحد و خطوة واحدة. و الحقيقة ان دة افضل بكتير من النظام القديم لكن لو تم تطبيقه بالصورة المطلوبة فعلاً.
فـ النظام الجديد لتكليف الأطباء حضرتك بعد التخرج و قضاء فترة الإمتياز هتقدر انك تختار تخصصك مباشرة من غير ما تحتاج تستنى تقضى سنتين كاملين من عمرك فى وحدة صحية و كمان هتنضم تلقائياً لبرنامج الزمالة المصرية التدريبى اللى بعد انهاؤه واجتياز الامتحانات هترقى اخصائى.
يعنى فـ النظام الجديد لتكليف الأطباء حضرتك قررت تخصصك من اول يوم ، وفرت سنين و ضمنت الانخراط فى التخصص من غير انتظار كتير او ماجستير و فلوس كتير ممكن تدفعها ع الفاضى.

فـ النظام الجديد لتكليف الأطباء الموضوع هيمشى كالاتى:
كل فترة بيتم الاعلان عن حركة تكليف جديدة لو ينطبق عليك الشروط تقدر تقدم فيها واول خطوة هى اختيار مديرية ( جهة ) التكليف ، زى مثلا مديرية الشئون الصحية بالقاهرة او مديرية الشئون الصحية بالدقهلية و دى هتكون محافظة عملك اللى انت تابع ليها. و اختيارها هيكون من خلال تنسيق و رغبات على حسب الإحتياجات و المجموع التراكمى.
بعد كدة بتختار التخصص بتاعك اللى تابع للزمالة المصرية و برده بيكون بتنسيق حسب الرغبات و الاحتياجات و الاماكن المتاحة للتخصص اللى اختارته.

فـ النظام الجديد لتكليف الأطباء حضرتك هتقضى سنويا 9 اشهر بالمستشفى المقرر التدريب بيها على تخصصك ببرنامج الزمالة و 3 اشهر باحد وحدات الرعاية الأساسية ضمن النطاق الجغرافى لمستشفى التدريب، عدا تخصص طب الأسرة: اول سنة حضرتك هتقضى 6 شهور فى مركز طب اسرة و 6 شهور تانين فى استقبال مستشفى ضمن النظاق الجغرافى، و من تانى سنة وبعد كدة 9 شهور فمركز طب اسره و 3 شهور فى استقبال مستشفى... أما التخصصات الملحة ( زى الطوارىء و العناية و التخدير .... ) هتقضى الفترة كلها فى مستشفى و مفيش وحدات صحية خالص الحمد لله.



مشاهدة المرفق 1196


سؤال و جواب عن النظام الجديد لتكليف الأطباء

س: هل فيه اى زيادة فى مدة التكليف او الزمالة؟
ج: بالعكس فى النظام الجديد انت وفرت سنين من عمرك فى الانتظار و بدأت بدرى.

س: هل ممكن اعدل جهة التكليف ( المحافطة ) فى النظام الجديد؟
ج: يمكن تعديل جهة التكليف بعد مرور عام ، بشرط توفر اماكن تدريب شاغرة وفى حالة عدم توفر مكان شاغر داخل محافظتك يتم نقل تدريبك لآقرب محافظة لسكنك لحين التوفر.

س: هل من الممكن تغيير التخصص فى النظام الجديد ؟
ج: يمكن تغيير التخصص فى النظام الجديد لتكليف الأطباء، و التقدم على الأماكن الشاغرة فقط و لمدة 3 حركات بعد الحركة الأساسية.

س: ما هو موقف المجندين فى النظام الجديد للتكليف ؟
ج: يعود المجند بعد انهاء الموقف التجنيدى للتدريب و استلام العمل ، و يعفى الضابط الإحتياط من شهور العمل بالوحدات الصحية خلال فترة تدريبه.

س: هل تم الغاء تكليف الجهات الخارجية ؟
ج: تكليف الجهات الخارجية ( مثل الشرطة و الجيش ... ) متاح و لم يتم الغاؤه بنفس القواعد و اللوائح المنظمة و يحتسب للطبيب العائد من تكليف الجهات الخارجية المدة التى قضاها ان كانت فى مستشفيات معتمدة ضمن برنامج الزمالة المصرية.

س: هل مازال هناك مميزات لتكليف المناطق النائية ؟
ج: مميزات تكليف المناطق النائية موجودة كما هى من حيث المميزات المادية، وسيتم الاعلان قريبا عن باقى مميزات المناطق النائية و التخصصات الملحة.








إعرف اكتر عن برنامج الزمالة المصرية



ياريت لو عندك اى معلومات اضافية تسيبها فـ كومنت و متنساش تقولنا رأيك فى النظام الجديد !!!

موقفي من التجنيد ايه حالياً ، بعد الامتياز الطريق ايه
جيش ولا تكليف؟
 
عودة
أعلى