امتحان المعادلة البريطانية PLAB Test ( Professional and Linguistic Assessments Board ) هو امتحان للأطباء الدوليين لاختبار مدى كفائتهم العملية و الطبية لممارسة الطب فى انجلترا. و هو الطريق الرئيسيى لعملك كطبيب متخصص فى انجلترا.
طيب ليه امشى فى طريق المعادلة البريطانية، هستفاد ايه يعنى !؟
- طبعاً الهدف الرئيسيى من اى شهادة اجنبية هو السفر للعمل خارج مصر .. بالإضافة لرفع درجتك العلمية و التخصصية.
- كمان شهادة المعادلة البريطانية تعتبر شهادة قوية جداً و معترف بها عالمياً.
- حصولك على شهادة المعادلة البريطانية هيمكنك من العمل فى انجلترا و العديد من دول الخليج من تانى يوم.
- دة طبعا غير ان سفرك و حياتك فى انجلترا مختلف تماماً عن مصر و انك هتكون عايش فـ دولة محترمة بتحترم مواطنيها و ليك حقوق فعلا بتاخدها.
- التكلفة مش مرتفعة نسبياً مقارنة بالمعادلات الأجنبية الأخرى، وخصوصاً من سنة ( 2018 ) لانهم من اول شهر ابريل 2018 خفضوا رسوم التسجيل.
- امتحانتها مش كتير و الامتحان الأول ممكن تمتحنه فـ مصر من غير ما تسافر.
- و كمان بتاريخ 8 فبراير 2018 اعلن المجلس الطبى العام بانجلترا عن الغاء شرط الحصول على شهادة الـ IELTS بسكور 7.5 للسفر و العمل فى انجلترا ، و اعلن ان شهادة الـ OET تكفى و تكون بديله عن الـ IELTS.
شهادة الـ OET اصبحت تغنى عن شهادة IELTS للسفر الى بريطانيا
The General Medical Council has announced it is to routinely accept an additional test as proof of English language skills from overseas doctors who want to work in the UK. Its introduction is designed to increase flexibility for doctors keen to work in the UK, while maintaining a requirement...
www.egymd.com
هل فيه شروط معينة للقبول لامتحان المعادلة البريطانية PLAB ؟
- الشروط مش تعجيزية و خصوصاً بعد الغاء شرط الحصول على شهادة IELTS بسكور 7.5 ، و ان شهادة الـ OET كافية.
- ان تكون خريج احد الجامعات المعتمدة دلولياً، و تقريبا اغلب الجامعات المصرية معتمدة و الحمد لله.
نظام و مواعيد الإمتحانات و التكلفة ؟
امتحان المعادلة البريطانية بيتكون من جزئين:
الجزء الأول PLAB 1 : عبارة عن امتحان مدته 3 ساعات بيتكون من 200 سؤال MCQ لاختيار أفضل إجابة ، و الإمتحان دة ممكن تمتحنه فى مركز بروميترك معتمد فى مصر و مش محتاج تسافر.
كمان الامتحان دة ممكن تمتحنه داخل عدد من الدول العربية زى ( السعودية و السودان و الامارات ).
التقدم لامتحان الجزء الأول PLAB 1 داخل مصر بيكون من خلال تسجيلك فى فترة ما قبل الامتحان ( 5 اسابيع متاحة للتقدم قبل موعد الامتحان ) على موقع المجلس الطبى العام ( GMC )
بعدها بتقدر تشوف الاماكن المتاحة و المواعيد و تتوكل على الله.
# رسوم دخول امتحان الجزء الأول من المعادلة البريطانية PLAB 1 هى ( 230 جنيه استرلينى ) ، و لازم تدفعها باستخدام بطاقة ائتمانية على موقع المعادلة.
امتحان الجزء الأول غير مرتبط بعدد مرات دخول يعنى ممكن تدخله اكتر من مرة لحد ما تنجح فيه باذن الله.
نتيجة امتحان الجزء الأول بتظهر بعد الامتحان بحوالى 4 اسابيع، بيوصلك بريد منهم بالنتيجة و كمان بيتم اعلانها على موقع GMC و ممكن تعرفها كمان من المجلس الثقافى البريطانى فى مصر.
و النتيجة بتكون سارية لمدة 3 سنين لازم خلالهم تدخل امتحان الجزء الثانى.
PLAB 1 - ازاى تحضر نفسك و تذاكر لإمتحان الجزء الأول من المعادلة البريطانية PLAB 1
دلوقتى حضرتك الحمد لله أخدت القرار خلاص و عقدت النية انك تبدأ فـ مشوار المعادلة البريطانية PLAB و بالفعل بدأت او خلصت شهادة الـ IELTS او شهادة الـ OET و بالفعل حجزت لامتحان الجزء الأول PLAB 1 و تمت الموافقة بدخولك للامتحان ... ازاى بأة هتبدأ تحضر نفسك و تذاكر لامتحان الجزء الأول PLAB 1 ، دة...
www.egymd.com
الجزء الثانى PLAB 2 : و هو امتحان الكلينكال، بنظام الأوسكى ( OSCE ) عبارة عن 14 محطة و مدته ساعة و 40 دقيقة تقريباً.
الامتحان دة بتمتحنه فى انجلترا فقط، و غير متاح حتى الان امتحانه خارج انجلترا يعنى لازم تسافر تمتحن. الامتحان بيكون فى مدينة مانشيستر.
امتحان الجزء الثانى ممكن تمتحنه فى اوقات كتير جداً طول السنة و السنة دى متاح مواعيد كتير من شهر يناير و حتى شهر يوليو
GMC | PLAB test dates
# رسوم دخول امتحان الجزء الثانى من المعادلة البريطانية PLAB 2 هى ( 840 جنيه استرلينى ).
الامتحان دى ليك فيه 4 محاولات دخول لازم تنجح فيهم و لو لا قدر الله لم توفق خلال الـ 4 مرات ، هتضطر تدخل امتحان الجزء الأول من تانى قبل ما تكمل.
كل ما تود معرفته عن المعادلة البريطانية الجديدة UKMLA بديل الـ PLAB
بداية من عام 2024 ان شاء الله، اى طبيب حابب يشتغل فى المملكة المتحدة هيبقى لازم يمتحن امتحانات دولية جديدة اسمها UK Medical Licensing Assessment (UKMLA) طبعا المتعارف عليه فى الوقت الحالى ان اى طبيب عايز يسافر يشتغل فى انجلترا لازم و لابد من المعادلة البريطانية PLAB اللى بعد اجتيازها بتاخد...
egymd.com
دليل كامل لمفهوم النيابات و التخصص للأطباء فى بريطانيا
مجموعة كبيرة جدا مننا اكيد تعرف عن الزمالة الريطانية او المعادلة البريطانية ، وفيه مقالات كتير جدا بتتكلم عن طريق الأطباء الى بريطانيا و عن ازاى تبدأ و تجهز نفسك و تذاكر و كمان تسافر.. لكن ناس كتير بتيجى عند نقطة الشغل و التخصص و الاندراج فى النظام الطبى هناك و النيابات و بتبدأ تتوه و مبيكنش...
egymd.com
زمالة بريطانية ام معادلة بريطانية!!؟ MRCP vs PLAB
السلام عليكم ، زى ما هو معروف للجميع ان فيه اكتر من طريق للسفر و العمل كطبيب فى بريطانيا، لكن اشهر الطرق بالنسبة لنا فى مصر هى زمالة بريطانية MRCP او معادلة بريطانية PLAB.. وقبل ما اتكلم عن الفرق بين MRCP و PLAB و ازاى تختار ما بينهم لازم تشوف الموضوعات دى، و اللى بتتكلم بشكل كامل و مفصل عن...
egymd.com
لينكات مفيدة:
PLAB 2 - الحصول على فيزا ( تأشيرة ) للسفر الى بريطانيا لامتحان PLAB 2
اولا بحييك على قرارك اللى اخدته، انك تهاجر و تسافر لانجلترا .. دلوقتى و بعد نجاحك فى امتحان الجزء الأول من المعادلة البريطانية PLAB 1 وقرارك انك تكمل و تسافر لامتحان PLAB 2 ، اول خطوة هتعملها بعد ما يوصلك خطاب GMC هى انك تقدم على الفيزا للسفر الى بريطانيا !! :unsure: و فـ التوبيك دة سريعاً...
egymd.com
PLAB 2 - الإقامة و التنقل فى لندن بعد السفر لامتحان PLAB 2
اولاً مبروووك على وصولك الى لندن و صولك الى هذه المرحلة ، احب اكدلك ان مسار حياتك كله هيتغير بعد المرحلة دى و بعد وصولك الى لندن .. اكيد طبعاً اكتر تخوف بالنسبة لاى حد بيفكر فـ السفر هو الغربة و الخوف من البهدلة برا بلدك !! و انك ممكن تكون لواحدك فـ بلد اجنبى غريب من غير حد من أهلك او اصدقائك...
egymd.com
GMC | Login
GMC | PLAB test dates
GMC | Fees
GMC | Overseas venues for PLAB part 1
لو عندك اى سؤال او استفسار سيبه فـ كومنت و هنساعدك ان شاء الله.
بالتوفيق ،،
التعديل الأخير:
