Dr_rangosha

New member
تسلم ايدك دكتور بس والله الواحد محتار هل يمتحن اختبار الزمالة الامريكي ولا البريطاني ولا الكندي ولا الالماني ولا ايه بالزبط ؟؟ينفع تعمل موضوع وتقارن بين الامتحانات دي من الصعوبة والجودة والمصاريف وهكذا؟؟
 



قد يهمك ايضاً !

MaHmOuD MyStErO

Administrator
طاقم الإدارة
Team Member
تسلم ايدك دكتور بس والله الواحد محتار هل يمتحن اختبار الزمالة الامريكي ولا البريطاني ولا الكندي ولا الالماني ولا ايه بالزبط ؟؟ينفع تعمل موضوع وتقارن بين الامتحانات دي من الصعوبة والجودة والمصاريف وهكذا؟؟
قريب باذن الله ....
 

medorash2

New member
امتحان المعادلة البريطانية PLAB Test ( Professional and Linguistic Assessments Board ) هو امتحان للأطباء الدوليين لاختبار مدى كفائتهم العملية و الطبية لممارسة الطب فى انجلترا. و هو الطريق الرئيسيى لعملك كطبيب متخصص فى انجلترا.



طيب ليه امشى فى طريق المعادلة البريطانية، هستفاد ايه يعنى !؟
  • طبعاً الهدف الرئيسيى من اى شهادة اجنبية هو السفر للعمل خارج مصر .. بالإضافة لرفع درجتك العلمية و التخصصية.
  • كمان شهادة المعادلة البريطانية تعتبر شهادة قوية جداً و معترف بها عالمياً.
  • حصولك على شهادة المعادلة البريطانية هيمكنك من العمل فى انجلترا و العديد من دول الخليج من تانى يوم.
  • دة طبعا غير ان سفرك و حياتك فى انجلترا مختلف تماماً عن مصر و انك هتكون عايش فـ دولة محترمة بتحترم مواطنيها و ليك حقوق فعلا بتاخدها.
  • التكلفة مش مرتفعة نسبياً مقارنة بالمعادلات الأجنبية الأخرى، وخصوصاً السنة دى ( 2018 ) لانهم من اول شهر ابريل 2018 خفضوا رسوم التسجيل.
  • امتحانتها مش كتير و الامتحان الأول ممكن تمتحنه فـ مصر من غير ما تسافر.
  • و كمان مؤخراً بتاريخ 8 فبراير 2018 اعلن المجلس الطبى العام بانجلترا عن الغاء شرط الحصول على شهادة الـ IELTS بسكور 7.5 للسفر و العمل فى انجلترا ، و اعلن ان شهادة الـ OET تكفى و تكون بديله عن الـ IELTS.

هل فيه شروط معينة للقبول لامتحان المعادلة البريطانية PLAB ؟
  • الشروط مش تعجيزية و خصوصاً بعد الغاء شرط الحصول على شهادة IELTS بسكور 7.5 ، و ان شهادة الـ OET كافية.
  • ان تكون خريج احد الجامعات المعتمدة دلولياً، و تقريبا اغلب الجامعات المصرية معتمدة و الحمد لله.
نظام و مواعيد الإمتحانات و التكلفة ؟
امتحان المعادلة البريطانية بيتكون من جزئين:
الجزء الأول PLAB 1 : عبارة عن امتحان مدته 3 ساعات بيتكون من 200 سؤال MCQ لاختيار أفضل إجابة ، و الإمتحان دة ممكن تمتحنه فى مركز بروميترك معتمد فى مصر و مش محتاج تسافر.
كمان الامتحان دة ممكن تمتحنه داخل عدد من الدول العربية زى ( السعودية و السودان و الامارات ).

التقدم لامتحان الجزء الأول PLAB 1 داخل مصر بيكون من خلال تسجيلك فى فترة ما قبل الامتحان ( 5 اسابيع متاحة للتقدم قبل موعد الامتحان ) على موقع المجلس الطبى العام ( GMC )
بعدها بتقدر تشوف الاماكن المتاحة و المواعيد و تتوكل على الله.
# رسوم دخول امتحان الجزء الأول من المعادلة البريطانية PLAB 1 هى ( 230 جنيه استرلينى ) ، و لازم تدفعها باستخدام بطاقة ائتمانية على موقع المعادلة.
امتحان الجزء الأول غير مرتبط بعدد مرات دخول يعنى ممكن تدخله اكتر من مرة لحد ما تنجح فيه باذن الله.
نتيجة امتحان الجزء الأول بتظهر بعد الامتحان بحوالى 4 اسابيع، بيوصلك بريد منهم بالنتيجة و كمان بيتم اعلانها على موقع GMC و ممكن تعرفها كمان من المجلس الثقافى البريطانى فى مصر.
و النتيجة بتكون سارية لمدة 3 سنين لازم خلالهم تدخل امتحان الجزء الثانى.

الجزء الثانى PLAB 2 : و هو امتحان الكلينكال، بنظام الأوسكى ( OSCE ) عبارة عن 14 محطة و مدته ساعة و 40 دقيقة تقريباً.
الامتحان دة بتمتحنه فى انجلترا فقط، و غير متاح حتى الان امتحانه خارج انجلترا يعنى لازم تسافر تمتحن. الامتحان بيكون فى مدينة مانشيستر.
امتحان الجزء الثانى ممكن تمتحنه فى اوقات كتير جداً طول السنة و السنة دى متاح مواعيد كتير من شهر يناير و حتى شهر يوليو
GMC | PLAB test dates
# رسوم دخول امتحان الجزء الثانى من المعادلة البريطانية PLAB 2 هى ( 840 جنيه استرلينى ).
الامتحان دى ليك فيه 4 محاولات دخول لازم تنجح فيهم و لو لا قدر الله لم توفق خلال الـ 4 مرات ، هتضطر تدخل امتحان الجزء الأول من تانى قبل ما تكمل.


لينكات مفيدة:
GMC | Login
GMC | PLAB test dates
GMC | Fees
GMC | Overseas venues for PLAB part 1

دى كانت معلومات سريعة عن المعادلة البريطانية PLAB و باذن الله خلال الأيام القادمة هتكون كل المعلومات و الداتا متوفرة و ازاى تحضر لامتحانات المعادلة البريطانية و السفر.


لو عندك اى سؤال او استفسار سيبه فـ كومنت و هنساعدك ان شاء الله.

بالتوفيق ،،
السلام عليكم ... جزاك الله خيرا علي المعلومات القيمة لكن سؤالي لو خلصت ال PLAB هل بتصنفني في مصر اخصائي او في دول الخليج ولا بس في انجلترا؟
 

MaHmOuD MyStErO

Administrator
طاقم الإدارة
Team Member
السلام عليكم ... جزاك الله خيرا علي المعلومات القيمة لكن سؤالي لو خلصت ال PLAB هل بتصنفني في مصر اخصائي او في دول الخليج ولا بس في انجلترا؟
فى مصر بعد مناقشة رسالة فقط بدون اى امتحانات اضافية
فى دول الخليج مش محتاج اى حاجة اضافية
 
أعلى