MaHmOuD MyStErO
Administrator
طاقم الإدارة
- 27 ديسمبر 2017
- 1,528
- 253
- 2,145
- 134
- Credits
- 858,899
- Status
- طبيب مقيم
- الجامعة
- المنصورة
- التخصص
- Anaesthesiology
هل تعلم ان فيه مستشفيات بتقفل في #انجلترا ، و سيادتك قاعد هنا رايح جاي بين مدام منال و استاذ سيد علشان تضمي ورقة!!؟
ايوة زي ما سمعت كدا ... انجلترا فيها عجز شديد جدا ف عدد الاطباء بقالها فترة علشان كدا بدأوا يعملوا شوية تعديلات وتسهيلات زي ان المجلس الطبي العام GMC بالمملكة المتحدة ( حاجة زي مجلس الاختصاصات عندنا ف مصر ) اعلن عن الغاء شرط الحصول علي شهادة الـ IELTS كشرط اساسي للسفر و العمل و اعلن انه اصبح يقبل شهادة الـ OET اللي تعتبر اسهل من الايلتس بمراحل
شهادة الـ OET اصبحت تغنى عن شهادة IELTS للسفر الى بريطانيا
The General Medical Council has announced it is to routinely accept an additional test as proof of English language skills from overseas doctors who want to work in the UK. Its introduction is designed to increase flexibility for doctors keen to work in the UK, while maintaining a requirement...
egymd.com
و دة لينك بيتكلم عن الفرق بين ال IELTS و ال OET
ما هو الفرق بين اختبار الـ IELTS و الـ OET ؟
بعدما اعلن المجلس الطبى العالمى بالمملكة المتحدة GMC منذ ايام عن الغاء شرط الحصول على شهادة الـ IELTS بسكور 7.5 كشرط أساسى لدخول الامتحانات، وامكانية دخول امتحانات المعادلة البريطانية PLAB بشهادة الـ OET...
egymd.com
دة كمان عملوا تسهيلات ع الفيزا و خفضوا رسوم الامتحانات !!! نعملك ايه اكتر من كدا علشان تيجي !؟
طيب انا ف البوست دة قررت اساعدك لو الفكرة كبرت ف دماغك و هاعرفك باذن الله ازاي تسافر انجلترا و تشتغل هناك ، البوست طويل شوية بس هيبقي زي مرجع شامل باذن الله
** خلينا الاول نتكلم في ليه نسافر انجلترا اصلا ايه المميزات ف سفري وعملي كطبيب هناك ؟
يعني بذمتك بقولك هتسيب مصر و تسافر انجلترا تقوم تسأل ليه !!؟
" دة انت غريب يا هاني "
ع العموم يا سيدي انجلترا يعني المملكة المتحدة يعني الحاجة اليزابيث الثانية يعني الجنيه الاسترليني اللي بـ 24 جنيه مصري
انجلترا عموما دولة جميلة جدا تابعة للمملكة المتحدة، دولة محترمة بتحترم و ترعي مواطنيها و فيها قانون بيطبق ع الكل.
عملك كطبيب ف انجلترا شيء مهم جدا و هتحس فعلا هناك انك طبيب بجد ( شوف ازاي
) دة غير الخبرات العلمية و العملية اللي هتكتسبها و اللي هترفع من درجتك العلمية بشكل كبير جداً و ف انجلترا هتعيش حياة كريمة فعلا باذن اللهايوة يعني من الاخر هاقبض كام!؟
يعني انت سبت اليزابيث الثانية و الاحترام و الدرجة العلمية و بتدور ع الفلوس !!؟
عموما يا سيدي اللينك دة
رواتب الأطباء فى بريطانيا 2019
بسبب العجز الشديد فى عدد الأطباء فى انجلترا، و اللى ادى الى ان بعض المستشفيات تقفل ابوابها !! اضطرت المملكة المتحدة الى الاعلان عن بعض التعديلات و التغييرات فى شروط السفر و العمل زى الغاء شرط الحصول على شهادة IELTS و الإكتفاء بشهادة OET اللى اسهل بكتير من الأيلتس ، و كمان تخفيض رسوم التسجيل...
egymd.com
لكن خلي بالك مستوي المعيشة ف انجلترا عالي جدا و الاسعار مش رخيصة زي ما انت متخيل و فيه ضرايب مرتفعة هناك ، يعني لو انت رايح انجلترا علشان تحوش فلوس يبقي الخليج اولي !!!
شغلك ف انجلترا هيكفلك حياة كريمة جدا ليك ولاسرتك لو معاك ومكمل هناك باذن الله.
ما هى تكلفة السفر و المعيشة فى انجلترا للأطباء
تقريباً مفيش طبيب متخرج حديث فى مصر اليومين دول مفكرش فى السفر و يمكن كمان كنت بتفكر فيه و انت لسة طالب فى الكلية!! ايه هى بأة الأسباب اللى جعلتك تفكر فى السفر ، اكيد مختلفة من شخص للتانى و مش هاتكلم فيها كتير... و اكيد طبعاً دورت كتير عن فرص السفر و الشهادات الأجنبية اللى ممكن تاخدها و تساعدك...
egymd.com
** لو الكلام اللي فوق دة مناسب ليك وبتفكر جديا ف السفر كمل البوست معايا لو مش مناسب كمل برده يمكن تقتنع كمان شوية
انا عايز اساعدك صدقني** انت ادامك طريقين للسفر و العمل كطبيب ف انجلترا:
الطريق الاول و انت و نصيبك انك تدور علي مستشفيات هناك بتعلن عن وظائف للأطباء وتبدا تراسلهم بال CV بتاعك و الاوراق و الشهادات و الخبرات العلمية و العملية وهما يبدأوا يردوا عليك و ممكن فعلا يتم قبولك و استثناء حالتك من شروط السفر و تتوكل علي الله،،
الطريق التاني و اللي هاتكلم عليه بالتفصيل لحد ما توصل لندن هو طويل شوية ( ما انا بقولك من هنا للندن
) لكن مضمون باذن الله و هو طريق #المعادلة_البريطانية #PLAB ،، قبل ما تكمل معايا البوست عايزك تشوف اللينك دة
المعادلة البريطانية (الشروط والمميزات،نظام وتكلفة الامتحانات)
امتحان المعادلة البريطانية PLAB Test ( Professional and Linguistic Assessments Board ) هو امتحان للأطباء الدوليين لاختبار مدى كفائتهم العملية و الطبية لممارسة الطب فى انجلترا. و هو الطريق الرئيسيى لعملك كطبيب متخصص فى انجلترا. طيب ليه امشى فى طريق المعادلة البريطانية، هستفاد ايه يعنى !؟...
egymd.com
** كدة انت اصبح عندك خلفية بسيطة عن الطريق اللي هتمشي فيه ..
هتبدأ ازاي ومنيبن بأة؟
1. قبل اي حاجة سيادتك لازم يكون معاك او ع الأقل بتحضر للحصول علي شهادة الـ IELTS بسكور 7.5 او شهادة الـ OET بسكور B ،، هتقولي كدا وصلنا للكلام اللي يزعل !! هاقولك كان زمان ايام ما كان لازم ال IELTS انما شهادة ال OET اسهل بمراحل و هتجيب فيها ال Score وانت حاطط رجل علي رجل هي غالية شويتين بس مضمونة و هتنجزك و ممكن تعرف اكتر عن شهادة ال OET ع اللينك دة
تم التحديث:معلومات سريعة عن اختبار و شهادة OET 2.0
تم التحديث بتاريخ 9 سبتمبر 2018 بناءاً على التحديثات الأخيرة لنظام الامتحان الجديد... طبعاً و بعد ان اعلن المجلس الطبى العام بالمملكة المتحدة GMC عن مفاجأة سارة، و هى الغاء شرط الحصول على شهادة الـ IELTS كشرط اساسى لدخول امتحانات المعادلة البريطانية. و ان شهادة الـ OET كافية لدخول الإمتحانات. و...
egymd.com
PLAB 1 - ازاى تحجز لامتحان الجزء الأول من المعادلة البريطانية PLAB 1
فى التوبيك دة هاوضح ازاى تسجل اكونت على موقع المعادلة البريطانية ( موقع المجلس الطبى العام بالمملكة المتحدة - GMC ) ، و تسجل لدخول امتحان الجزء الأول من المعادلة البريطانية PLAB 1 اعرف اكتر عن المعادلة البريطانية و نظام و مواعيد الامتحانات...
egymd.com
PLAB 1 - ازاى تحضر نفسك و تذاكر لإمتحان الجزء الأول من المعادلة البريطانية PLAB 1
دلوقتى حضرتك الحمد لله أخدت القرار خلاص و عقدت النية انك تبدأ فـ مشوار المعادلة البريطانية PLAB و بالفعل بدأت او خلصت شهادة الـ IELTS او شهادة الـ OET و بالفعل حجزت لامتحان الجزء الأول PLAB 1 و تمت الموافقة بدخولك للامتحان ... ازاى بأة هتبدأ تحضر نفسك و تذاكر لامتحان الجزء الأول PLAB 1 ، دة...
egymd.com
3. حضرتك امتحنت PLAB 1 ونجحت فيه الحمد لله يبقي حطيت رجلك علي اول الطريق خلاص و ضمنت السفر لانلجترا ... واول حاجة هتعملها بعد كدا هي انك تجهز نفسك للسفر لامتحان PLAB 2 الجزء التاني من المعادلة البريطانية و اول حاجة محتاج تعملها قبل ما تسافر هي انك تقدم علي تأشيرة سفر لبريطانيا و هتلاقي ع اللينك دة ، كل التفاصيل عن #فيزاالسفرلبريطانيا الخطوات و التكلفة و الأوراق المطلوبة..
PLAB 2 - الحصول على فيزا ( تأشيرة ) للسفر الى بريطانيا لامتحان PLAB 2
اولا بحييك على قرارك اللى اخدته، انك تهاجر و تسافر لانجلترا .. دلوقتى و بعد نجاحك فى امتحان الجزء الأول من المعادلة البريطانية PLAB 1 وقرارك انك تكمل و تسافر لامتحان PLAB 2 ، اول خطوة هتعملها بعد ما يوصلك خطاب GMC هى انك تقدم على الفيزا للسفر الى بريطانيا !! :unsure: و فـ التوبيك دة سريعاً...
egymd.com
مبروك ?? انت وصلت لندن .. ايوة بجد انت فـ لندن
صدقني من لحظة وصولك لندن انت حياتك اتغيرت تماما ،، انا كمان مكمل معاك ف البوست ومش هاسيبك كلنا جمبك و بنشجعك تكمل و بنحييك علي كل اللي وصلتله ،،
ف لندن انت ممكن تكون عارف حد من اهلك او قرايبك او اصحابك هناك و اللي هيساعدك بشكل كبير ع الاقامة و التنقل داخل لندن انت كدة مش محتاج حاجة تانية الحمد لله
طيب لو انت لواحدك !!؟ ما انا قلتلك انت مش لواحدك احنا كلنا معاااك ...
طبعا ف لندن لو متعرفش حد هتبقي تايه مش عارف هتسكن فين و لا هتروح وتيجي منين !!؟
علشان كدة لازم تشوف اللينك دة ، واللي بيتكلم عن الإقامة و التنقل في لندن منذ لحظة وصولك المطار...
PLAB 2 - الإقامة و التنقل فى لندن بعد السفر لامتحان PLAB 2
اولاً مبروووك على وصولك الى لندن و صولك الى هذه المرحلة ، احب اكدلك ان مسار حياتك كله هيتغير بعد المرحلة دى و بعد وصولك الى لندن .. اكيد طبعاً اكتر تخوف بالنسبة لاى حد بيفكر فـ السفر هو الغربة و الخوف من البهدلة برا بلدك !! و انك ممكن تكون لواحدك فـ بلد اجنبى غريب من غير حد من أهلك او اصدقائك...
egymd.com
حمد الله ع السلامة يا بطل مع نفسك بأة
متقلقش وتوكل علي الله واعقد النية وهتلاقي الامور كلها ميسرة معاك
انت فعلا مش محتاج حاجة تانية ،، من بعد وصولك واستقرارك ف لندن هتلاقي الامور ماشية واحدة واحدة ورا بعضها لحد ما تخلص ال PLAB 2 و تبدأ شغلك وحياتك المستقرة ف لندن.
اتمني اكون افدت ولو بالقليل وساعدت حد فعلا ع السفر وتغيير حياته
وقريب باذن الله هاتكلم اكتر عن حياتك في لندن و عن PLAB 2
ومتنسناش من دعواتك فـ الارض المباركة اخت الدنيا #بريطانيا العظمي
#شير يمكن تساعد حد فعلا
#الطريقاليبريطانيا
#السفرالىانجلترا
#EgyMD
التعديل الأخير:
