تمت الاجابة السفر للدول العربية بعد الاستقالة

[Esraa Allam]

لو سمحت كنت عاوزة أعرف لو انا استقالت من وزارة الصحة واخدت نايب زاير فى تخصص ما لمدة سنتين وبعدها حبيت اسافر دولة من الدول العربية زى الامارات مثلا هل ينفع ف الدول العربية انى اخد نايب زاير برضه او لو حبيت اشتغل فى اى مستشفى هناك هيبقى تحت انهى مسمى وظيفى يعنى هبقا ممارس عام ولا عادى هاخد نايب زاير ف التخصص االى عاوزاه. وهل هحتاج لاى امتحانات تبعهم قبل ما اسافر ولا اكتفى بشهادة الخبرة وشهادة التخرج والامتياز بس؟

Earn money with EgyMD

 

[MaHmOuD MyStErO]

السفر بعد التخرج بيعتمد على التوجه او المكان اللى حضرتك ناوية تسافريه و عليه بتحددى الطريق اللى هتمشى فيه ان شاء الله

• اول نقطة ان اى سنة تدريبة او عملية هنا تضاف لسنين الخبرة لحضرتك لكن من غير دراسات عليا بتكون سنين خبرة من غير تخصص.

اى دولة حضرتك هتسافريها هتكون محتاجه شهادة :

• محتاجه تسافرى على شغل على طول يبقى على الأقل ماجستير او اى شهادة اجنبية فى التخصص على حسب البلد.
• او انك تسافرى من بدرى بشهادة التخرج بتاعتك و تبدأى طريق تدريبى هناك من بعد التخرج و ده هيكون على حسابك الشخصى غالبا بشكل كامل ( الا لو منحة ).

معلومات اكتر عن السفر و العمل فى الامارات

كل ما تحتاج معرفته عن السفر و العمل كطبيب حكومى فى الإمارات 2023

السلام عليكم ، اكيد طبعاً مفيش اكتر من المعلومات و الداتا المتوفرة عن الشهادات و المعادلات الأجنبية للدول الأجنبية و الأوروبية زى امريكا ( USMLE ) و انجلترا ( MRCP,PLAB ) و دول تانية زى استراليا و كندا ... لكن المرة دى كلامى هيكون على حاجة جديدة ، محدش اتكلم فيها كتير ... كلامى هيكون عن السفر و...

egymd.com

اتمنى اكون وضحت لحضرتك و اى استفسار اضافى تحت امرك

 

[Esraa Allam]

متشكرة جدا لحضرتك، بس كنت عاوزة افهم لو سافرت بعد التخرج واتدربت هناك ممكن اتدرب ف تخصص معين انا عاوزاه؟ والتدريب قصد حضرتك انى هدفع فلوس فى مقابل التدريب ده؟

 

[MaHmOuD MyStErO]

ممكن طبعا تتدربى فـ التخصص اللى حضرتك تحبيه و تشتغليه ان شاء الله ،
و التكلفة هتكون تكلفة كل شىء فى السفر من حيث الإقامة و التنقل و التدريب .. ( الا لو منحة ) .

 

[Esraa Allam]

طيب معلش انا بس محتاجة أعرف ايه شروط النايب الزاير ف مستشفيات مصر وهل التقدير بيفرق.. كمان كنت عاوزة أعرف لو حضرتك عندك معلومات عن المستشفيات اللى الزمالة البريطانية بتعترف بالتدريب فيها فى مصر؟ وشكرا لتعب حضرتك

 

[MaHmOuD MyStErO]

النايب الزائر شروطه علي حسب الجامعة و المكان
هل كان اعلان ليه شروطه !؟
ولا مع الماجستيىر ؟

ف التوبيك دة معلومات اكتر

يعنى ايه نائب زائر ، المميزات و العيوب!!؟

السلام عليكم ، كنت فى مواضيع سابقة اتكلمت عن مفهوم نيابات الجامعة ( نيابات الأوائل ) و كمان نيابات الصحة ( اماكن النيابات مميزات و عيوب ) ... فى التوبيك دة هاتكلم عن النائب الزائر ( الـ Visitor ) فى الجامعة، يعنى ايه نائب زائر ايه المميزات و العيوب و ازاى تقدم عليه !!؟ معناها انك تكون نائب...

egymd.com

الزمالة البريطانية مش بتحتاج مكان تدريبي معترف
اهم حاجة النجاح ف الامتحانات ،،
معلومات اكتر

MRCP - معلومات سريعة عن الزمالة البريطانية

الزمالة البريطانية فى الطب تعنى حصولك على عضوية فى الجمعية الملكية للأطباء البريطانيين ( Membership ) - و اللى بتديك امتيازات كتير جداً من ضمنها اشتراكات فى مجلات علمية و مواقع انترنت عالمية زى ( Librarian Information Services ) ، بالإضافة لقوة الشهادة البريطانية نفسها اللى معترف بيها عالمياً...

egymd.com