MRCS الزمالة البريطانية فى الجراحة دليل كامل

فى التوبيك دة ان شاء الله هتكلم بشكل مفصل و كامل عن الزمالة البريطانية فى الجراحة MRCS بحيث يكون دليل شامل باذن الله للمهتمين ،
هتكلم عن مفهوم الزمالة البريطانية فى الجراحة و نظام الامتحانات و ازاى تقدم للامتحانات و التكلفة الكاملة ان شاء الله .

و قبل ما ابدأ اتكلم لازم تبقى عارف انه فيه 4 كليات للجراحة فى انجلترا و هما Royal College of Surgeons of Edinburgh , The Royal College of Surgeons of England , Royal College of Physicians and Surgeons of Glasgow , Royal College of Surgeons in Ireland و لازم تعرف ان دول المسئولين بشكل كامل عن تخصص الجراحة فى انجلترا.

ما هى الزمالة البريطانية فى الجراحة MRCS ؟

The Intercollegiate Membership examination of the Royal Colleges of Surgeons (MRCS) ، عبارة عن مجموعة من الاختبارات اللى لازم تنجح فيها للحصول على الزمالة البريطانية فى الجراحة و التسجيل فى GMC ، و خلينا نكمل كلامنا و نقول

ايه هى مميزات شهادة الزمالة البريطانية فى الجراحة او ايه اللى ممكن تستفاده من حصولك على الـ MRCS

  • أول حاجة لازم تبقى عارفها هى انك مش محتاج تسافر برا مصر علشان تمتحن و تاخد الشهادة . ( الا لو انت ناوى تكمل بالشهادة برا ان شاء الله ).
  • تانى حاجة انك لو ناوي تكمل فى انجلترا ان شاء الله هتساعدك جدا على التسجيل فى GMC و تكمل طريق المعادلة PLAB.
  • تكلفة الامتحانات و الرسوم مش مرتفعة بشكل كبير مقارنة بشهادات اجنبية تانية زى المعادلة الأمريكية USMLE .
  • الامتحانات مش صعبة مقارنة بشهادات تانية بالاضافة الى توفر مصادر المذاكرة و تجارب اطباء كتير قبل كدة.
  • شهادة معترف بها دوليا و ممكن تساعدك بشكل كبير جدا على السفر و خصوصا دول الخليج زى السعودية او الكويت او عمان.
  • كمان لو انت بتاخدها و ناوى تكمل بيها فى مصر فخلينى اقولك انها بتعادل شهادة الماجستير المصرى او الدكتوراة لو انت معاك ماجستير ( بشرط مناقشة الرسالة ). " جدول الترقيات بنقابة الاطباء "

نظام امتحانات الزمالة البريطانية فى الجراحة MRCS Exams

عبارة عن امتحانين بس الحمد لله ، امتحان الحزء الأول Part A MCQ و امتحان الجزء التانى العملى OSCE

امتحان الجزء الأول MRCS Part A

و دة عبارة عن امتحان MCQ من ورقتين ، الورقة الاولى و بنسميها ABS paper و عبارة عن اسئلة MCQ بتختبر معلوماتك في الطب بشكل عامل Applied Basic Science و مدة الامتحان 3 ساعات و بيكون وراها ورقة تانية بنسميها PoSG و دى عبارة عن اسئلة MCQ برده مدتها ساعتين و الاسئلة فيها كلها عن الجراحة العامة Principles of Surgery in General
و الجميل بأة و الجديد انه بداية من سبتمبر 2020 ، و نتيجة للظروف العالمية مع انتشار فيروس كورونا الامتحان دة بأة اون لاين يعنى حضرتك هتمتحن و انت فـ بيتك :D ,, لكن طبعا الامتحان الاون لاين بيكون ليه قواعد و شروط جديدة تقدر تعرفها من هنا
كمان ليك 6 محاولات او مرات دخول للجزء الأول و ان شاء الله ربنا يكرمك و تنجح من اول مرة :)

** التقدم للامتحان مفتوح و متاح حتى 20 ابريل 2021 ان شاء الله و تقدر تحجز للامتحان من خلال اللينك دة


امتحان الحزء الثانى MRCS PART B

و دة امتحان العملى OSCE ، و طبعا لازم تكون نجحت فى الجزء الأول علشان تقدر تدخل الامتحان دة و امتحان العملى دة بيكون عبارة عن 18 محطة كل محطة لمدة 9 دقايق و بتقسموا كالتالى :
Anatomy and surgical pathology -5 stations
Applied surgical science and critical care -3 stations
Clinical and Procedural Skills -6 stations
Communication skills -4 stations

برده الجديد انه كان فيه كلام انهم عايزين يعملوا الامتحان دة اون لاين عن طريق الـ Video Conference ، لكن بيبقى على حسب الاعداد اللى بتقدم و امكانيات المكان اللى هتمتحن فيه
لكن عموما الامتحان دة بيكون فى مصر ان شاء الله مش محتاج تسافر
ليك 4 محاولات فى الامتحان دة و ان شاء الله تنجح من اول مرة.

** للاسف حاليا مفيش اى مواعيد جديدة او متاحة للامتحان بسبب ظروف الكورونا ، وهيتم التحديث لاى جديد.
Booking is currently suspended for the MRCS Part B October 2020 examinations in Cairo



تكلفة و رسوم التقدم و الامتحانات

  • رسوم الحجز و دخول امتحان الجزء الاول حوالى 550 جنيه استرليني.
  • رسوم الحجز و دخول امتحان الجزء الثانى حوالى 970 جنيه استرلينى.

باذن الله قريب جدا هيكون فيه كلام مفصل كتير عن كل امتحان و طريقة الحجز للامتحانات و مصادر المذاكرة ، وكمان عن الطريق الكامل بعد الزمالة البريطانية فى الجراحة
 

المرفقات

  • MRCS A DOHNS 1 FAQ FINAL.pdf
    281.9 KB · المشاهدات: 17

MaHmOuD MyStErO

Administrator
طاقم الإدارة
Staff Member
1,400
2,001

MaHmOuD MyStErO

Administrator
طاقم الإدارة
Staff Member
1,400
2,001
لو سمحت لو انا عايز اخد زمالة neurosurgery ايه الخطوات اللي امشي فيها هل ببدا بال MRCS ؟
ال MRCS من ضمن الطريق بتاعك
لكن الموضوع بيعتمد اكتر بعد كدة لاختيارك علي الطريق اللي عايز تكمل فيه

1256CC9C-BFE7-4A03-A51B-5303E2855841.png FAFF76D7-598A-40E1-AD19-38CFD4724718.png 707FC66B-BDC1-4118-AF36-7A41C3517CD5.png

و ان شاء الله قريب هنحاول يكون فيه معلومات كاملة عن التخصص
 

قد يهمك ايضاً !

تريند علي EgyMD