الدبلومة الاوروبية فى التخدير EDAIC

الدبلومة الاوروبية فى التخدير و العناية المركزة ( EDAIC ) ، دبلومة مهنية من جزئين امتحانات .. و تعتبر من الطرق البديلة لاطباء التخدير للسفر و العمل فى انجلترا ، دة بالاضافة الى مميزات الدبلومة دى فى مصر و اللى هنتكلم عنها بالتفصيل .

CESMA Endorsement.png


فـ التوبيك دة هتكلم عن الدبلومة الاوروبية فى التخدير فى مصر تحديداً ، و دة لان فيه اتفاق مشترك ما بينها و ما بين الزمالة المصرية ، و دى تعتبر نقطة قوية جدا ..


هاتكلم الأول عن مميزات الدبلومة الاوروبية فى التخدير او ليه ممكن تفكر فيها كطبيب تخدير فى مصر :

  • يعتبر اهم و اقوي ميزة للشهادة دى انها طريق بديل قصير و غير مكلف للسفر و العمل كطبيب تخدير فى انجلترا و التسجيل فى الـ GMC مباشرة.
  • الدبلومة معترف بيها فى مصر من الزمالة المصرية ، و لو انت طبيب فى الزمالة المصرية نجاحك فى الجزء الأول من الدبلومة يعفيك من امتحان الجزء الاول من الزمالة المصرية.
  • امتحان الجزء الأول من الدبلومة بيكون فى مصر و بالتالى مفيش تكاليف اكتر للسفر و الامتحان ، ( و كان فيه كلام ان احتمال قريب يكون امتحان الجزء التانى كمان فى مصر او يكون اون لاين ) .
  • اجمالى التكاليف اقل مقارنة بالزمالات او الشهادات الأجنبية الاخرى.
  • الحصول على عضوية بالجمعية الاوروبية للتخدير و العناية المركزة.

هل انا مؤهل للتقدم للامتحانات !!؟

نعم انت مؤهل لدخول الامتحانات فى مصر طالما انك مصري الجنسية و معاك ما يثبت عملك فى مجال التخدير ، لكن خليك فاكر انك علشان تكمل طريقك برا مصر لازم ولابد من شهادة لغة IELTS او OET

امتحانات الدبلومة الاوروبية فى التخدير :

عبارة عن امتحانيين اساسيين جزء اول Written و الجزء الثانى Oral

امتحان الجزء الأول من الدبلومة الاوروبية فى التخدير

عبارة عن امتحان من ورقتين MCQ الورقة الأولى خاصة بالـ basics ، و الورقة التانية clinical anesthesia and intensive care medicine و كل ورقة عبارة عن 60 سؤال
الامتحان دة بيكون مرة واحدة سنويا اما فى اخر سبتمبر او اول اكتوبر و بيكون في مصر .. غالبا فى مقر الزمالة المصرية ( الامتحان لسنة 2021 من المقرر انه يكون يوم 11 سبتمبر ان شاء الله ).
الامتحان دة الزمالة المصرية بتكون مسئولة عنه بشكل كامل من اول الاعلان و دفع رسوم الامتحان و كمان اجراء الامتحانات .. و من المتوقع ان التقديم السنة دى يكون خلال شهر ابريل 2021.

بدأ التسجيل للدبلومة الأوروبية للتخدير 2021 | EGYMD


امتحان الجزء الثاني من الدبلومة الأوروربية فى التخدير

و دة امتحان الـ Oral و عبارة عن 4 لجان شفوى ، مدة كل لجنة 25 دقيقة هتدخل فى كل لجنة على 2 اساتذة ، الامتحان بيكون سنويا ما بين شهر فبراير و نوفمبر .
و طبعا نجاحك فى الجزء الاول شرط دخول الجزء الثاني
للاسف الامتحان دة حتى الان بيكون خارج مصر ، لكن فيه كلام انه احتمال قريب جدا يتم عقده فى مصر و كمان كان فيه كلام انه ممكن يكون اون لاين ...
وتقدر تطلع على اماكن و تواريخ الامتحان من هنا

رسوم الحصول على الدبلومة الأوروبية فى التخدير و دخول الامتحانات .


العنصرالرسوم
دخول امتحان الجزء الأول170 يورو يخصم منها 50 يورو فى حالة الإعتذار + 55 يورو لصالح الزمالة المصرية
دخول امتحان الجزء الثانى550 يورو للمحاولة الأولى
340 يورو لمحاولات اخرى

التحضير و مصادر المذاكرة للدبلومة الاوروبية فى التخدير


حاليا يتم تجميع كافة المصادر المتاحة و الخبرات السابقة من زمايلنا و فى اقرب وقت ان شاء الله سيتم نشرها

لو عندك اى سؤال او استفسار او اضافة جديدة ياريت تسيبها فى كومنت ..
 

التعديل الأخير:

Dr Samia

New member
1
1
السلام عليكم
ممكن لوسمحت لو عندك معلومة عن Epnic
الدبلومة الاوربية للعناية المركزة
هل لها نفس المميزات ومن نفس المصدرأو الجهة لدبلومة التخدير
وهل تنصحني بأخذها
اذا حضرتك عندك معلومات تواصل ايميل
hsabm5@gmail.com
 
  • Like
التفاعلات: MaHmOuD MyStErO

MaHmOuD MyStErO

Administrator
طاقم الإدارة
Staff Member
1,400
2,001
السلام عليكم
ممكن لوسمحت لو عندك معلومة عن Epnic
الدبلومة الاوربية للعناية المركزة
هل لها نفس المميزات ومن نفس المصدرأو الجهة لدبلومة التخدير
وهل تنصحني بأخذها
اذا حضرتك عندك معلومات تواصل ايميل
hsabm5@gmail.com

باذن لله هنحاول نوفر معلومات كاملة في اقرب وقت ممكن
 

قد يهمك ايضاً !

تريند علي EgyMD