الحالة دي من اجمل حكايات غدد الاطفال اللي سمعتها لانها انقذت حياة طفل بتفكير علمي منسق جدااا.. بصراحة قوية جدا وتفكير مش اعتيادي.
..ولد ١٣ سنة طالب متفوق في دراسته.. نموه كويس ومافيش اي مشاكل.
.. ظهرت عليه علامات البلوغ ومافيش اي مشاكل عنده.
.. الولد وزنه كويس ماشي مع طوله وسنه.
.. لحد دلوقت تمام..
.. لاحظ نمو غير معتاد في ثديه لدرجة ملحوظة وبدات تضايقه وهو بيغير هدومه وحتي بتظهر من ملابسه واللي بيظهرها اكتر ان وزنه مش كبير فظاهر عدم التناسق وبدا الولد يسمع سخافة اصحابه في المدرسة.
.. اشتكي لوالدته اللي بدات تلاحظ فعلا ان حجم ثديه اكبر من المعتاد لولد.
.. راحت لدكتور الاطفال بتاعه.. اللي فحصه وسال عن البلوغ وطمنهم ان دا معتاد في سن المراهقة قبل البلوغ وممكن يستمر لما بعد البلوغ في 25 في المية من الاطفال نتيجة لشوية لخبطة هرمونات بين الاستروجين والتستوسترون فبيفقد التوازن مابينهم موقتا لصالح الاستروجين اللي بيذود نمو نسيج الثدي وبيعمل تثدي موقت gynecomastia بيتحسن بالوقت في خلال ٦ شهور لسنتين.
.. الام اتطمنت وبدات تنسي وتتناسي الموضوع لكن الولد كان متضايق جداا لان الموضوع بيذيد مابيقلش وبقي مؤلم جسديا ونفسيا.
.. بعد ٦ شهور كان الحجم ذاد جدا فلما الدكتور شاف الولد لقاه نفسيا متدمر.
.. قال للام انه هيبدا يعمله فحوصات وبدا يسالها عن طبيعة اكله ولو بياخد اي اعشاب او زيوت او اي حاجة تكون مصدر للاستروجين ومجهولة المصدر.. الام نفت دا كله.
.. سال عن اي ادوية بياخدها ممكن تعمل كدا والحقيقة مأكنش فيه لان ايه اللي هيخلي طفل زي دا ياخد ادوية من عينة ال estrogen او antiandrogen او spironolactone او nifedipine او cimetidine مالقاش حاجة مهمة.
.. بدا يفكر منطقي سحبله وظائف كلي وكبد وتحاليل زكورة FSH.. LH.. testosterone.. وكمان طلبله هرمون اللبن وتحاليل غدة درقية واستني النتايج وكل حاجة لها مغزي..
١.وظائف كلي لان الفشل الكلوي المزمن بيوثر علي خلايا الخصية وقدرتها علي افراز التستوسترون.
٢.وظائف كبد لانه في الفشل الكبدي المزمن بيبقي فيه increased aromatization ودي العملية اللي بتحول التستوسترون لاستروجين فبتذيد وكمان المرضي بيمشوا علي دواء بيعمل تثدي زي ال aldactone.
٣.تحاليل الزكورة لبيان ضعف جنسي اولي مكانه الخصية primary hypogonadism ودا بيقل فيه التستوسترون وبيذيد فيه FSH و LH.. او تثدي ثانوي secondary hypogonadism بيقل فيه تستوسترون وبيقل ال FSH و LH .
٤.هرمون اللبن prolactin اللي زيادته ممكن تعمل كدا.
٥.وظائف غدة درقية T3 و T4 و TSH اللي بتذيد جدا في حالات فرط افراز الغدة الدرقية thyrotoxicosis وفيها بيذيد تحويل التستوسترون لاستروجين enhanced aromatization.
.. كل التحاليل طلعت طبيعي فدكتور الغدد الجديد طمنهم واقترح علي الام انها تدي tamoxifen 10mg قرص مرتين لمدة 3 ل 6 شهور ودا بيقلل الاستروجين اللي بيبقي سبب رئيسي في الخلل دا.
.. الولد بدا العلاج الهرموني ومافيش تحسن الوضع بيسوء.
.. فراح لطبيب غدد تاني اللي قاله ان حالته ممكن يحتاج جراحة لان نسيج الثدي غالبا حصل فيه تليف.
.. بس من غير مايقلق الام طلب منها تحليل نسبة استروجين بالدم لان معني وجودها عالية وجود ورم بالخصية مفرز لها او ورم غدة كظرية بس طلع التحليل برضه طبيعي.
.. طلب منهم يتوجهوا لجراح ويجهزوا الولد لعملية.
.. في الاثناء دي وضع الولد بقي ماساوي وبدا يخس ويحس بالم في جسمه جدا والتثدي زاد وساعات يدخل في نوبات ارتفاع حرارة بلا سبب.. الام قلقت وبدات تدور علي طبيب جراحة كويس للعملية.
.. هنا كاجراء اخير لجات لعيادة الغدد في مستشفي جامعي لانها دايما كانت شايفة الكشف المجاني مش مثمر ومش بالكفاءة زي الكشف عند استشاريين بالفلوس.
.. الحالة بتحاليلها واشعاتها كانت غريبة ومثيرة.. الامر اللي خلاهم يقدموها في استاف راوند كبير قدام تجمع من استشاري غدد الاطفال كبير ياخدوا رايهم.
.. مع منظر الولد وحجم الثدي وعياط الام.. معظم الاستشاريين اتفقوا علي ان العملية مناسبة جدا وكتير منهم عرض يساعده يعملها مجاني في مستشفي الجامعة عند حد ثقة.
.. الا حد واحد كان مصر انه في احتمال لا يتعدي نص في المية لسه ما اتعملش ولا اتفحص ولا اتحط في الحسبان.
.. الاستشارية العظيمة دي اصرت تعمله HCG..
.. نعم هرمون الحمل في الستات هيتعمل لولد في البلوغ.
.. ايوه وايه المانع نفكر في HCG secreting tumors او اورام مفرزة ل HCG اللي بتعمل تثدي.
.. دا احتمال في كل الكتب منعدم يادكتورة نادر اووي وازاي هنقنع الام ابنها يعمل اختبار حمل مش منطقي.
.. اصرت علي موقفها.. ولتميزها العلمي ومكانتها اتعمل التحليل بعد تريقة من اكتر من معمل وسخافات علي الولد والام.
.. النسبة طلعت عالية جدا واتعادت في معمل كمان نفس الرقم.
.. اوووبا كدا احنا اتزنقنا بين احتمالين اوحش من بعض..
١.لازم نعمل سونار خصية testicular US لاستبعاد اورام خصية مفرزة ل HCG وطلع سليم فعلا.
٢.الاحتمال التاني ورم صدر او ورم بطن مفرز ل HCG واطلبله مقطعية صدر وبطن.
.. للاسف طلع ورم فعلا البطن حجمه مش صغير وبيفرز الهرمون وحولوه علي معهد الاورام وانقذوا حياته فعلا لانه سبحأن الله استجاب للعلاج عكس المتوقع لكنها ارادة الله.
.. ودي كانت من قصص غدد الاطفال المثيرة والجميلة لانها انتهت بانقاذ حياة طفل.
..ولد ١٣ سنة طالب متفوق في دراسته.. نموه كويس ومافيش اي مشاكل.
.. ظهرت عليه علامات البلوغ ومافيش اي مشاكل عنده.
.. الولد وزنه كويس ماشي مع طوله وسنه.
.. لحد دلوقت تمام..
.. لاحظ نمو غير معتاد في ثديه لدرجة ملحوظة وبدات تضايقه وهو بيغير هدومه وحتي بتظهر من ملابسه واللي بيظهرها اكتر ان وزنه مش كبير فظاهر عدم التناسق وبدا الولد يسمع سخافة اصحابه في المدرسة.
.. اشتكي لوالدته اللي بدات تلاحظ فعلا ان حجم ثديه اكبر من المعتاد لولد.
.. راحت لدكتور الاطفال بتاعه.. اللي فحصه وسال عن البلوغ وطمنهم ان دا معتاد في سن المراهقة قبل البلوغ وممكن يستمر لما بعد البلوغ في 25 في المية من الاطفال نتيجة لشوية لخبطة هرمونات بين الاستروجين والتستوسترون فبيفقد التوازن مابينهم موقتا لصالح الاستروجين اللي بيذود نمو نسيج الثدي وبيعمل تثدي موقت gynecomastia بيتحسن بالوقت في خلال ٦ شهور لسنتين.
.. الام اتطمنت وبدات تنسي وتتناسي الموضوع لكن الولد كان متضايق جداا لان الموضوع بيذيد مابيقلش وبقي مؤلم جسديا ونفسيا.
.. بعد ٦ شهور كان الحجم ذاد جدا فلما الدكتور شاف الولد لقاه نفسيا متدمر.
.. قال للام انه هيبدا يعمله فحوصات وبدا يسالها عن طبيعة اكله ولو بياخد اي اعشاب او زيوت او اي حاجة تكون مصدر للاستروجين ومجهولة المصدر.. الام نفت دا كله.
.. سال عن اي ادوية بياخدها ممكن تعمل كدا والحقيقة مأكنش فيه لان ايه اللي هيخلي طفل زي دا ياخد ادوية من عينة ال estrogen او antiandrogen او spironolactone او nifedipine او cimetidine مالقاش حاجة مهمة.
.. بدا يفكر منطقي سحبله وظائف كلي وكبد وتحاليل زكورة FSH.. LH.. testosterone.. وكمان طلبله هرمون اللبن وتحاليل غدة درقية واستني النتايج وكل حاجة لها مغزي..
١.وظائف كلي لان الفشل الكلوي المزمن بيوثر علي خلايا الخصية وقدرتها علي افراز التستوسترون.
٢.وظائف كبد لانه في الفشل الكبدي المزمن بيبقي فيه increased aromatization ودي العملية اللي بتحول التستوسترون لاستروجين فبتذيد وكمان المرضي بيمشوا علي دواء بيعمل تثدي زي ال aldactone.
٣.تحاليل الزكورة لبيان ضعف جنسي اولي مكانه الخصية primary hypogonadism ودا بيقل فيه التستوسترون وبيذيد فيه FSH و LH.. او تثدي ثانوي secondary hypogonadism بيقل فيه تستوسترون وبيقل ال FSH و LH .
٤.هرمون اللبن prolactin اللي زيادته ممكن تعمل كدا.
٥.وظائف غدة درقية T3 و T4 و TSH اللي بتذيد جدا في حالات فرط افراز الغدة الدرقية thyrotoxicosis وفيها بيذيد تحويل التستوسترون لاستروجين enhanced aromatization.
.. كل التحاليل طلعت طبيعي فدكتور الغدد الجديد طمنهم واقترح علي الام انها تدي tamoxifen 10mg قرص مرتين لمدة 3 ل 6 شهور ودا بيقلل الاستروجين اللي بيبقي سبب رئيسي في الخلل دا.
.. الولد بدا العلاج الهرموني ومافيش تحسن الوضع بيسوء.
.. فراح لطبيب غدد تاني اللي قاله ان حالته ممكن يحتاج جراحة لان نسيج الثدي غالبا حصل فيه تليف.
.. بس من غير مايقلق الام طلب منها تحليل نسبة استروجين بالدم لان معني وجودها عالية وجود ورم بالخصية مفرز لها او ورم غدة كظرية بس طلع التحليل برضه طبيعي.
.. طلب منهم يتوجهوا لجراح ويجهزوا الولد لعملية.
.. في الاثناء دي وضع الولد بقي ماساوي وبدا يخس ويحس بالم في جسمه جدا والتثدي زاد وساعات يدخل في نوبات ارتفاع حرارة بلا سبب.. الام قلقت وبدات تدور علي طبيب جراحة كويس للعملية.
.. هنا كاجراء اخير لجات لعيادة الغدد في مستشفي جامعي لانها دايما كانت شايفة الكشف المجاني مش مثمر ومش بالكفاءة زي الكشف عند استشاريين بالفلوس.
.. الحالة بتحاليلها واشعاتها كانت غريبة ومثيرة.. الامر اللي خلاهم يقدموها في استاف راوند كبير قدام تجمع من استشاري غدد الاطفال كبير ياخدوا رايهم.
.. مع منظر الولد وحجم الثدي وعياط الام.. معظم الاستشاريين اتفقوا علي ان العملية مناسبة جدا وكتير منهم عرض يساعده يعملها مجاني في مستشفي الجامعة عند حد ثقة.
.. الا حد واحد كان مصر انه في احتمال لا يتعدي نص في المية لسه ما اتعملش ولا اتفحص ولا اتحط في الحسبان.
.. الاستشارية العظيمة دي اصرت تعمله HCG..
.. نعم هرمون الحمل في الستات هيتعمل لولد في البلوغ.
.. ايوه وايه المانع نفكر في HCG secreting tumors او اورام مفرزة ل HCG اللي بتعمل تثدي.
.. دا احتمال في كل الكتب منعدم يادكتورة نادر اووي وازاي هنقنع الام ابنها يعمل اختبار حمل مش منطقي.
.. اصرت علي موقفها.. ولتميزها العلمي ومكانتها اتعمل التحليل بعد تريقة من اكتر من معمل وسخافات علي الولد والام.
.. النسبة طلعت عالية جدا واتعادت في معمل كمان نفس الرقم.
.. اوووبا كدا احنا اتزنقنا بين احتمالين اوحش من بعض..
١.لازم نعمل سونار خصية testicular US لاستبعاد اورام خصية مفرزة ل HCG وطلع سليم فعلا.
٢.الاحتمال التاني ورم صدر او ورم بطن مفرز ل HCG واطلبله مقطعية صدر وبطن.
.. للاسف طلع ورم فعلا البطن حجمه مش صغير وبيفرز الهرمون وحولوه علي معهد الاورام وانقذوا حياته فعلا لانه سبحأن الله استجاب للعلاج عكس المتوقع لكنها ارادة الله.
.. ودي كانت من قصص غدد الاطفال المثيرة والجميلة لانها انتهت بانقاذ حياة طفل.
DR.AMR OMAR
