السلام عليكم ،
مبرووووك تخرجك بشكل كامل و انهاء فترة تدريبك، و مرحبا بك فـ وزارة الصحة
، خليك فاكر انت اللى اخترت الطريق و دخلت برجليك
فـ التوبيك دة هاحاول اساعد ولو بجزء بسيط من خلال تقديم بعض المعلومات اللى هتفيدك باذن الله لإستلام التكليف.
الحمد لله نتيجة تكليف الأطباء 2018 ظهرت وباذن الله ربنا يكون اكرمك بمكان كويس، و المفروض ان حضرتك من فترة كنت مجهز ورقك فـ اخر سنة الإمتياز وسجلت فـ النقابة و كمان معاك ترخيص مزوالة المهنة.
و حاليا منتظر وصول جوابات نتيجة التكليف الى مديريات الشئون الصحية علشان تقدر تستلم تكليفك. فـ الفترة دة باة هتبدأ تجمع ورقك و تجهز الورق اللى ناقص..
1. اول حاجة هتجيب دوسية لطيف ظريف و تجمع فيه الورق اللى هاقولك عليه:
2. حضرتك قبل ما تعمل حاجة تانية اتأكدت ان نتيجة التكليف وصلت المديرية اللى هتروح تستلم فيها ..، لو كدة يبقى اول حاجة هتعملها تتصل بالرقم 19608 و دة الخط الساخن للتأمين الصحى علشان تحدد ميعاد للكشف الطبى .. و دى خطوة اساسية و لازم تتعمل .. خلى بالك احجز الميعاد على اساس اليوم اللى هتروح فيه المديرية او بعده لان انت لازم تروح المديرية تختم ( استمارة 111 ). يعنى انا مثلاً تكليفى كان فـ اسوان و اتاكدت ان النتيجة وصلت المديرية و قررت انى اسافر و حددت ميعاد ( 26 ابريل اكون هناك باذن الله ) و عليه حددت معاد الكشف الطبى و حجزت تذكرة القطر و رتبت نفسى.
3. هتاخد الدوسية بتاعك و الأوراق اللى جهزتها و تتوكل على الله تروح مديرية الشئون الصحية بالمحافظة المكلف عليها، اول حاجة هتعملها زى ما قلنا انك هتختم استمارة الكشف الصحى.. و تخلص الكشف الصحى بتاعك، و ترجع تسلم الملف بتاعك بكامل الأوراق معاها استمارة الكشف الصحى كاملة و انت فـ المديرية هتملى اوراق تانية كتير و تختمها علشان تتحفظ فـ الملف بتاعك و تستلم العمل بعدها.
4. بعد انهائك فى المديرية هتاخد منهم جواب موجه للإدارة الصحية اللى هتستلم فيها داخل محافظة تكليفك، و الإدارة بدورها هتسلمك جواب عمل للوحدة الصحية لاستلام العمل هناك .
ويلكم بأة ياباشا فـ وحدتك الصحية الجميلة عاوزك تهاف فان ع الأخر
عاوزك تدخل عليهم أسد فاهم كل حاجة، عارف حقوقك و واجباتك ، علشان كدة ضرورى تشوف التوبيك دة | إعرف بعض الأمور الإدارية و القانوينة الهامة خلال سنة التكليف
وكمان متنساش تحمل الـ PDF دة | Practice Guidelines For Family Physicians، و اللى بتكلم عن سنة التكليف من A-Z
و لو عندك اى استفسار او سؤال او طلب سيب كومنت و هاحاول اساعدك باذن الله .
[GROUP=3][/GROUP]
بالتوفيق ،،،
مبرووووك تخرجك بشكل كامل و انهاء فترة تدريبك، و مرحبا بك فـ وزارة الصحة
، خليك فاكر انت اللى اخترت الطريق و دخلت برجليك فـ التوبيك دة هاحاول اساعد ولو بجزء بسيط من خلال تقديم بعض المعلومات اللى هتفيدك باذن الله لإستلام التكليف.
الحمد لله نتيجة تكليف الأطباء 2018 ظهرت وباذن الله ربنا يكون اكرمك بمكان كويس، و المفروض ان حضرتك من فترة كنت مجهز ورقك فـ اخر سنة الإمتياز وسجلت فـ النقابة و كمان معاك ترخيص مزوالة المهنة.
و حاليا منتظر وصول جوابات نتيجة التكليف الى مديريات الشئون الصحية علشان تقدر تستلم تكليفك. فـ الفترة دة باة هتبدأ تجمع ورقك و تجهز الورق اللى ناقص..
1. اول حاجة هتجيب دوسية لطيف ظريف و تجمع فيه الورق اللى هاقولك عليه:
- أصل شهادة تخرج.
- أصل شهادة إمتياز.
- ترخيص مزاولة المهنة.
- شهادة الميلاد او مستخرج رسمى منها.
- إقرار ذمة مالية " يمكن الحصول عليه من مكاتب البريد "
- صور من بطاقة الرقم القومى.
- شهادة بموقف التجنيد بالنسبة للذكور
- 6 صور شخصية
- فيش جنائى موجه لمديرية الشئون الصحية بالجهة المكلف عليها.
- اسمتارة 111 الخاصة بالتأمين الصحى " و دى هتجيبها من اقرب مركز بيوفرها فـ مدينتك، و بـ 13 جنيه فقط "
- استمارة 105 ، 103
- الرقم التأمينى " من اقرب مكتب تأمينات تابع له "
2. حضرتك قبل ما تعمل حاجة تانية اتأكدت ان نتيجة التكليف وصلت المديرية اللى هتروح تستلم فيها ..، لو كدة يبقى اول حاجة هتعملها تتصل بالرقم 19608 و دة الخط الساخن للتأمين الصحى علشان تحدد ميعاد للكشف الطبى .. و دى خطوة اساسية و لازم تتعمل .. خلى بالك احجز الميعاد على اساس اليوم اللى هتروح فيه المديرية او بعده لان انت لازم تروح المديرية تختم ( استمارة 111 ). يعنى انا مثلاً تكليفى كان فـ اسوان و اتاكدت ان النتيجة وصلت المديرية و قررت انى اسافر و حددت ميعاد ( 26 ابريل اكون هناك باذن الله ) و عليه حددت معاد الكشف الطبى و حجزت تذكرة القطر و رتبت نفسى.
3. هتاخد الدوسية بتاعك و الأوراق اللى جهزتها و تتوكل على الله تروح مديرية الشئون الصحية بالمحافظة المكلف عليها، اول حاجة هتعملها زى ما قلنا انك هتختم استمارة الكشف الصحى.. و تخلص الكشف الصحى بتاعك، و ترجع تسلم الملف بتاعك بكامل الأوراق معاها استمارة الكشف الصحى كاملة و انت فـ المديرية هتملى اوراق تانية كتير و تختمها علشان تتحفظ فـ الملف بتاعك و تستلم العمل بعدها.
4. بعد انهائك فى المديرية هتاخد منهم جواب موجه للإدارة الصحية اللى هتستلم فيها داخل محافظة تكليفك، و الإدارة بدورها هتسلمك جواب عمل للوحدة الصحية لاستلام العمل هناك .
# خلى بالك كمان، طالما استلمت فـ المديرية لازم بحد أقصى( 3 ايام ) تكون استلمت فـ الادارة علشان دفتر الحضور و الإنصراف الجميل
ويلكم بأة ياباشا فـ وحدتك الصحية الجميلة
عاوزك تهاف فان ع الأخر عاوزك تدخل عليهم أسد
فاهم كل حاجة، عارف حقوقك و واجباتك ، علشان كدة ضرورى تشوف التوبيك دة | إعرف بعض الأمور الإدارية و القانوينة الهامة خلال سنة التكليفوكمان متنساش تحمل الـ PDF دة | Practice Guidelines For Family Physicians، و اللى بتكلم عن سنة التكليف من A-Z
و لو عندك اى استفسار او سؤال او طلب سيب كومنت و هاحاول اساعدك باذن الله .
[GROUP=3][/GROUP]
بالتوفيق ،،،
التعديل الأخير:
ممكن اعرف الشنطة بتاعتي في التكليف مهم يكون فيها ايه