انا ان شاء الله داخل فرقة رابعه و محتاج اعرف عن المواد و ايه المصادر السريعه يعنى لو مراجعات بتفصيل للمواد و اسمع لمين و ايه الاصعب .. اتمنى رد و شكرا مقدما ليكم
سنة رابعة من امتع السنين اللي هاتعدي عليك الحقيقة
واكتر سنة تعرف تجيب فيها تقدير بسهولة وبمجهود أقل من السنين اللي فاتت
أول سنة هيتغير نظام السكاشن بتاعك لراوندات واول سنة هاتاخد فيها مواد كلينيكال ف الدنيا هاتبقى لذيذة يعني
هاعرفك الأربع مواد اجمالا واكلمك عن كل واحدة لواحداها
عندك:
1) طب العيون ophthalmology
2) أنف وأذن وحنجرة ENT
'3) طب شرعي وسموم Forensic and toxicology
'4) طب المجتمع والصناعات Commmunity medicine
الرمد أو طب العيون:
مادة ممتعة ولذيذة وتتذاكر بسهولة ان شاء الله
في المادة دي بتعرف تركيب العين كأناتومي ودا من وجهة نظري أهم شابتر عشان منه هاتفهم حاجات كتير هاتساعدك ف شباتر تانية
بعد الأناتومي, الشباتر بتتقسم حسب كل جزء ف العين وهكذا ,بتعرف بقى الأمراض اللي بتيجي ف كل جزء أسبابها وعلاجها وتشخيصها و المشاكل اللي ممكن تترتب عليها وهكذا ف كل الشباتر.
عملي الرمد لذيذ وسهل تقفله بتشوف حالات زي اللي بتدرسها ف النظري
وتشتري تورش بقى وحركات
الكتب ومصادر الداتا كتير
ف هتختلف على حسب انت جامعة ايه
من وجهة نظري أفضل داتا ممكن تسمعها داتا د. ممدوح الكفراوي الله يرحمه
تسمعها ومعاك ورقة وقلم تكتب وراه بعد كدا تقرأ وتذاكر من أي كتاب ولو عندك كتاب قسم مثلا ركز عليه
ادخل هنا Ophthalmolgy طب العيون
هاتلاقي تقريبا كل الداتا
حمل من كل دكتور تسجيل واحد ف نفس الموضوع زي ال lid مثلا
واسمعه لكلهم وشوف انسب واحد ليك واسمعه و معظهم ليهم كتب تسمع عليها
الأنف والأذن والحنجرة
مادة سهلة جدا وتتلم ف وقت قليل من غير مجهود كبير
متقسمة 3 أجزاء زي ما واضح من اسمها
أنف, وبتدرس فيه الأناتومي بردو وبعديه الأمراض اللي ممكن تيجي فيه بنفس التسلسل بتاع كل الأمراض
تعريف
risk factors
أسباب
اعراض
تشخيص
علاج
complications
العناصر دي خليها ف دماغك دايما ف اي مرض ف اى مادة كلينيكال
أذن, نفس الموضوع
حنجرة, نفس الكلام
عندك عملي شوية عمليات بتعرفهم وصور وسبوتس ان شاء الله سهلة
بالنسبة للكتب والداتا:
نفس القاعدة اللي قلتهالك فوق
وهنا تقدر تشوف كل الداتا المرفوعة بتاعت المادة دي وتختار منها
ENT-الأنف و الأذن و الحنجرة
هكملك المادتين التانين ف كومنت تاني
شكرا جزيلا :'
اتمني يكون وصلك حاجة واستفدت
ولو عندك اي سؤال, اتفضل.![]()