PLAB 1 ازاى تحضر نفسك و تذاكر لإمتحان الجزء الأول من المعادلة البريطانية PLAB 1

MaHmOuD MyStErO

Administrator
طاقم الإدارة
Team Member
دلوقتى حضرتك الحمد لله أخدت القرار خلاص و عقدت النية انك تبدأ فـ مشوار المعادلة البريطانية PLAB و بالفعل بدأت او خلصت شهادة الـ IELTS او شهادة الـ OET
و بالفعل حجزت لامتحان الجزء الأول PLAB 1 و تمت الموافقة بدخولك للامتحان ...

ازاى بأة هتبدأ تحضر نفسك و تذاكر لامتحان الجزء الأول PLAB 1 ، دة اللى هاحاول اساعدك بيه فـ التوبيك دة ان شاء الله بعد بحث متعمق و بعد سؤال عدد كبير من الناس اللى دخلت PLAB 1 وسافرت انجلترا كمان.

فـ التوبيك دة هتلاقى:
  • ازاى تحضر وتنظم وقتك للمذاكرة؟
  • ايه هى مصادر المذاكرة؟
  • لينكات تحميل كل الداتا اللى ممكن تفيدك لامتحان PLAB 1
المعروف ان الحمد لله امتحان PLAB 1 التحضير ليه و المذاكرة بتكون سهلة و مش محتاج تاخد كورسات او غيره ان شاء الله، وخصوصاً ان كل الداتا المتعلقة بالامتحان موجودة ع النت و منتشرة و مجانية وهابدأ اجمعلك اهمها فـ التوبيك دة.


1. أول حاجة متنساش تعمل Follow لقسم الـ PLAB ع المنتدى ، و ممكن كمان تنضم للـ PLAB Class Room من ( هنا ) ، و استخدم الكود ( c9079ji ) علشان هتلاقى اسئلة بنضيفها من فترة للتانية تختبر بيها نفسك.


2. جميع الناس تقريباً اللى دخلت PLAB 1 اجمعت ان افضل نظام للمذاكرة هو نظام السؤال و الجواب ( الـ 1700 سؤال ).
* ايه الـ 1700 سؤال ؟
عبارة عن مجموعة كبيرة جداً من الاسئلة حوالى 1700 سؤال تم تجميعهم من مصادر مختلفة للمذاكرة و من امتحانات PLAB 1 السابقة و تنظيمهم و الإجابة عليهم و شرحهم.
و ناس كتير جداً كانت بتعتمد عليها و ممكن تحملها من اللينك ( هنا ).

* لكن هل الملف و الأسئلة دى فقط كافية للمذاكرة و النجاح فـ PLAB 1؟ - و هل فعلاً الأسئلة دى بتتكرر دايما؟
هى الأسئلة مش بتتكرر بالظبط، لكن المواضيع نفسها اللى فـ الأسئلة هى هى بتاعة كل امتحان، علشان كدا و انت بتذاكر منها عينك على طول ع الإجابة الصح و افهم ليه دى الإجابة الصح مش لية باقى الإجابات غلط.


3. طيب لو حاسس انك مش فاهم الأسئلة دى اوى يبقى ممكن تحمل كتاب " Oxford Handbook Of Clinical Medicine " - من ( هنا ) ، و كتاب " Oxford Handbook Of Clinical Specialties " - من ( هنا )
انت مش محتاج تذاكر او تطلع على كل المعلومات اللى فـ الكتب دى، انت بس ممكن تخليها جمبك كمرجع تبحث فيه عن الموضوع اللى فـ الأسئلة اللى انت بتذاكرها بس لو محتاج تفهم الموضوع اكتر.


4. حاجة كمان بسيطة ممكن تساعدك لو انت شايف ان الـ 1700 سؤال او الكتب دى كبيرة جداً و مفيش عندك وقت لكل دة هى " Samson notes for PLAB 1 " - و اللى ممكن تحملها من ( هنا ) و دى بأة مجمعة اشهر واهم الأسئلة اللى ممكن تلاقيها فـ امتحان PLAB 1


5. طيب لو عايز تختبر نفسك قبل الإمتحان يبقى لازم تحمل الـ Mocks دى ( حملها من هنا ) و اللى عبارة عن ملفات فيها مجموعة من الأسئلة بتبدأ تجاوب عليها و تسجل اجابتك مثلاً فـ ورقة خارجية و بعد ما تخلص تشوف الإجابات من الملفات و تقارنها بإجابتك.
## كمان متسناش تعمل JOIN لـ PLAB Class Room بالكود ( c9079ji ) من ( هنا ) علشان هننزل عليها اختبارات و اسئلة كل فترة باذن الله.


فـ النهاية زى ما ذكرت قبل كدا النجاح فـ PLAB 1 مش صعب ابداً باذن الله ، و ممكن تعتمد على المصادر اللى فـ التوبيك هنا لانها متجمعة بناءاً على اراء و خبرات عدد كبير دخل امتحان PLAB 1 ،واى معلومات او داتا اضافية هنضيفها فـ التوبيك علشان كدة متنساش تعمل Follow للتوبيك دة.

وانت لو كان عندك اى تجارب او خبرات سابقة ياريت تفيدنا بيها .

بالتوفيق ،،
 



قد يهمك ايضاً !

MaHmOuD MyStErO

Administrator
طاقم الإدارة
Team Member
السلام عليكم ورحمة الله وبركاته استفسار يعنى المفروض انى اختبر OETقبل ما احجز للجزء الاول PLAB1
و عليكم السلام ،،
من شروط دخول الامتحانات و السفر الحصول علي IELTS بسكور 7.5 او OET بسكور B
 

MaHmOuD MyStErO

Administrator
طاقم الإدارة
Team Member
السلام عليكم ورحمه الله وبركاته...هل ممكن امتحن الجزء الاول من البلاب داخل بريطانيا...وهل ممكن ادخل الجدزء التانى مباشره بعد الاول؟
جزاكم الله خير
ممكن طبعاً تمتحن PLAB1 فـ اى مكان معتمد مُعلن عنه فـ اى دولة ..
و ممكن بعد النجاح فـ PLAB2 مباشرة تحجز فـ اقرب موعد لـ PLAB2 لو تحب .. لكن خلى بالك لازم تسيب وقت كويس للكورسات و المذاكرة للجزء التانى
بالتوفيق
 
أعلى