PLAB 1 ازاى تحجز لامتحان الجزء الأول من المعادلة البريطانية PLAB 1

MaHmOuD MyStErO

Administrator
طاقم الإدارة
Team Member
فى التوبيك دة هاوضح ازاى تسجل اكونت على موقع المعادلة البريطانية ( موقع المجلس الطبى العام بالمملكة المتحدة - GMC ) ، و تسجل لدخول امتحان الجزء الأول من المعادلة البريطانية PLAB 1

اعرف اكتر عن المعادلة البريطانية و نظام و مواعيد الامتحانات

طيب قبل ما تسجل لامتحان الجزء الأول PLAB 1 اكيد انت عارف ان فيه شروط معينة لدخول الامتحان، وهى:
  • انك تكون خريج احد الجامعات المعتمدة دوليا " وممكن تتأكد من اللينك دة | World Directory of Medical Schools Search "
  • انك تكون واخد شهادةIELTS بسكور 7.5 ع الأقل، او شهادة OET بسكور B ع الأقل.
لو كدة يبقى انت تمام و ممكن تدخل الامتحان باذن الله، و تقدر تتابع و تكمل معايا ...

1. اول حاجة جهز جمبك الحاجات دى:
  • الباسبور ( جواز السفر ) بتاعك علشان هننقل منه بعض البيانات.
  • شهادة التخرج بتاعتك هنحتاج منها برده بعض البيانات.
  • Credit Card ? فيها ع الأقل ٣٢٥٠ جنيه 🆒🆒
2. هتدخل ع اللينك دة علشان تعمل اكونت على موقع المعادلة البريطانية GMC | GMC | How do I book or cancel an exam?


3. شوف الفيديو اللى جاى دة بيشرح طريقة التسجيل خطوة خطوة و البيانات اللى مطلوبة منك لحد ما تحجز معاد لامتحان الجزء الأول من المعادلة البريطانية PLAB 1




# كام نقطة مهمة :
* هل لازم استخدم بطاقة ائتمان خاصة بيا و باسمى للدفع و التسجيل؟
لا، مش شرط ممكن تستخدم اى بطاقة ائتمانية فعالة فيها المبلغ المطلوب وهو ( 230 جنيه استرلينى ) وخلى بالك من فرق العملة. و كمان لازم تستخدم Credit Card مش Debit Card

* هل ممكن اسجل اكونت و احجز معاد للـ PLAB 1 وانا لسة طالب؟
للأسف لا، لازم تكون خريج أحد الجامعات المعتمدة و معاك شهادة التخرج بتاعتك.

بعد ما تنتهى من التسجيل :

اى استفسارات او مساعدة سيب كومنت ع التوبيك و هنساعدك باذن الله..
 



التعديل الأخير:

قد يهمك ايضاً !

drmigo2018

New member
انا عملت اكونت بس كل مافتحه يقولي account locked واتصلت بيهم بس مافدنيش بشئ فايه الحل
جزاكم الله خيرا
 

redrose

New member
ممكن حضرتك سؤال
هو لمن اكتب تاريخ شهادة التخرج
هل اكتب التاريخ اللي موجود عالكرتونة
ولا التاريخ مصدقة التخرج لانهم الاثنين مختلفين
 

MaHmOuD MyStErO

Administrator
طاقم الإدارة
Team Member
ممكن حضرتك سؤال
هو لمن اكتب تاريخ شهادة التخرج
هل اكتب التاريخ اللي موجود عالكرتونة
ولا التاريخ مصدقة التخرج لانهم الاثنين مختلفين
ازاي الاتنين مختلفين؟
المفروض تاريخ التخرج واحد علي الشهادتين
عموما برده حضرتك اتاكدي من حد من زمايلك ف الدفعة و اكتبي التاريخ اللي ع الشهادة الكمبيوتر
 
أعلى