Welcome!

By registering with us, you'll be able to discuss, share and private message with other members of our community.

SignUp Now!

MaHmOuD MyStErO

Administrator
Staff member
التكليف المركزى و النائى ( مميزات و عيوب )

أولاً : التكليف المركزى :
فترة التكليف من سنة لحد سنة ونص بعدها بتستلم نيابتك
وفترة التكليف تعتمد على انك انت هتقدم على النيابات الملحة ولا العادي , النيابه لها حركتين فى السنه حركة مايو سابقا اللى بقى اسمها سبتمبر و حركة نوفمبر سابقا اللى بقى اسمها مارس
المركزى بيقدم على الحركه الملحه بعد 6 شهور من العمل الفعلى على التخصصات الملحه فقط اللى هى (استقبال وطواريء - تخدير - أشعه - بنوك دم - عناية مركزة - طب أسرة - تنظيم أسرة - باثولوجي اكلينيكي - جراحة عامة - باطنة عامة - جراحة مخ وأعصاب - جراحة أوعية دموية - جراحة قلب وصدر - نفسية وعصبية - صدر - حميات )


ثانيا : التكليف النائي
المناطق النائيه بتنقسم الى جزئين مناطق نائية حدوديا و مناطق نائيه اداريا .. المناطق النائيه حدوديا هم ( مطروح , البحر الاحمر , جنوب سيناء, شمال سيناء, الوادى الجديد و اسوان )
و مناطق نائيه غير حدوديه (سوهاج - قنا - الاقصر - يوسف الصديق بالفيوم - القنطرة شرق بالاسماعيلية - الواحات البحرية بالجيزة - غرب النوبارية بالبحيرة )
كل الاماكن اللى ذكرتها دى ليها الحق فى الحصول على جميع مميزات النائى الاداريه اللى شرحناها قبل كده وهي كالتالي :
  • التقديم على اقرب حركة نيابات
  • الترشيح الوزارى الاستثنائى فور صدور نتيجة النيابات عشان تقدم فى الدراسات العليا
  • احتساب سنة التكليف من سنوات النيابه
  • الترقيه الى اخصائى دون تنفيذ 6 شهور فى اماكن نائيه
كده عرفنا ايه المميزات الاداريه ومين اللى ليهم الحق فيها ,, تعالو بقى نشوف مين اللى ليه الحق فى الحصول على المميزات الماديه اللى هى حافز المناطق النائيه كالتالى :
  • المحافظات الحدوديه جميعا ( مطروح , البحر الاحمر , شمال و جنوب سيناء , الوادى الجديد و اسوان )
  • القنطره شرق بالاسماعيليه و الواحات البحريه فى الجيزه ..
طيب بالنسبه لباقى الاماكن النائيه فدول اسمهم نائى ادارى فقط يعنى ياخد نفس مميزات النائى الادرايه وملوش اى مميزات ماديه وبيقبض زى المناطق المركزيه و هم كالتالى ( سوهاج , قنا , الاقصر , يوسف الصديق فى الفيوم , غرب النوباريه فى البحيره )
و طبعا هيكون فى بوست مفصل عن المرتبات بس انت ف النائى بتقبض فى حدود 4000 بحوافزك ونباطشياتك و بتزيد او تقل حاجات بسيطه من مكان لمكان


## لحد كده النائى جميل ومحترم وزى الفل بس متفكرش ان الدوله بتديك المميزات دى كلها كده لأ طبعا فى مقابل مهم جدا انت بتدفعه
.
** السفر و ما ادراك ما السفر فى النائى انت ممكن تسافر12 ساعه او اكتر لحد ما توصل الوحده ,, لازم يكون عندك القدره على تحمل مشقة السفر لان فعلا فى ناس كانت بتركب لوري احيانا عشان يعرفو يوصلو لوحداتهم و فى اماكن مواصلاتها كويسه جدا زى مطروح
** العيشه فى النائى صعبه جدا من ناحية الاكل و السكن والخدمات ,, قانونيا انت المفروض بيكون ليك سكن مجهز بكل شئ داخل وحدتك و الاكل بيتوفرلك 3 وجبات من اقرب مكان ليك سواء مستشفى او مركز حضرى و فى بعض الاماكن بتصرف الاكل مجفف و انت تاخده تتصرف فيه براحتك
** الميه ثم الميه ثم الميه تقريبا اغلب الاماكن النائيه ان لم يكن كلها هتلاقو مشكله فى الميه هى بالمناسبه غير صالحه للشرب او الاكل اطلاقا فانت بتدبر امورك وتشترى ميه معدنيه تكفيك وبرضو فى بعض الاماكن متاح فيها ميه كويسه
** نظام الحضور فى النائى بيختلف من مكان لمكان احسنهم دايما مطروح و جنوب سيناء والبحر الاحمر الحضور هناك 15 يوم و 15 اوف و انا عندى نفس الكلام فى شمال سيناء 15 و 15 لكن بيبقى فى شوية غلاسه فى بعض ادارات اسوان والوادى والاقصر وقنا
وفى اماكن انتو لو اكتر من اتنين ممكن الحضور يبقى 10 ايام بس و اوف 20 يوم ودى طبعا ميزه لو عندك شغل برايفت
** بالنسبه للبنات اللى عايزين يروحو نائى من سنتين كانو بيروحو مطروح وجنوب سيناء بس ,, انما دفعتنا احنا كسرت كل قواعد التكليف ولاول مره عموما نغطى النائى فى جميع انحاء الجمهوريه باكتر من 1450 طبيب تكليف و البنات كمان تقريبا فى كل المحافظات بما فيهم شمال سيناء احنا حوالى 150 واحد فى اكتر من 25 طبيبه معانا و كذلك فى اسوان والاقصر و سوهاج و البحر الاحمر و مطروح دى طبعا اغلبها بنات ,, و تظل مطروح و جنوب سيناء الافضل بلا منازع للبنات عشان كده دايما التنسيق بتاعهم بيكون عالي جدا

 
التعديل الأخير:
لو بنت والتراكمى بتاعها 82% من اسكندريه وعاوزه تروح نائى مطروح هل هينفع ولو مينفعش هل فيه اى طريقه اقدر اروح بيها هناك زى انو والدى يأجر شقه باسمه لمده سنه او اتنين هناك وكأننا غيرنا محل الاقامه يعنى انا فيه حد من الزميلات قالتلى على الموضوع دا بس انا مش عارفه هل فعلا ممكن عاوزه اتأكد
 
عودة
أعلى